रोमीयो 12:7 - जीवन को च्यानणो (सेकावाटी नया नियम की पोथ्या)

⁷ ज कोईसानै सेवा करबा को बरदान मिल्यो ह जणा बो सेवा करै, ज कोईसानै सीखाबा को बरदान मिल्यो ह जणा बो सीखावै।

रोमीयो 12:7 Referans Kwoze

इफिसुस 4:11

बोई क्युंकनै तो भेजबा ताँई भेजेड़ा चेला बणार, क्युंकनै परमेसर की खेबाळा बणार, क्युंकनै चोखा समचार को हेलो पाड़बा ताँई, क्युंकनै बिस्वास्या की बिस्वासी मंडळी की रूखाळी करबाळा अर परमेसर की सीख देबाळा बणार टाळ लिआ।

2 तिमूतियूस 4:2

परमेसर का बचना को परचार कर। टेम बेटेम मिनखानै सुदारबा ताँई त्यार रेह। तू मिनखानै सई कर अर बाका पाप प बाकै दकाल लगा। सागैई बानै उदास बी मना होबा दे, बानै हिदायत देती टेम सदाई थ्यावस राखजे।

1 तिमूतियूस 5:17

एक मुखिया क रूप म, जखाबी बिस्वासी मंडळी का मुखिया, चोखो काम करीं बे दुणा मान क जोगा समज्या जावै, खासकर बे जखा परचार अर सीखाबा म घणी मेनत करीं हीं।

भेजेड़ा चेला का काम 13:1

अंताकीया की बिस्वासी मंडळी म परमेसर की खेबाळा अर उपदेस देबाळा कई हा, जंय्यां की बरनाबास, समोन जिनै काळ्यो बी बोलता हा अर कुरेन को लूकियुस अर देस की चोथी पाँती को राजपाल हेरोद को गोद आयड़ो भाई मनाएम, अर साऊल।

2 तिमूतियूस 2:24

परमेसर को दास लड़बाळो नइ पण सगळा प दया दिखाबाळो, थ्यावस राखबाळो अर चोखो सीखाबाळो होणो चाए।

2 तिमूतियूस 2:2

जखी बाता तू मेरूँ बोळा सारका गुवाई देबाळा की मोजूदगी म सुणी ह बा बातानै बिस्वास जोगा मिनखानै सूप दे, जखा दुसरानै सीखाबा जोगा हीं।

1 तिमूतियूस 4:16

खुद प अर तेरी सीख प ध्यान दे, अर आमै पक्को हो। क्युं क अंय्यां करबाऊँ तू, खुदनै अर तनै सुणबाळानै बचाबा की बजै बणसी।

1 तिमूतियूस 3:2

एक बिस्वासी मंडळी का रूखाळा परधान म आँगळी टेकबा की झघा नइ हो, बिकै एकई लूगाई हो, खुदनै बस म राखबाळो, थ्यावस राखबाळो अर मरियादा म रेह्बाळो, बो आपकै घर म अणजाण की बी आवभगत करै, बो सीखाबा म निधान हो।

1 तिमूतियूस 2:7

अर इ गुवाईनै गैर-यहूदि मिनखानै सुणाबा ताँई म एक सचा बिस्वास की सीख देबाळो अर ईसु को भेजेड़ो चेलो बणायो गयो हूँ। जिऊँ म बिस्वास का समचार अर सच को हेलो पाड़ सकूँ। म झूठो कोनी हूँ म सच बोलर्यो हूँ।

कलुसीयो 4:17

अर परबु की सेवा ताँई जखा काम दियड़ा हीं बानै ढंगऊँ करबा ताँई अरखिप्पुसनै बोलजे।

गलातियो 6:6

जखा बचन की सीख सीखै ह, बिनै चाए क जखी चोखी चिजा बिकन ह, बो बानै आपका सीखाबाळा क सागै बांटै।

1 कुरन्थीयो 12:28

अर परमेसर बिस्वासी मंडळी म न्यारा-न्यारा मिनखानै न्यारा-न्यारा पद दिओ ह, पेलानै भेजेड़ा चेला को, दुसरानै परमेसर की बात बताबा को, तीसरानै गरूजी को अर कोईनै चमत्कार का काम करबाको, अर कोईनै निरोगा करबाको, अर कोईनै मदद करबाको, अर कोईनै बेबस्ता करबाको तो कोईनै न्यारी-न्यारी बोली बोलबा को काम सोप्यो ह।

भेजेड़ा चेला का काम 20:28

जणा इब थे बिस्वासी मंडळी का रूखाळा हो आ जिमेदारी थानै पबितर आत्मा सूपी ह। बा लल्ड्या का रेवड़ा का गुवाळ्या बणो, जिनै परमेसर आपका बेटा का लोयऊँ मोल लिओ ह।

भेजेड़ा चेला का काम 20:20

अर जखी बात थारै ताँई चोखी ही बानै बताबा ताँई म कदैई मन म दबार कोनी राखी पण बा बाता की सीख सगळा क सामै अर घरा-घरा जार देतो रिह्यो।

भेजेड़ा चेला का काम 6:1

बा दिना म जद परमेसरनै मानबाळा बिस्वास्या की गिणती बढरी ही, जणा यूनानी रिती-रिवाजानै मानबाळा यहूदि इबरानी रिती-रिवाजानै मानबाळा यहूदिआ प बड़बड़ाबा लाग्या क म्हारी खाली होईड़ीया क सागै रोजकी बरतबाळी चिजा बाटबा म दोगलचारो होर्यो ह।

यहून्ना 3:2

एक रात बो ईसु कनै गयो अर बिऊँ बोल्यो, “गरूजी, म्हें जाणा हां क म्हानै सीखाबा ताँई परमेसर तनै भेज्यो ह। अर ज परमेसर थारै सागै नइ होतो तो थे चमत्कार कोनी कर सका हा।”

मत्ती 28:19

इ ताँई थे जाओ अर धरती का सगळा कूणबा का मिनखानै मेरा चेला बणाओ अर परम-पिता, बेटा अर पबितर आत्मा क नाम म बतिस्मो द्‍यो।

1 कुरन्थीयो 12:5

अर सेवा बी कई तर्याऊँ करी जावै ह, पण सेवा तो बि एक परबु की करी जावै ह;

1 कुरन्थीयो 14:26

मेरा लाडला बिस्वास्यो, परमेसर को नाम लेबा ताँई जद बी एक सागै भेळा होवो जणा एक मिनख तो परमेसर को गुणगान गावै दुसरो सीख देवै, एक परमेसरऊँ आएड़ा दरसाव बतावै जदकी दुसरो न्यारी-न्यारी बोली म बोलै अर एक इको मतबल बतावै। अ सगळी बाता बिस्वासी मंडळीनै पक्को करबा ताँई होणी चाए।