रोमीयो 2:4 - जीवन को च्यानणो (सेकावाटी नया नियम की पोथ्या)

⁴ थे बिकी दया अर बिकी सहनसिलता अर बिका थ्यावसनै ख्याई जोगो कोनी समजो के? तू सचमई जाणै ह क परमेसर की दया तनै पापऊँ मन फिराबा कानि लेज्यावै ह।

रोमीयो 2:4 Referans Kwoze

2 पतरस 3:9

अर परबु आपका करेड़ा करारनै पूरो करबा म देर कोनी करै, जंय्यांकी कई मिनख सोचै ह। पण परबु आपणा ताँई थ्यावस धरै ह क्युं क बो कोईको बी नास करबो कोनी चावै। पण बो चावै ह क सगळा मिनखानै पापऊँ हिया फेरबा को मोको मिलै।

इफिसुस 1:18

अर म आ बी माँगु हूँ क बिका च्यानणानै देखबा ताँई थारा मन की आँख्या खुलज्यावै जिऊँ थे जाणल्यो क बा कूणसी आस ह जि ताँई बो थानै बुलायो ह? अर बा आ ह क परमेसर का मिनखा म बिऊँ मिलबाळी मेमाभरी पाँती कत्ती मोकळी ह।

इफिसुस 2:7

ओ उपकार जखो बो मसी ईसु म आपणा प दिखायो ह, बि दया क जरिए बो आबाळा जुग-जुग का मिनखानै बिका उपकार की बोळी मुकळाईनै दिखाबो चावै ह, जिकी कोई होड कोनी कर सकै।

इफिसुस 1:7

ईसु मसी की खुदकी मरजीऊँ बिका लोयऊँई आपणो छुटकारो होयो ह अर पापऊँ माफी मिली ह। आ परमेसर की बोळी बडी दया ह,

रोमीयो 3:25

ईसु की मोत प बिस्वास करबाळा मिनखा का छुटकारा ताँई परमेसर ईसुनै एक कुरबानी जंय्यां भेज्यो। आ बात परमेसर की धारमिक्‍तानै दिखावै ह, क्युंक परमेसर मिनखा का पेलड़ा पापनै ईस्बरीय सेनसिलताऊँ अनदेख्यो कर्यो।

2 पतरस 3:15

अर आपणा परबु का थ्यावसनै छुटकारो समजो, जंय्यां की म्हारो लाडलो भाईड़ो पोलुस बि ज्ञान गेल जखो बिनै मिल्यो हो थानै मांड्यो हो।

रोमीयो 11:33

परमेसर की भरपूरी, बुदी अर ज्ञान कत्तो अपरम्पार ह। बिको न्याय कत्तो उंडो अर बिका गेला कत्ता भेदभर्या हीं।

रोमीयो 11:22

जणा तू परमेसर की नरमाईनै देख अर बिकी कल्ड प ध्यान दे। आ कल्ड बा ताँई ह जखा पड़ग्या पण ज थे बिकी दया म बण्या रेह्‍वो जणा बिकी दया थारै ताँई ह। नहिस थानै बी का'टर फेक दिओ जासी।

इफिसुस 2:4

पण परमेसर की दया अपरम्पार, अर आपणा ताँई बिको प्यार-परेम बोळो बडो ह।

2 पतरस 3:3

सऊँ पेल्या तो थानै ओ जाणलेबो चाए क, अंत का दिना म हसी ठटा करबाळा आसी, जखा आपकी बुरी इंछ्या गेल चालसी।

1 पतरस 3:20

अ बा मिनखा की आत्मा ही जखी नूह का टेम म जद बो झाज बणार्यो हो बे परमेसर का कह्यानै कोनी मान्या पण परमेसर बा बेई थ्यावस राख्यो। बस आठ मिनख झाज म बड़्या अर पाणी म डूबबाऊँ बचाया गया हा।

