रोमीयो 2:9 - जीवन को च्यानणो (सेकावाटी नया नियम की पोथ्या)

⁹ बुराई का गेला प चालबाळा दुख संकट भोगसी, आ बात पेली यहूदि मिनखा प अर सागै की सागै यूनानी मिनखा प बी लागू होवै ह।

रोमीयो 2:9 Referans Kwoze

1 पतरस 4:17

क्युं क बा घड़ी आबाळी ह जद पेल्या तो परमेसर का मिनखा को न्याय कर्यो ज्यासी; अर न्याय की सरूआत आपणाऊँई होसी जणा बाको काँई होसी जखा परमेसर का चोखा समचारनै कोनी मानी?

रोमीयो 1:16

म मसी का चोखा समचारऊँ कोनी सरमाऊँ क्युं क जखो बी बिस्वास करै बिकै छुटकारा ताँई ओ समचार पेली यहूदि मिनखा ताँई अर पाछै यूनानी मिनखा ताँई बी परमेसर की सक्‍ति ह।

2 थिसलूनिकी 1:6

परमेसर बोई करसी जखो सई ह। जखा थानै दिन घालै ह, बानै बो बी दिन घालसी,

रोमीयो 9:24

अर सचमई आपा बे मिनख हा जानै परमेसर बुलायो ह अर खाली यहूदिई नइ, पण गैर-यहूदि बी सामिल ह।

रोमीयो 2:10

बा मिनखानै मेमा, मान-समान अर सुक-स्यांती मिलसी जखा भला काम करीं हीं। आ बात पेली यहूदि मिनखा प अर सागै की सागै यूनानी मिनखा प बी लागू होवै ह।

भेजेड़ा चेला का काम 3:26

अर परमेसर आपका दास ईसुनै टाळर बिनै सऊँ पेली थारै कनै भेज्यो। जिऊँ बो थानै थारा कुगेलाऊँ न्यारो कर आसिरबाद दे सकै।”

लूका 24:47

अर बिका नामऊँ पाप की माफी ताँई मन फेरबा का चोखा समचार को यरूसलेमऊँ लेर धरती का सगळा कूणबा म परचार कर्यो जासी।

कलुसीयो 3:11

अर इब कोई यूनानी अर यहूदि, सुन्नत हाळो अर बिना सुन्नत हाळो, बिना लोतर का, कुजात, गुलाम अर अजाद म कोई अंतर कोनी ह पण मसी सक्यु अर सगळा म ह।

गलातियो 3:28

जणा इब नइ तो कोई यहूदि रिह्यो अर नइ यूनानी, नइ गुलाम, नइ अजाद, नइ नर, नइ नारी, क्युं क थे सगळा मसी ईसु म एकई हो।

रोमीयो 10:12

आ इ ताँई ह क यहूदि मिनखा अर यूनानी मिनखा म कोई भेद कोनी क्युं क सगळा को परबु एकई ह। अर बिकी अपरम्पार दया बा सगळा ताँई ह जखा बिनै हेलो देवै ह।

भेजेड़ा चेला का काम 28:28

थानै ओ जाणबो चाए की परमेसर को छुटकारो गैर-यहूदि मिनखा क कनै भेज्यो गयो ह। बे इ छुटकारा का समचारनै सुणसी।”

भेजेड़ा चेला का काम 28:17

अर तीन दिना क पाछै पोलुस बठै का यहूदि बडका की एक सभा बुलाई। अर जद बे भेळा होया जणा बो बाऊँ बोल्यो, “यहूदि भाईड़ो, म आपणा मिनखा अर बाप-दादा का रिती-रिवाजा क खिलाप क्युंई कोनी कर्यो इकै बावजुद बी यरूसलेम म बंदि बणार रोमी मिनखा क हाता म सूप्यो गयो।

भेजेड़ा चेला का काम 26:20

जणा म सऊँ पेली दमिसक पाछै यरूसलेम अर पाछै यहूदिआ का सगळा देसा का रेह्बाळा अर परमेसरनै नइ ध्यारबाळा मिनखानै समजातो रिह्यो क पापऊँ तौबा करो, परमेसर कानि आओ अर हियो बदलबा जोगो काम करो।

भेजेड़ा चेला का काम 20:21

अर म यहूदि अर यूनानी मिनखानै पापऊँ मन फेर'र परमेसर कानि मुड़बा अर परबु ईसु मसी प बिस्वास करबा ताँई खेतो रिह्यो।

भेजेड़ा चेला का काम 13:26

सुणो मेरा यहूदि भाईड़ो, अब्राहम की संतानो अर गैर-यहूदि परमेसर का भगतो! छुटकारा का अ बचन थारै कनैई पुग्या हीं।

भेजेड़ा चेला का काम 11:18

अ बाता सुणर बे बिऊँ जिरै करबो बंद कर दिओ अर सगळा परमेसर की आ खेर बडाई करबा लागगा की, “परमेसर गैर-यहूदि मिनखानै बी सचो जीवन जीबा ताँई पापऊँ मन फेरबा को दान दिओ ह।”

मत्ती 16:26

अर ज कोई मिनख आपका पिराणा की हानी उठार सगळा जगतनै जीत ले जणा बिनै काँई फाईदो? कोई चिज क बदला म मिनख खुदका पिराण दे सकै ह के?

रोमीयो 8:35

कूण ह जखो आपानै मसी का परेमऊँ न्यारो करसी? दुख नहिस मुसीबत नहिस दिन घालबो नहिस काळ नहिस कंगाली नहिस जोखम नहिस कटारी?