रोमीयो 14:10 - जीवन को च्यानणो (सेकावाटी नया नियम की पोथ्या)

¹⁰ जणा थे दुसरा को क्युं न्याय करो हो? अर दुसरा बिस्वासी भायानै निचो क्युं जाणो हो? क्युं क आपा सगळा परमेसर का न्याय सिंघासन क सामै खड़्या होस्यां।

रोमीयो 14:10 Referans Kwoze

2 कुरन्थीयो 5:10

क्युं क आपा इ काया म जीर जखो बी भलो-बुरो काम कर्या हां बिको फळ पाबा ताँई मसी क न्याय सिंघासन क सामै पक्कोई खड़्यो होणो पड़सी।

1 कुरन्थीयो 4:5

जणा सई टेम आबाऊँ पेली कोईबी बात को न्याय मना करो। परबु क आबा का टेमऊँ पेली आखरी न्याय कोनी होवै। बो अँधेरा म लुखेड़ी बातानै च्यानणा म ल्यासी अर चित का बिचारानै परगट करसी बी टेमई हरेक की बडाई परमेसर कानिऊँ होसी।

रोमीयो 2:16

अ बाता चोखा समचार गेल जिको म परचार करूं हूँ बि दिन होसी जि दिन परमेसर मसी ईसु क जरिए मिनखा की लुखेड़ी बाता को न्याय करसी।

यहून्ना 5:22

परम-पिता खुद कोईकोई न्याय कोनी करै। न्याय करबा को सारो हक बो आपका बेटानै सूप दिओ ह।

भेजेड़ा चेला का काम 10:42

अर बो म्हानै हेलो पाड़बा अर गुवाई देबा को आदेस दिओ की परमेसर बिनैई मरेड़ा अर जीवता को न्याय करबाळो बणायो ह।

भेजेड़ा चेला का काम 4:11

ओ बोई ईसु ह जिकै बारां म सास्तरा म मंडर्यो ह की, ‘ओ बो भाठो ह, जिनै मिस्तरी ख्याई जोगो कोनी जाण्यो, पण बोई कूणा को भाठो होयो।’”

भेजेड़ा चेला का काम 17:31

क्युं क एक दिन परमेसर पेल्याऊँ ते करेड़ा मिनख क हातऊँ जगत का मिनखा को सचाई क सागै न्याय करसी। इ बात को सबूत देबा ताँई परमेसर बिनै मरेड़ा मऊँ जीवायो।”

लूका 23:11

जणा हेरोद अर बिका सिपाईड़ा बिको मजाक उडायो। अर बिको निरादर कर बिनै एक मेंगो चोळो पिरा'र ओटो पीळातुस क कनै भेज दिओ।

मत्ती 7:1

“कोईका बी पाप भर्या करमा को न्याय मना करो जिऊँ परमेसर बी थारा पाप भर्या करमा को न्याय कोनी करसी।

लूका 18:9

ईसु बानै जखा खुदकी धारमिक्‍ता प भरोसो राखबाळा अर दुसरानै क्युंई कोनी समजता हा, बानै एक मिसाल दिनी,