रोमीयो 2:5 - जीवन को च्यानणो (सेकावाटी नया नियम की पोथ्या)

⁵ पण थारा जीद्दि सुभाव अर पापऊँ मन नइ फेरबा की बजेऊँ थे थारै ताँई झाळ भेळी करर्या हो अर आ झाळ थार प बि दिन पड़सी जद परमेसर आपको सचो न्याय परगट करसी।

रोमीयो 2:5 Referans Kwoze

रोमीयो 1:18

परमेसर की झाळ ईस्बर नगरीऊँ मिनखा का हरेक पाप अर बुराई क खिलाप परगट होवै ह, जखा बुराईऊँ सचनै दबावै ह।

यहूदा 1:6

म थानै बा दुता क बारां म बी याद दिलाबो चाऊँ हूँ, जखा आपका अधिकार का पदनै समाळर कोनी राख्या पण बि झघानै छोडर भाग्या जिनै परमेसर बानै रेह्बानै दिओ हो। जणा परमेसर बानै सदा ताँई की आग की भटी म न्यायहाळै दिन ताँई बंद कर दिओ, जिऊँ न्याय क दिन बानै सजा दे।

2 पतरस 3:7

पण आज का आसमान अर धरती बिका बचनऊँ इ ताँई बणाएड़ा हीं क, बे बाळ्या ज्यावीं। अर अ जद ताँई अंय्यांई रेह्सी जद ताँई पापी मिनखा को न्याय अर बाको नास नइ होज्यावै।

इबरानीआ 3:15

जंय्यां क बोल्यो बी गयो ह, “ज थे आज बिकी उवाज सुणो, जणा थे थारा हियानै काठो मना करज्यो, जंय्यां की बगावत की टेम म कर्या हा।”

2 पतरस 2:9

अ बाता आ दिखावै ह क परबु, परमेसरनै मानबाळा मिनखानै दुखऊँ बचाबो अर न्यायहाळै दिन ताँई पाप्यानै दुख भोगबा की दसा म राखबो जाणै ह।

इबरानीआ 4:7

इ ताँई परमेसर ओज्यु एक खास दिन ते कर्यो अर बिनै नाम दिओ “आज” अर बो बोळा बरसा क पाछै दाऊद क जरिए बोल्यो, “ज थे आज बिकी उवाज सुणो, जणा थे थारा हियानै काठो मना करो।”

इबरानीआ 3:13

जद ताँई आज को दिन खुवावै ह रोजकी एक दुसरा की हिमत बंधाता रेहज्यो। जिऊँ थार मालो कोईसो बी पाप का धोका म आर आपका हियानै काठो नइ करै।

रोमीयो 9:22

अंय्यांई परमेसर बी आपकी झाळ अर नफरतनै नास होबाळा प परगट करबो चावै हो। इकै बावजुद बी बो बा झाळ अर नफरत जोगा नास होबाळा ताँई बोळी सबर करी।

दरसाव 6:17

क्युं क बिकै झाळ काडबा को भेंकर दिन आगो ह, अंय्यां को कूण ह जखो बानै झेल सकै?”

याकूब 5:3

थारा सोना-चाँदी क काई लागगी। अर बापै लागेड़ी काई थारै खिलाप गुवाई देसी अर थारी कायानै आग की जंय्यां नास करै ह। थे आखरी दिना म धन जोड़्या हो।

रोमीयो 11:25

मेरा लाडला बिस्वास्यो! म थानै इ लुखेड़ा सचऊँ अणजाण कोनी राखबो चाऊँ, क थे खुदनै घणा चतर नइ समजबा लागो। क्युं क इजरायल का मिनखा को ढिटपुणो सदाई कोनी बण्यो रेह्सी। ओ तो जद ताँई ह जद ताँई गैर-यहूदि मिनखा मऊँ जत्ता टाळेड़ा हीं, बे सगळा परमेसर कनै नइ आज्यावै।

2 कुरन्थीयो 5:10

क्युं क आपा इ काया म जीर जखो बी भलो-बुरो काम कर्या हां बिको फळ पाबा ताँई मसी क न्याय सिंघासन क सामै पक्कोई खड़्यो होणो पड़सी।

2 थिसलूनिकी 1:5

अ सगळी बाता परमेसर क सचा न्याय को साप सबूत ह। अ बाता थानै परमेसर का राज का जोगा बणावै, जि परमेसर का राज ताँई थे दुख बी भोगर्या हो।

दरसाव 2:21

म बिनै बिका कुकरमाऊँ हियो बदलबा को मोको दिओ हो, पण बा पापऊँ तौबा कोनी करी।