रोमीयो 3:21 - जीवन को च्यानणो (सेकावाटी नया नियम की पोथ्या)

²¹ पण इब परमेसर बिना नेम-कायदा क मिनखानै कंय्यां धरमी बणावै आ परगट करी गई ह, जिकी गुवाई नेम-कायदा अर परमेसर की खेबाळा दि ह।

रोमीयो 3:21 Referans Kwoze

भेजेड़ा चेला का काम 10:43

अर सगळा परमेसर की खेबाळा बिकै बारां म गुवाई दि ही की जखो बी बिपै बिस्वास करसी बिका पाप ईसु मसी क नाम म धुप ज्यासी।”

फलिपी 3:9

अर म सगळो को सगळो बिको होज्याऊँ। म खुदकी धारमिक्‍ता की बजेऊँ धरमी कोनी हूँ जखी नेम-कायदा म मंडेड़ा धरम का काम करबाऊँ आवै ह, पण बि धारमिक्‍ता की बजेऊँ धरमी हूँ जखी मसी म बिस्वास की बजेऊँ परमेसर कानिऊँ आवै ह अर ओ बिस्वास करबाऊँई होवै ह।

गलातियो 3:8

नेम-कायदा म पेल्याऊँई बतायो गयो हो क, गैर-यहूदि मिनख बिस्वासऊँ धरमी होसी। जणाई तो परमेसर कानिऊँ अब्राहमनै ओ समचार सुणायो गयो क, “तेरै जरिए धरती का सगळा कूणबानै आसिरबाद मिलसी।”

रोमीयो 5:19

जंय्यां बि एक मिनख क कह्यो नइ मानबा की बजेऊँ सगळा मिनख पापी होया ठिक बंय्यांई बि एक मिनख क कह्यो मानबा की बजेऊँ बोळा मिनखानै परमेसर सई बतासी।

रोमीयो 1:17

क्युं क चोखो समचार परमेसर की धारमिक्‍तानै बतावै, आ धारमिक्‍ता सरूआतऊँ लेर आखीर ताँई बिस्वास प टिकरी ह जंय्यां क पबितर सास्तर म मंडर्यो ह, “धरमी मिनख बिस्वासऊँ जिसी।”

भेजेड़ा चेला का काम 15:11

म्हें ओ बिस्वास करां हां क परमेसर की दयाऊँ म्हें बी बचा लिआ गया हां जंय्यां क बे बचा लिआ गया हीं।”

लूका 24:44

अर बाऊँ बोल्यो, “अ बे बाता हीं जखी म जनाड़ै बोली ही जद म थारै सागै हो। अ सगळी बात जखी मूसा का नेम-कायदा म, परमेसर की खेबाळा अर भजना की पोथी म मंडरी ह सगळी पूरी होणीई ही।”

2 पतरस 1:1

म, समोन जिको नाम पतरस बी ह, जखो परबु ईसु मसी को दास अर भेजेड़ो चेलो हूँ। आ चिठी बा मिनखानै मांडूँ हूँ जखा आपणा परमेसर अर छुटकारो देबाळा ईसु मसी की धारमिक्‍ता की बजेऊँ आपणी जंय्यांई बिस्वास करीं हीं।

1 पतरस 1:10

थे बचाया जार्या हो, इ बात को हेलो परमेसर की खेबाळा बोळी पेल्या पाड़्या हा। अर बे इ बात की खूब जाच पड़ताळ करी क, परमेसर थानै कंय्यां बचासी।

गलातियो 5:5

पण आपा पबितर आत्मा का दियड़ा बिस्वास की बजेऊँ परमेसर क सामै जीबा की आस देखां हां।

रोमीयो 16:26

जिनै जुग-जुग बण्या रेह्बाळा परमेसर का हुकमाऊँ परमेसर की खेबाळा का लेखा क जरिए सगळा गैर-यहूदि मिनखा प परगट कर बता दिओ गयो ह, जिऊँ बामै बिस्वासऊँ पैदा होबाळी कह्यो मानबा की मनस्या पैदा होवै।

भेजेड़ा चेला का काम 26:22

पण परमेसर की दयाऊँ म आज अठै खड़्यो हूँ अर छोटाऊँ लेर बडा ताँई सगळानै मेरी गुवाई देर्यो हूँ। अर बा बातानै छोडर ओर क्युंई कोनी खेऊँ जानै मूसा अर परमेसर की खेबाळा कह्या हा क अ बाता होबाळी ह।

यहून्ना 1:45

फलिपूस नतनएलऊँ मिलर बिऊँ बोल्यो, “म्हानै बो मिलगो ह, जिकै बारां म मूसा नेम-कायदा म मांड्यो अर जिकै बारां म परमेसर की खेबाळा बताया हीं। बो युसूफ को बेटो नासरत को रेह्बाळो ईसु ह।”

2 कुरन्थीयो 5:21

अर जखो कदैई पाप कोनी कर्यो बिनै परमेसर आपणा ताँई पापबली बणायो जिऊँ आपा परमेसर क सामै धरमी बाजां।

1 कुरन्थीयो 1:30

पण परमेसर थानै मसी ईसु म जोड़्यो अर मसीनै थारी बुदी बणायो। अर बिकै जरिएई आपा परमेसर की नजर्या म धरमी हां अर आपा परमेसर का पबितर मिनख बण्या अर अजाद कर्या गया।

रोमीयो 9:30

जणा पाछै आपा काँई बोलां? गैर-यहूदि मिनख जखा धारमिक्‍ता की खोज म कोनी हा, बानै धारमिक्‍ता मिलगी। बे बिस्वास की बजेऊँई धरमी बणाया गया।

रोमीयो 5:21

जिऊँ जंय्यां मोत की बजेऊँ पाप राज कर्यो ठिक बंय्यांई आपणा परबु ईसु मसी क जरिए अजर-अमर जीवन ल्याबा ताँई परमेसर की दया धरमऊँ राज करै।

भेजेड़ा चेला का काम 28:23

जणा बे पोलुस की सुणबा ताँई एक दिन राख्यो। अर बि दिन जठै बो रेहर्यो हो बठै बोळासारा मिनख आर भेळा होया। जणा बो मूसा का नेम-कायदा अर परमेसर की खेबाळा की पोथ्याऊँ ईसु क बारां म समजाबा की कोसिस करतो बानै परमेसर का राज क बारां म समजायो। बो दिनग्याऊँ लेर दिन ढळबा ताँई इमई लाग्यो रिह्यो।

रोमीयो 3:28

क्युं क म्हें इ नतिजा प पुग्या हां क मिनख नेम-कायदा का करमाऊँ नइ पण बिस्वास की बजेऊँ धरमी बणै ह।

2 कुरन्थीयो 3:9

जद मोत ल्याबाळी सेवा मेमाऊँ भरेड़ी ही जणा जीवन ल्याबाळी सेवा जखी धरमी बणावै ह बा बिऊँ बेत्ती मेमाऊँ भरेड़ी क्युं कोनी होसी?