1 तिमूतियूस 6:17

जखा मिनख इ दुनिया म पिसाळा हीं बानै आदेस दे बे इपै गुमान नइ करै, पण बाकी आस, नास होबाळा धन की बजाय परमेसर म हो, जखो आपानै आपणा सुक ताँई सगळी चिजा देवै ह।

फलिपी 4:19

अर बिका सगळा भर्यापूरा धन क सागै मेरो परमेसर मसी ईसु क हाता थारी सगळी जुर्तानै पूरी करसी।

दरसाव 3:20

सुण, म बारना प खड़्यो-खड़्यो खुड़काऊँ हूँ। ज कोई मेरो हेलो सुणर कुआड़ खोलसी, जणा म मांयनै जार बिकै सागै खाणो खास्युं अर बो मेरै सागै।

1 तिमूतियूस 1:16

पण मेर प इ ताँई दया होई ह क, म जखो सऊँ बडो पापी हूँ मेर म ईसु मसी आपको थ्यावस दिखायो ह, अंय्यां करबाऊँ जखा मिनख बिपै अजर-अमर जीवन ताँई बिस्वास करसी बा ताँई म, एक नमूनो बणू।

कलुसीयो 1:27

परमेसर आपका टाळेड़ा मिनखा प बि भेदभर्या सतनै परगट कर्यो जिकी बो मनस्या बणा राखी ही ओ सत बोळो मेमाभर्यो ह, अर ओ सगळा ताँई ह। ओ भेद भर्यो सत ओ ह क, मसी गैर-यहूदि मिनखा म बी रेह्‍वै ह जखो मेमा की आस ह।

रोमीयो 6:15

आपा नेम-कायदा क साराऊँ कोनी जीवां, पण परमेसर की दया म जीवां हां। जणा आपा काँई करां? के आपा पाप करां? नइ, कदैई नइ।

रोमीयो 6:1

जणा पाछै आपा काँई खेवां? के आपा पाप करता रेह्‍वां जिऊँ परमेसर की दया बढती रेह्‍वै?

कलुसीयो 2:2

ओ म इ ताँई करूं हूँ क, बाका हिया म हिमत बंधै अर बे आपसरी का प्यार-परेम म बंद जावै, अर बाकन मोकळी पक्की समज होवै जखी परमेसर पिता का भेदनै सूल जाणबाऊँ आवै ह। ओ भेद मसी ह जिनै परमेसर खोल्यो ह।

इफिसुस 3:16

परमेसर आपकी मेमा का धनऊँ बिकाळी पबितर आत्माऊँ थानै आ सक्‍ति देवै जिऊँ थे थारा खुदका मांयला मिनख म सक्‍ति पार तगड़ा होता जाओ।

इफिसुस 3:8

म परमेसर का सगळा मिनखा म सऊँ छोटो हूँ इकै पाछै बी परमेसर की आ दया मेर प होई ह जिऊँ म गैर-यहूदि मिनखानै मसी का अनमोल धन का चोखा समचार सुणाऊँ।

रोमीयो 10:12

आ इ ताँई ह क यहूदि मिनखा अर यूनानी मिनखा म कोई भेद कोनी क्युं क सगळा को परबु एकई ह। अर बिकी अपरम्पार दया बा सगळा ताँई ह जखा बिनै हेलो देवै ह।

2 कुरन्थीयो 8:2

मेरा खेबा को मतबल ओ ह क बा मंडळ्या का मिनख कळेस म बी बोळा राजी हा अर बे गरीब होतासोता बी दान देबा का मामला म पिछै कोनी रिह्या।

2 पतरस 1:11

अर ज थे इ रीत गेल चालस्यो जणा एक दिन पक्काई आपणा परबु अर छुटकारो देबाळा ईसु मसी का अजर-अमर राज म जास्यो।

दरसाव 2:21

म बिनै बिका कुकरमाऊँ हियो बदलबा को मोको दिओ हो, पण बा पापऊँ तौबा कोनी करी।