7 बे मिनख जखा थ्यावसऊँ भला कामा म लागर मेमा, मान-समान अर अजर-अमर जीवननै टोवीं हीं बानै परमेसर अजर-अमर को जीवन देसी।
अर उपळी माटी प पड़्या बीज बे हीं जखा बचन सुणर बिनै चोखा अर खरा हियाऊँ मानै अर थ्यावस राखर समाळर राखीं हीं जद ताँई क बाका करम बि बचन गेल नइ होज्यावै।
पण इब आपणा बचाबाळा मसी ईसु क आबा की बजेऊँ आपणा प परगट होयो ह। जखो चोखा समचार की बजेऊँ मोत को नास कर, अजर-अमर का जीवननै परगट कर्यो।
इ ताँई मेरा लाडला बिस्वास्यो, बिस्वास म मजबूत बण्या रेह्ओ अर जमाई संका मना करो। अर परबु का काम म खुदनै लगाया राखो। क्युं क थे जाणो हो क परबु ताँई करेड़ो काम बेकार कोनी जावै।
क्युं क पाप की मजुरी तो मोत ह पण आपणा परबु मसी ईसु म परमेसर को बरदान अजर-अमर जीवन ह।
परमेसर आपका टाळेड़ा मिनखा प बि भेदभर्या सतनै परगट कर्यो जिकी बो मनस्या बणा राखी ही ओ सत बोळो मेमाभर्यो ह, अर ओ सगळा ताँई ह। ओ भेद भर्यो सत ओ ह क, मसी गैर-यहूदि मिनखा म बी रेह्वै ह जखो मेमा की आस ह।
जणा आपानै चाए क जीज्यानऊँ भला काम करबा म लाग्या रेह्वां। जिऊँ ठिक टेम आबा प आपानै बिको फळ मिलै।
म सोचूँ हूँ क, इ टेम जखो दुख आपा भोगर्या हां बो आबाळी मेमा क आगै क्युंई कोनी।
बा मिनखानै मेमा, मान-समान अर सुक-स्यांती मिलसी जखा भला काम करीं हीं। आ बात पेली यहूदि मिनखा प अर सागै की सागै यूनानी मिनखा प बी लागू होवै ह।
अर मसी खुद आपानै अजर-अमर जीवन देबा को बादो कर्यो ह।
जिऊँ जानै बो पेल्याऊँई मेमा ताँई त्यार करमाल्यो हो अर बिकी दया क जोगा हा बापै बो आपकी भरपूर मेमा परगट कर सकै।
थे कंय्यां बिस्वास कर सको हो? थानै तो एक दुसराऊँ मान-समान भावै ह। पण खाली परमेसरऊँ मिलबाळा मान-समान ताँई थे लापरवा हो।
जणा अब्राहम थ्यावस क सागै इ करारनै उडिक्यो अर परमेसर को करेड़ो करार पूरो होयो।
क्युं क म्हें आ कोनी चावां क थे आळसी बणो, पण म्हें आ चावां हां क थे बा मिनखा किसी चाल चालो जखा बिस्वास अर थ्यावसऊँ बा बाता का वारिस हीं जाको करार परमेसर कर्यो हो।
जणा बे मिनख कदैई नइ खतम होबाळी सजा पासी अर धरमी मिनख अजर-अमर जीवन पासी।”
थे पक्का रेहज्यो जिऊँ थे खुदनै बचास्यो।
लावणी करबाळानै मजुरी मिलरी ह अर बो अजर-अमर जीवन ताँई फसल भेळी करै ह। जिऊँ बीज बोबाळो अर काटबाळो दोन्युई मिलर खुसी मना सकै।
इ ताँई जद मरेड़ा ओज्यु जीवाया ज्यासी जणा अंय्यांई होसी। अर जखी कायानै इ धरती प गाड्यो जावै बा नसबर ह पण जखी नई काया आपानै मिलसी बा अमर ह।
मेरा लाडला बिस्वास्यो, म थानै बताऊँ हूँ क आपणी आ काया जखी मास अर लोयऊँ बणेड़ी ह परमेसर का राज म कोनी जा सकै। अर ना नसबर काया अमर होसी।
अर जखा आपणा परबु ईसु मसीऊँ नइ मिटबाळो प्यार-परेम राखै ह, बा सगळा प परमेसर की दया होती रेह्वै।
अर इब सदाई राज करबाळो राजा, अनदेख्यो, अमर अर बस बि एकई परमेसर को मान अर गुणगान जुग-जुग होतो रेह्वै। अंय्यांई होवै।
तू मिनखनै ईस्बर नगरी दुताऊँ चिनोसोई कम बणायो ह, तू बिकै माथा प मेमा अर मान को मुकट धर्यो ह