रोमीयो 16:2 - जीवन को च्यानणो (सेकावाटी नया नियम की पोथ्या)

² क थे परबु म बिकी आवभगत अंय्यां करो जंय्यां एक परमेसर का मिनख की करी जाणी चाए। बिनै थारूँ जखी बी मदद चाए बा मदद बिनै दिज्यो, क्युं क बा बोळा मिनखा की मदद करी अर मेरी बी मदद करी।

रोमीयो 16:2 Referans Kwoze

फलिपी 2:29

परबु म राजी होर भाई-भाई की जंय्यां बिऊँ मिलीयो अर बिकै जंय्यां का मिनखा को मान करिओ।

फलिपी 1:27

जणा मोटी बात आ ह क थारा जीवन की उठ बेठ खाली मसी का चोखा समचार जोगी होणी चाए; जिऊँ म थारै बारां म आई सुणू क थे एकई मकसद ताँई खड़्या हो अर एकई मनस्या राख'र चोखा समचारऊँ मिलेड़ा बिस्वास ताँई कड़ी मेनत करतार्यो हो, चाए म थानै आर देखूँ चाए नइ देखूँ,

2 यहून्ना 1:10

अर ज कोई थानै मसी की सीख कोनी देवै जणा थे बि मिनखनै थारै घर म मना आबा द्‍यो अर नइ बिकी आवभगत करज्यो।

फिलेमोन 1:17

ज तू मनै तेरो साती समजै जणा तू बिकी बंय्यांई आवभगत करजे जंय्यां मेरी करै ह।

फिलेमोन 1:12

जणा इब म मेरा काळज्या का टुकड़ा उनेसिमुसनै तेरै कनै पाछो भेजूँ हूँ।

तितूस 2:3

अंय्यांई बूडी-ठेरी लूगायानै बी सीखा क बे पबितर मिनखा की जंय्यां बरताव करबाळी हो। बे चुगली-चाळा करबाळी नइ हो अर नइ बामै पीबा की लत हो। पण बे चोखी सीख देबाळी हो।

2 तिमूतियूस 1:18

परमेसर बिपै मसी क ओज्यु आबाळा दिन दया करै! अर तू बी सूल जाणै ह क बो इफिसुस म मेर ताँई काँई-काँई कर्यो।

1 तिमूतियूस 2:10

अंय्यां की भाण-बेटी जखी खुदनै परमेसर की भगत मानी हीं बा ताँई ओई चोखो ह क, बे खुदनै भला कामाऊँ सुवांरी।

कलुसीयो 4:10

मेरै सागै केद खाना म बंद अरिस्तखुस कानिऊँ थानै “जे मसी की” पुगै अर बरनाबास को भाई मरकुस बी थानै “जे मसी की बोल्यो ह” (मरकुस क बारां म थानै पेल्याऊँई आदेस मिलगो हो क जद मरकुस थारै कनै आवै जणा बिकी चोखी आवभगत करज्यो)

इफिसुस 5:3

थे परमेसर का मिनख हो इ ताँई थारै म कुकरमा की, लुचापुणा की अर लोभ-लालच की चरचा बी नइ होणी चाए;

रोमीयो 16:23

मेरी अर सगळी बिस्वासी मंडळी की मिजमानी करबाळा गयुस को थानै नमस्कार। इरास्तुस जखो नगरी को भंडारी ह अर आपणा बिस्वासी भाईड़ा कुआरतुस को थानै नमस्कार।

रोमीयो 16:9

मसी म मेरै सागै काम करबाळा उरबानुस अर मेरा लाडला इस्तुखुसनै मेरो नमस्कार।

रोमीयो 16:6

मरीयमनै, जखी थारै ताँई बोळी मेनत करी ह, नमस्कार।

रोमीयो 15:7

जणा परमेसर की मेमा करबा ताँई एक दुसरानै अपणाल्यो, जंय्यां क मसी थानै अपणायो हो।

भेजेड़ा चेला का काम 9:41

जणा बो बिनै हात को सारो देर खड़्यो कर्यो अर परमेसर का मिनखा अर खाली होईड़ीयानै बुलार जीती जागती बानै सूप दि।

भेजेड़ा चेला का काम 9:39

जणा पतरस त्यार होर बाकै सागै होलिओ अर बिकै बठै पुगताई बे बिनै चोबारा म लेग्या अर बे सगळी खाली होईड़ी बार घालती पतरस क च्यारूमेर खड़ी होगी अर बिनै बे कुर्ता अर गाबा दिखाबा लागगी जखा दोरकास जीता जी बणाई ही।

भेजेड़ा चेला का काम 9:36

बठै याफा नगरी म तबिता नाम की एक बिस्वासी रिह्या करती ही जिनै यूनानी भासा म दोरकास खेवै ह जिको मतबल हिरणी होवै। बा बोळा चोखा-चोखा काम कर्या करती अर गरीबानै दान दिआ करती ही।

मत्ती 25:40

जणा बो राजा खेसी, ‘म थारूँ सची बोलर्यो हूँ, जोक्यु बी थे थारा भोळा-ढाळा भाई-भाणा ताँई कर्या हो बो थे मेर ताँई कर्या हो।’

भेजेड़ा चेला का काम 9:13

पण हनन्या जुबाब देवै ह क, “परबु म तो बोळा मिनखाऊँ इ मिनख क बारां म सुण्यो हूँ, क ओ मिनख यरूसलेम म तेरा मिनखानै बोळो दिन घाल्यो ह।

भेजेड़ा चेला का काम 9:15

पण परबु बिनै बोल्यो, “तू तो जा! क्युं क म इनै गैर-यहूदि, राजा-म्हराजा अर इजरायली मिनखा म मेरो नाम फेलाबा ताँई मेरो दास कर टाळ्यो हूँ।

रोमीयो 16:15

फिलगुस, जुलिआ, नेरिऊस अर बिकी भाणनै, ओलमपास अर बिका सगळा परमेसर का मिनखानै मेरो नमस्कार।