2 क्युंक मिनखा को बिस्वास बानै सक्यु खाबा की इजाजत देवै ह, पण जखो बिस्वास म कमजोर ह बो साग-पातई खावै।
क्युं क परमेसर को सिरजेड़ो सक्यु चोखो ह क्युं बी बगाबा जोगो कोनी, पण धनेवाद कर सक्यु खायो जा सकै ह,
परबु ईसु क सागै एका म, म सचमई मानू हूँ क खाबाळी कोई चिज असुद कोनी। बा खाली बि ताँई असुद ह जखो बिनै असुद मानै ह।
भात-भात की अणजाणी सीख की भंगर्या म मना आज्यो, क्युं क थारा हिया ताँई ओ चोखो ह क बे खाबा-पीबा का नियमा क बजाय दया की बजेऊँ मजबूत बणै। अर जखा खाबा-पीबा का नियमानै मान्या बाऊँ बाको कदैई भलो कोनी होयो।
क्युं क बो गैर-यहूदि मिनखा क सागै रोटी खातो हो, पण जद याकूब क कनैऊँ मिनख बिकै बठै गया, जणा बो बा मिनखाऊँ डर जखा गैर-यहूदि मिनखा की सुन्नत करबो चाता हा गैर-यहूदि मिनखाऊँ न्यारो रेह्बा लाग्यो।
क्युं क अ नियम तो बारला हीं जखा खाबा-पीबा अर भात-भात का सुद होबा का रिती-रिवाज ह अर अ जद ताँई रेह्सी जद ताँई नयो सिरो लागू नइ होज्यावै।
पबितर मिनखा ताँई सक्यु सुद ह, पण असुद अर अबिस्वास्या ताँई क्युंई पबितर कोनी, क्युं क बाका मन अर बाकी अन्तर-आत्मा दोन्युई असुद करी गई ह।
अर गोस बजार म जोक्यु बिकै बिनै अन्तर-आत्मा क खया गेल खायो अर बिका बारां म कोई सुवाल मना उठायो।
जखा बिस्वास म कमजोर हीं बानै बी सागै राखो, पण बाका मतापै बहस मना करो।
खाबा ताँई परमेसर का कामनै मना बिगाड़ो। हर जंय्यां को खाणो सुद ह पण ज क्युं खाबाऊँ कोई मिनख पाप म गिरै जणा बिनै खाबो गळत ह।
आपा जखा बिस्वास म मजबूत हां, आपानै चाए क जखा बिस्वास म कमजोर हीं बानै सेण करां। आपा खुदनैई राजी नइ करां।
इ ताँई थे चेता म रेह्ओ क थारी छुट बिस्वास म कमजोर मिनख ताँई पाप करबा की बजै नइ बणज्यावै।
अर म बिस्वास म कमजोर ताँई कमजोर बण्यो जिऊँ म बानै मसी म ल्या सकूँ अर म मिनखा ताँई क्युंना क्युं बण्यो जोक्यु हो सकै हो बो म कर्यो की म बामैऊँ क्युंकनै बचा सकूँ।