रोमीयो 13:12 - जीवन को च्यानणो (सेकावाटी नया नियम की पोथ्या)

¹² रात ढळबाळी ह, अर दिन उगबाळो ह। अँधेरा का काम करबो छोडो अर उजाळा का हतियार उठाल्यो।

रोमीयो 13:12 Referans Kwoze

इफिसुस 5:11

अर अँधकार का बुरा कामा म सामिल मना होवो जंय्यां मिनख करै ह इकी बजाय बानै बाका बुरा कामा ताँई चेताओ।

2 कुरन्थीयो 6:7

अर परमेसर की सक्‍ति की बजेऊँ म्हें परमेसर का दास हां। हमलो करबा अर बचाव ताँई म्हारी धारमिक्‍ता म्हारो राछ ह।

याकूब 1:21

इ ताँई सगळा गंदा कामाऊँ अर च्यारूमेर फेलेड़ी बुराईऊँ न्यारा होर, नरमाईऊँ थारै हिया म बसेड़ा परमेसर का बचननै मानो, जखा थारी आत्मा को छुटकारो कर सकै ह।

रोमीयो 13:14

पण परबु ईसु मसी का सुभावनै लेर आपणा पापी सुभावनै अर मन की इंछ्यानै मारो।

दरसाव 22:10

बो ईस्बर नगरी दुत मेरूँ ओज्यु बोल्यो, “इ पोथी म जखी बाता होबाळी ह बानै लुखा मना क्युं क आ बाता को पूरो होबा को टेम सांकड़ैई ह।

1 पतरस 2:1

इ ताँई, थे छळ-कपट, पाखंड, नफरत, बळोकड़ापूणा अर दुसरा प दोस लगाबाऊँ बचर रेह्ओ।

दरसाव 1:3

भागहाळो ह जखो परमेसर क कानिऊँ आएड़ा इ समचारनै बाचै अर भागहाळा हीं बे जखा इ पोथी म मांडेड़ी बातानै सुणै अर मानै क्युं क बो टेम सांकड़ैई ह जद अ बाता पूरी होसी।

1 कुरन्थीयो 7:29

ओ मेरा लाडला बिस्वास्यो, म तो आई खेऊँ हूँ, क टेम बोळो कम ह। इ ताँई इबऊँ जिकै लूगाई ह बो अंय्यां रेह्‍वै जंय्यां बिकै लूगाई आथई कोनी।

1 कुरन्थीयो 10:11

अर अ बाता बामै इ हिसाबऊँ होई जिऊँ बे दुसरा मिनखा ताँई सीख होई, अर आपानै चिताबा ताँई पबितर सास्तर म मांडी गई। क्युं क आपा अंय्यां का जुग म जिर्या हां जिमै अंत सांकड़ोई ह।

2 कुरन्थीयो 10:4

क्युं क सेतान का नइ दिखबाळा गडानै ढाबा ताँई म्हारै कनै इ दुनिया का राछ कोनी पण बे राछ हीं जामै परमेसर की सक्‍ति ह।

इफिसुस 5:8

क्युं क थे इब अँधकार म नइ पण परबु का उजाळा म हो, उजाळो भलाई, धारमिक्‍ता अर सच जंय्यां का फळ ल्यावै ह। इ ताँई उजाळा का टाबरा की जंय्यां जीओ।

इबरानीआ 10:25

थे भेळो होबो मना छोडो, जंय्यां क कयानै तो बाणई पड़गी ह। पण एक दुसरानै समजाता रेह्ओ अर जंय्यां-जंय्यां बि दिननै कनै आता देखो जणा थानै ओर बी बेत्ती अंय्यां करबो चाए।

इबरानीआ 12:1

इ ताँई आपणै च्यारूमेर गुवाया की भीड़ ह जणा आओ रोड़ो गेरबाळी हरेक चिजानै, उळजाबाळा पापनै दूर करर बा दोड़ जिमै आपानै दोड़णो ह थ्यावस क सागै दोड़ां।

याकूब 5:8

बंय्यांई थे बी थ्यावस राखो अर मजबूत होज्याओ क्युं क परबु को आबो सांकड़ै ह।

1 पतरस 4:7

बा घड़ी सांकड़ैई ह जद सक्यु नास होज्यासी। इ ताँई स्याणा बणो अर खुदनै बस म राखो जिऊँ थानै अरदास करबा म मदद मिलै।

2 पतरस 3:9

अर परबु आपका करेड़ा करारनै पूरो करबा म देर कोनी करै, जंय्यांकी कई मिनख सोचै ह। पण परबु आपणा ताँई थ्यावस धरै ह क्युं क बो कोईको बी नास करबो कोनी चावै। पण बो चावै ह क सगळा मिनखानै पापऊँ हिया फेरबा को मोको मिलै।

2 पतरस 3:11

जदकी अ सगळी चिजा नास होबाळी ह जणा पाछै थे सोचो थारो परमेसर म चाल-चलन किसोक होणो चाए? थानै पबितर जीवन जिबो चाए।

1 यहून्ना 2:18

ओ मेरा टाबरो, जंय्यांकी थे जाणो हो क, आखरी घड़ी आगी ह अर मसी को बेरी बी आबाळो ह, अर आबाळो काँई ह जदकी मसी का बोळा बेरी आग्या हीं। इ बात की बजेऊँई आपा जाण सकां हां क आ आखरी घड़ी ह।