रोमीयो 15:1 - जीवन को च्यानणो (सेकावाटी नया नियम की पोथ्या)

¹ आपा जखा बिस्वास म मजबूत हां, आपानै चाए क जखा बिस्वास म कमजोर हीं बानै सेण करां। आपा खुदनैई राजी नइ करां।

रोमीयो 15:1 Referans Kwoze

1 थिसलूनिकी 5:14

मेरा लाडला बिस्वास्यो, म्हें थानै समजावां हां क, जखा कामऊँ जी चुरावै ह बानै समजाओ, डरपोकानै हिमत बंधाओ, माड़ानै समाळो अर सगळा क सागै नरमाई बरतो।

रोमीयो 14:1

जखा बिस्वास म कमजोर हीं बानै बी सागै राखो, पण बाका मतापै बहस मना करो।

1 कुरन्थीयो 9:22

अर म बिस्वास म कमजोर ताँई कमजोर बण्यो जिऊँ म बानै मसी म ल्या सकूँ अर म मिनखा ताँई क्युंना क्युं बण्यो जोक्यु हो सकै हो बो म कर्यो की म बामैऊँ क्युंकनै बचा सकूँ।

1 यहून्ना 2:14

ओ मेरा टाबरो म थानै मांडूँ हूँ, क्युं क थे पिता परमेसरनै जाण लिआ हो। ओ बूडा ठेरो म थानै मांडू हूँ, क्युं क थे बिनै जाणो हो जखो जुगादऊँ ह। ओ मोट्यारो म थानै मांडू हूँ, क्युं क थे ताकतबर हो, अर परमेसर को बचन थारै म बास करै ह, अर थे बुराईनै हराया हो।

2 तिमूतियूस 2:1

परबु म मेरा बेटा तिमूतियूस, मसी ईसु म परमेसर जखी दया तेर प करी ह, बिकी बजेऊँ मजबूत बण्यो रेह।

रोमीयो 4:20

परमेसर का करार म बिस्वास जगायो राख्यो। आई नइ पण बिस्वासनै ओर बी मजबूत कर परमेसरनै मेमा दि।

इफिसुस 6:10

आखरी बात आ ह क परबु अर बिकाळी सक्‍ति म तगड़ा बणज्याओ।

2 कुरन्थीयो 12:10

हाँ म कमजोर होर, बेजत होर, दुख म, सताव म, परेसानी म राजी हूँ, ज बे मसी की बजेऊँ ह। क्युं क जद म कमजोर होऊँ हूँ, जणाई ताकतबर होऊँ हूँ।

1 कुरन्थीयो 4:10

हां, सई ह भाईड़ो म्हें मसी ताँई बेबुदी का हां, पण थे मसी म बोळा ज्ञानी हो! म्हें तो माड़ा हां पण थे तो तगड़ा हो। म्हें तो बेजत हां पण थे तो मान्या-थान्या हो।

रोमीयो 14:2

क्युंक मिनखा को बिस्वास बानै सक्यु खाबा की इजाजत देवै ह, पण जखो बिस्वास म कमजोर ह बो साग-पातई खावै।

फलिपी 2:4

अर हरेक खुदका फायदा किई नइ पण दुसरा की बी चिंत्या राखो।