रोमीयो 3:5 - जीवन को च्यानणो (सेकावाटी नया नियम की पोथ्या)

⁵ पण ज आपणा बुरा करम परमेसर की धारमिक्‍तानै ओरबी साप तरिकाऊँ परगट करै अर बा ताँई बो आपानै सजा देवै जणा के आपा आ बोल सकां हां क परमेसर आपानै सजा देर आपणै सागै अन्याय करर्यो ह? अंय्यां म एक मिनख होबा क नातै बोलर्यो हूँ।

रोमीयो 3:5 Referans Kwoze

रोमीयो 6:19

मिनख सुभाव होबा क नातै थे अ बाता कोनी समज सको इ ताँई म आम बोलचाल म समजार्यो हूँ क्युं क जंय्यां थे थारी काया का अंगानै असुद होबा अर अधरमनै बढाबा ताँई एक दास की जंय्यां काम लेता हा, जणा इब आनै धारमिक्‍ता ताँई जखी पबितरता कानि लेज्यावै दास होबा ताँई सूप द्‍यो।

गलातियो 3:15

ओ मेरा लाडला बिस्वास्यो, म थानै एक खेबत क जरिए बताऊँ हूँ, क जद कोई मिनख कोईऊँ करार करै ह, जणा बो बि करेड़ा करारनामा म बंद जावै ह, अर बिनै बो कोनी टाळ सकै अर नइ बिमै क्यु घटा-बढा सकै ह।

1 कुरन्थीयो 9:8

के म अ बाता मिनखा का अधिकारऊँ बोलुँ हूँ? के आ बाता क बारां म सास्तर कोनी खेवै?

रोमीयो 7:7

जणा आपा काँई बोलां? के नेम-कायदा पाप ह? पक्काई नेम-कायदा पाप कोनी। क्युंबी हो नेम-कायदो नइ होतो जणा म जाणतोई कोनी क पाप काँई होवै ह। ज नेम-कायदो आ कोनी बतातो क लालच मना करो जणा सचमई म जाणतोई कोनी क लालच काँई ह।

रोमीयो 4:1

जणा पाछै म्हें काँई बोलां क आपणा धरती का बडका अब्राहमनै इ धारमिक्‍ताऊँ काँई समज म आयो?

रोमीयो 2:5

पण थारा जीद्दि सुभाव अर पापऊँ मन नइ फेरबा की बजेऊँ थे थारै ताँई झाळ भेळी करर्या हो अर आ झाळ थार प बि दिन पड़सी जद परमेसर आपको सचो न्याय परगट करसी।

दरसाव 18:20

हे ईस्बर नगरी, हे परमेसर का मिनखो, भेजेड़ा चेला अर परमेसर की खेबाळो राजी होओ, क्युं क परमेसर बिको न्याय कर थारो बदलो लिओ ह।”

दरसाव 15:3

बे मिनख परमेसर का दास मूसा अर उन्या का गीत गावा हा, “परबु परमेसर थे सऊँ सक्‍तिसाली हो। थारा काम बडा अर ताजूबभर्या हीं। ओ जुग-जुग का राजा। थारो गेलो सचो अर धारमिक ह।

1 कुरन्थीयो 15:32

ज परमेसर बिस्वास्यानै मर्या पाछै ओज्यु कोनी जीवावै जणा बाकै सागै लड़बा को काँई फाईदो जखा इफिसुस नगरी म मेरै सागै जंगली जिनावरा की जंय्यां लड़्या। ज सई मई मरेड़ा मऊँ जिबो कोनी ह, “जणा आओ आपा खाई पी करां क्युं क काल तो आपानै मरनोई ह।”

रोमीयो 12:19

मेरा लाडलो, खुद बदलो मना ल्यो पण इनै परमेसर की झाळपै छोड द्‍यो क्युं क पबितर सास्तर म मंडेड़ो ह, “परबु बोल्यो बदलो लेबा को काम मेरो ह, मई बदलो चुकास्युं।

रोमीयो 6:1

जणा पाछै आपा काँई खेवां? के आपा पाप करता रेह्‍वां जिऊँ परमेसर की दया बढती रेह्‍वै?

रोमीयो 3:19

आपा जाणा हां क नेम-कायदा म मंडेड़ो बि ताँई ह जखो बिकै बस म ह। जिऊँ हरेक मुंडानै बंद कर्यो जा सकै अर सगळा को सगळो जगत परमेसर का दंड को भागी होवै।

रोमीयो 3:7

कोई अंय्यां बी बोल सकै ह, ज मेरो झूठ परमेसर का सच अर बिकी मेमानै बढावै, जणा मनै पापी की जंय्यां नइ दंड्यो जाणो चाए।

रोमीयो 5:8

पण परमेसर आपणाऊँ अंय्यां को परेम कर्यो क जद आपा पापीई हा बि टेम का बो मसीनै आपणै ताँई मरबा भेज्यो।

रोमीयो 8:31

जणा आ बातानै देखर आपा काँई बोलां, ज परमेसर आपणै कानि ह जणा आपणै सामै कूण हो सकै ह?

रोमीयो 9:30

जणा पाछै आपा काँई बोलां? गैर-यहूदि मिनख जखा धारमिक्‍ता की खोज म कोनी हा, बानै धारमिक्‍ता मिलगी। बे बिस्वास की बजेऊँई धरमी बणाया गया।

2 कुरन्थीयो 6:4

पण म्हें सगळी बाता म कळेस, दुख, मुसीबत भोगर थ्यावस क सागै परमेसर का दासा की जंय्यां होबा की कोसिस करता रेह्‍वां हां।

2 कुरन्थीयो 7:11

थेई बताओ जखो दुख परमेसर थानै दिओ बिकी बजेऊँ थे कत्ता राजी हो, थे बात का खरा, गळत की भीड़ नइ लेबाळा, परमेसर क डर म रेह्बाळा, म्हारूँ मिलबा की लगन राखबाळा, हिमत राखबाळा अर पापी को न्याय चुकाबाळा होगा। थे अंय्यां कर सगळी बाता म आ दिखा दिआ हो, क थे पबितर हो।

गलातियो 2:18

जा रितीयानै म छोड दिओ, बानै म ओज्यु मानू जणा म खुदई सजा को भागी हूँ।