रोमीयो 12:6 - जीवन को च्यानणो (सेकावाटी नया नियम की पोथ्या)

⁶ बिकी दया गेल आपानै भात-भात का बरदान मिल्या हीं। ज कोईसानै परमेसर की खेबाळो होबा को बरदान मिल्यो ह जणा बो आपका बिस्वास गेल परमेसर की बाता बोलै।

रोमीयो 12:6 Referans Kwoze

1 कुरन्थीयो 7:7

अर म अंय्यां चाऊँ हूँ क सगळा मिनख मेरी जंय्यांई बिना ब्या क रेह्ता। पण एक कनै एक बरदान ह जणा दुसरा कनै दुसरो। अंय्यां सगळा मिनखानै परमेसर कानिऊँ न्यारो-न्यारो बरदान मिलेड़ो ह।

रोमीयो 12:3

इ ताँई जखी दया मनै मिली ह, बिऊँ म थानै बोलुँ हूँ, थे खुदनै जखा थे हो बिऊँ बेत्ती मना समजो। पण थारा बिस्वास गेल जत्ती उजमा परमेसर थानै दिनी ह बत्तोई खुदनै समजो।

रोमीयो 1:11

मेरी बोळी इंछ्या ह क म थानै देखूँ, क्युं क म आत्मिक आसिरबाद थारै सागै बाटबो चाऊँ हूँ जिऊँ थानै ताकत मिलै।

1 कुरन्थीयो 13:2

अर ज म परमेसर की बाता बताऊँ अर म सगळा भेद खोल सकूँ अर सगळो ज्ञान बी जाणल्युं, अर मनै अठै ताँई बिस्वास बी होवै क म डूँगरानै हटा सकूँ हूँ, पण परेम कोनी करूं, जणा म क्युंई कोनी।

इफिसुस 4:11

बोई क्युंकनै तो भेजबा ताँई भेजेड़ा चेला बणार, क्युंकनै परमेसर की खेबाळा बणार, क्युंकनै चोखा समचार को हेलो पाड़बा ताँई, क्युंकनै बिस्वास्या की बिस्वासी मंडळी की रूखाळी करबाळा अर परमेसर की सीख देबाळा बणार टाळ लिआ।

1 कुरन्थीयो 14:1

परेम का गेला प चालो, जणा पाछै आत्मिक बरदान पाबा की इंछ्या राखो, खासकर परमेसरऊँ आबाळा बोलां का समचार को हेलो पाड़बा को बरदान।

2 कुरन्थीयो 8:12

थे जोक्यु बी थारी हिया की इंछ्याऊँ द्‍यो हो जणा बो अपणायो जावै ह। अर मेरो खेबो तो ओई ह क थारी पायना गेलई दिज्यो बिऊँ बेसी देबा की जुर्त कोनी।

1 थिसलूनिकी 5:20

परमेसर की खेबाळा की खयड़ी बातानै माड़ी मना जाणो।

1 कुरन्थीयो 14:29

बिस्वासी मंडळी म दो नहिस तीन जणानैई बोलबो चाए जानै परमेसरऊँ आएड़ा बोल दिआ गया ह बाकी मिनखानै ध्यान देणो चाए क बे काँई खेवै ह।

भेजेड़ा चेला का काम 15:32

यहूदा अर सीलास जखा परमेसर की खेबाळा हा, बे आस बंधाबाळी अर बिस्वासनै मजबूत करबाळी बाता बतार बानै मजबूत कर्या।

भेजेड़ा चेला का काम 2:17

“‘परमेसर बोलै ह आखरी दिना म, म मेरी पबितर आत्मा सगळा प उतारस्युं। अर थारा छोरा-छोरी परमेसर की बाता बतासी। अर थारा जवान दरसाव देखसी अर बूडा-ठेरा सपना देखसी।

फलिपी 3:15

आपा सगळानै जखा आत्मा म पक्का हां अंय्यां कोई एकसो बिचार राखबो चाए पण ज थारै मऊँ क्युंक न्यारा बिचार राखै ह जणा बिनै परमेसर थार प परगट कर देसी।

इफिसुस 3:5

गेलड़ा दिना म मिनख जातनै ओ भेद कोनी बताएड़ो हो। पण इब परमेसर आनै पबितर आत्मा क हाता परमेसर का भेजेड़ा चेला अर परमेसर की खेबाळा प परगट कर्यो ह।

भेजेड़ा चेला का काम 13:1

अंताकीया की बिस्वासी मंडळी म परमेसर की खेबाळा अर उपदेस देबाळा कई हा, जंय्यां की बरनाबास, समोन जिनै काळ्यो बी बोलता हा अर कुरेन को लूकियुस अर देस की चोथी पाँती को राजपाल हेरोद को गोद आयड़ो भाई मनाएम, अर साऊल।

लूका 11:49

जणाई तो परमेसर को ज्ञान बोलै ह, ‘म बाकन परमेसर की खेबाळा अर बानै भेजस्युं जखा भेजेड़ा खुवावीं हीं।’ अर बे बामैऊँ क्युंकनै तो मार देसी अर क्युंकनै दिन घालसी।

मत्ती 23:34

इ ताँई म थानै खेऊँ हूँ, म थारै कनै परमेसर की खेबाळानै, बुदीमानानै अर गरूजीआनै भेजस्युं। पण थे बामैऊँ कया क तो अरदास करबाळी झघा म बेत मारस्यो, कयानै सतास्यो, कयानै सुळी प चढास्यो, कयानै मार गेरस्यो अर नगरी-नगरी थे बाको पिछो करस्यो।

1 कुरन्थीयो 14:24

पण ज परमेसरऊँ आएड़ा बोल को सगळा बिस्वासी बारी-बारीऊँ हेलो पाड़ै ह अर बि टेम कोई बिस्वास नइ करबाळा मिनख जखो परमेसर का बरदान क बारां म कोनी जाणै बिस्वासी मंडळी म आज्यावै जणा सगळी बाता जखी थे खेस्यो बे बि मिनखनै बतासी क बो पापी ह अर परमेसर बिनै सजा देसी ज बो पाप का गेलाऊँ नइ फिरै।

भेजेड़ा चेला का काम 21:9

बिकै च्यार कुंआरी छोर्या ही जखी परमेसर की खेबाळी ही।

1 कुरन्थीयो 3:5

जणा थेई बताओ अपुलोस कूण ह अर पोलुस कूण ह? म्हें तो परमेसर का मामुलीसा सेवक हा जाकी बजेऊँ थे बिस्वास म आया। म्हारै मऊँ हरेक जणो बो काम करै ह जखो परमेसर म्हानै करबा ताँई दिओ ह।

1 कुरन्थीयो 12:18

पण परमेसर आपकी इंछ्या गेल जंय्यां बो चायो बंय्यांई काया का हरेक हिस्सानै बणायो।

2 पतरस 1:20

पण थानै ओ जाणलेबो चाए क, पबितर सास्तर की कोईबी भबिस्बाणीनै कोईबी खुदऊँ कोनी जाण सकै।

मत्ती 25:22

बिकै पाछै दो थेली हाळो आर खयो, ‘मालिक थे मनै दो थेली दिआ हा। जिऊँ म दो ओर कमाली।’