रोमीयो 2:14 - जीवन को च्यानणो (सेकावाटी नया नियम की पोथ्या)

¹⁴ जद परमेसरनै नइ ध्यारबाळा जखा नेम-कायदा का नियमानै कोनी जाणै इकै पाछै बी ज बे आपकी समजऊँ नेम-कायदा की बातानै मानै जणा बे बिना नेम-कायदाई खुद ताँई नेम-कायदा ह।

रोमीयो 2:14 Referans Kwoze

रोमीयो 2:12

जखा नेम-कायदानै जाण्या बिना पाप करीं हीं बे बिना नेम-कायदा क नास कर्या ज्यासी। अर जखा नेम-कायदानै जाणर पाप करीं हीं बे नेम-कायदा गेल नास कर्या ज्यासी।

रोमीयो 2:27

तू जिकी सुन्नत होईड़ी ह अर तेरै कनै मंडेड़ो नेम-कायदो बी ह इकै पाछै बी तू नेम-कायदा का नियमानै तोड़ै जणा जिकी कायाऊँ सुन्नत कोनी होईड़ी पण नेम-कायदा प चालै ह, बो तनै दोसी बतासी।

इफिसुस 2:12

अर बा दिना म थे मसी अर इजरायल का मिनखाऊँ न्यारा हा। बा करारा म थारी पाँती कोनी ही जामै परमेसर बाऊँ छुटकारो करबाळा क आबा को बादो कर्यो हो, अंय्यां थे इ जगत म बेआस अर परमेसर क बिनाई जिर्या हा।

भेजेड़ा चेला का काम 17:30

परमेसर बि टेम का मिनखा को लेखो कोनी लेबो चायो जद बे बिनै कोनी जाणता हा, पण इब बो हुकम देवै ह क सगळी धरती का सगळा मिनख पापऊँ तौबा करै।

भेजेड़ा चेला का काम 10:35

बो धरती का सगळा मिनखानै अपणावै जखा बिको डर मानै अर नेक काम करै चाए बो कोईबी हो।

रोमीयो 1:32

बे परमेसर का नियमानै जाणी हीं क जखो मिनख अंय्यां जीवै ह बो मोतनै पाळै ह जणा पाछै बी बे खुद तो अंय्यां करै जखा करैई ह अंय्यां करबाळा दुसरानै बी सई बतावै।

1 कुरन्थीयो 11:14

अर थे खुद इ बातनै कोनी जाणो के क एक मिनख को बडा बाळ राखबो बी ताँई निरादर की बात ह,

फलिपी 4:8

मेरा लाडला बिस्वास्यो, जखी बाता सची, आदरमान करबाळी, धारमिक, पबितर, प्यारी, सदगुण, चोखी, बडाई जोगी ह बा बाताऊँ थे थारी बुदीनै भरल्यो।

भेजेड़ा चेला का काम 14:16

बितेड़ा टेम म बो धरती का सगळा मिनखानै बाकी इंछ्या गेल चालबा दिओ।

रोमीयो 2:15

बाका काम आ दिखावै ह क नेम-कायदो बाका मना प मंडर्यो ह, बाकी अन्तर-आत्मा गुवाई देवै ह, कदै-कदै बाका बिचार बापै दोस लगावै अर कदै-कदै बानै बचावै ह।

1 कुरन्थीयो 9:21

अर जखा गैर-यहूदि मिनख हा बानै मसी म बचाबा ताँई म गैर-यहूदि मिनख की जंय्यां जियो यहूदि नेम-कायदा क बिपरीत। इको मतबल ओ कोनी क म परमेसर का नेम-कायदानै कोनी मानू। नइ, पण म मसी का नेम-कायदा क तळै जिऊँ हूँ।

इफिसुस 2:3

साचली तो आ ह क आपा सगळा बी बाकी जंय्यांई पेल्या बुरी इंछ्या गेल दिन काटर्या हा जखी काया अर मन की इंछ्या होती बिनैई करर्या हा। अर आ सगळा की जंय्यांई आपा बी परमेसर का परकोपनै भोगबा जोगा हा।