रोमीयो 13:7 - जीवन को च्यानणो (सेकावाटी नया नियम की पोथ्या)

⁷ कोईकी उधारी ह जणा बिनै चुकतो कर दे, अर जखो कर जिनै देणो ह बिनै दे। अर चुंगी लेबाळानै चुंगी दे। जिऊँ डरबो चाए बिऊँ डर अर जिको मान करबो चाए बिको मान कर।

रोमीयो 13:7 Referans Kwoze

लूका 20:25

जणा बो बोल्यो, “जखो रोमी समराट को ह बो समराटनै अर जखो परमेसर को ह बो परमेसरनै द्‍यो।”

मत्ती 17:25

पतरस बोल्यो, “हाँ देवै ह।” अर जद पतरस घरा आयो जणा बिकै कर हाळी बात चलाबाऊँ पेलीई ईसु बिनै बोल्यो, “ओ समोन तू काँई सोचै ह? इ धरती का राजा किऊँ-किऊँ लगान लेवै ह? आपका बेटाऊँ नहिस पराया मिनखाऊँ।”

1 तिमूतियूस 5:17

एक मुखिया क रूप म, जखाबी बिस्वासी मंडळी का मुखिया, चोखो काम करीं बे दुणा मान क जोगा समज्या जावै, खासकर बे जखा परचार अर सीखाबा म घणी मेनत करीं हीं।

मत्ती 22:21

बे बोल्या, “रोम का समराट को” जणा ईसु बोल्यो, “जखो समराट को ह बो समराटनै द्‍यो अर जखो परमेसर को ह बो परमेसरनै द्‍यो।”

इफिसुस 6:5

ओ गुलामो, जखा मिनख इ धरती प थारा मालिक हीं बाकी सेवा सचा मनऊँ डर'र धुजता होया करो जंय्यां मानो की थे मसी की सेवा करर्या होवो।

1 पतरस 3:7

अंय्यांई ओ मोट्यारो, थे बी थारी लूगाया क सागै समजदारीऊँ जीवन जीओ। अर लूगायानै थारूँ कम मजबूत अर जीवन का बरदान म थारी पाँतीवाळ मानर बाकी ईज्जत करो। जिऊँ थारी अरदास म कोई आट नइ आवै।

1 तिमूतियूस 6:1

ज तू दास ह, तो तनै तेरा मालिक की ईज्जत अर बिको आदर करबो चाए। जिऊँ कोईबी परमेसर का नाम अर आपणी सीख क बारां म बुरो नइ बोल सकै।

इफिसुस 5:33

इ ताँई थारै म हरेक मोट्यार आपकी लूगाईनै खुदकी जंय्यां परेम करै अर लूगाया बी आपका मोट्यारा की ईज्जत करै।

लूका 23:2

बे बिपै बलेम लगाया, “म्हें इनै यहूदि मिनखानै भंगराता पकड़्या हां क समराटनै लगान नइ देणो चाए अर ओ खुदनै मसी राजा बतावै ह।”

मरकुस 12:17

ईसु बाकी इ बातनै सुणर बोल्यो, “जखो कैसर को ह बो कैसरनै द्‍यो अर जखो परमेसर को ह बो परमेसरनै द्‍यो।” बे ईसु की इ बातनै सुणर ताजूब म पड़गा।

1 तिमूतियूस 5:13

अर बे घर-घर हांडर खुदको टेम बरबाद करबो सीखीं हीं, अर इऊँ बी भत्तर बे फाँप मारबो अर दुसरा का काम म टांग अड़ाबो सीखीं हीं, अर जखी बाता क बारां म बात नइ करनी चाए, बाकै बारां म बतळावीं हीं।

लूका 20:22

जणा थे म्हानै बताओ आपणा नेम-कायदा गेल रोमी समराटनै लगान देबो ठिक ह क कोनी?”

रोमीयो 12:10

एक दुसराऊँ सचो परेम करो। एक दुसरा को खुदऊँ बेत्ती आदरमान करो।

रोमीयो 13:6

जणाई थे लगान बी चुकाओ हो, क्युं क अधिकारी परमेसर का सेवक होवीं हीं जखा आपको काम पूरो करबा म लाग्या रेह्‍वै।