रोमीयो 12:3 - जीवन को च्यानणो (सेकावाटी नया नियम की पोथ्या)

³ इ ताँई जखी दया मनै मिली ह, बिऊँ म थानै बोलुँ हूँ, थे खुदनै जखा थे हो बिऊँ बेत्ती मना समजो। पण थारा बिस्वास गेल जत्ती उजमा परमेसर थानै दिनी ह बत्तोई खुदनै समजो।

रोमीयो 12:3 Referans Kwoze

गलातियो 6:3

ज कोई मिनख सोचै क, म सक्यु हूँ जदकी बो होवै क्युंई कोनी, अंय्यां को मिनख खुदनै धोको देवै ह।

1 पतरस 5:5

अंय्यांई ओ जवानो थे बिस्वासी मंडळी का मुखिया क खया म चालो, थे छोटा बणर एक दुसरा की सेवा करो, क्युं क, “परमेसर गुमान करबाळा क खिलाप ह, पण जखो मिनख खुदनै छोटो बणावै ह बिकै उपर परबु दया करै ह।”

रोमीयो 12:16

आपसर्या म एक चित रेह्ओ घमंड मना करो पण दीन हीन की सोबत करो। अर खुदनै अंय्यां मना जाणो क खाली मई बुदीमान हूँ।

1 पतरस 5:8

थे चेता म रह्यो अर जागता रह्यो; क्युं क थारो बेरी सेतान धाड़बाळा सेर की जंय्यां इ खोज म रेह्‍वै ह क किनै पाड़ खाऊँ।

1 पतरस 4:7

बा घड़ी सांकड़ैई ह जद सक्यु नास होज्यासी। इ ताँई स्याणा बणो अर खुदनै बस म राखो जिऊँ थानै अरदास करबा म मदद मिलै।

याकूब 4:6

पण परमेसर आपणा प दया करी ह, इ ताँई बिधी विधान म मंडेड़ो ह क, “परमेसर गुमान करबाळा क खिलाप ह, पण नरमाईऊँ चालबाळा मिनखा प दया करै ह।”

1 पतरस 4:11

अर ज कोईनै बोलबा को, परमेसर का बचननै परचार करबा को अर कोईकी मदद करबा को बरदान होवै जणा बो बिनै बि ताकत क सागै काम म लेवै जखी परमेसर बिनै देवै ह। अर अ सगळी बाता अंय्यां होणी चाए जिऊँ परमेसरनै ईसु मसी की बजेऊँ जखो जुग-जुग ताँई मेमा म अर ताकतबर ह मान मिलै। अंय्यांई होवै!

1 कुरन्थीयो 7:17

परबु जिनै जंय्यां को बरदान दिओ ह अर जिनै जि रूप म टाळ्यो ह, बिनै चाए की बो बंय्यांई जीवै। अर म सगळी बिस्वासी मंडळ्यानै अंय्यांई सीखाऊँ हूँ।

तितूस 2:12

आ दया सीखावै ह क आपा बि जीवननै जिमै परमेसर कोनी अर दुनियादारी की बुरी इंछ्यानै छोडर इ जुग म खुद क बस म रेह्बाळो, खराईऊँ भर्यो जीवन जीवां जिमै परमेसर ह,

तितूस 2:2

बूडा-ठेरानै हिदायत दे क बे सिदा-सादा, थ्यावस राखबाळा, खुदनै बस म राखबाळा लोगा म बुजहाळा, प्यार-परेम अर बिस्वास म मजबूत अर बरदास करबाळा हो।

2 कुरन्थीयो 12:7

म बोळी ताजूबभरी बाता देखबा की बजेऊँ गुमान नइ करूं इ ताँई मेरी काया म रोग की एक दरदनाक पिड़ा दिनी गई ह, जखी सेतान का एक दुत की जंय्यां मनै मारबा को काम करै ह। पण आ मनै खुद प गुमान करबाऊँ बचावै ह।

रोमीयो 11:20

आ बात सची ह क बे बाका भेम की बजेऊँ तोड़ी गई पण थे थारा बिस्वास का बूता प टिकर्या हो। जणा इको गुमान मना करो पण डरता रेह्‍वो।

1 पतरस 1:13

इ ताँई थारी बुदीनै काम म ल्यो, खुदनै बस म राखो अर बि दया की आस राखो जखी थानै ईसु मसी क परगट होबा की टेम मिलसी।

तितूस 2:4

जिऊँ क बे जुवान लूगायानै बाका मोट्यार अर टाबरा-टिकराऊँ प्यार करबा, खुदनै बस म राखबा, खुदनै पबितर राखबा, मोट्यार क खया म चालबाळी अर घर बांदबाळी चोखी लूगाई बणबा की सीख दे। जिऊँ कोईबी परमेसरऊँ आबाळा संदेस क बारां म बुरा नइ बोलै।

1 कुरन्थीयो 15:10

अर आज म जोक्यु बी हूँ परमेसर की दयाऊँ हूँ, अर बिकी दया मेर ताँई बेकार कोनी गई म दुसरा भेजेड़ा चेलाऊँ बढचढ'र मेनत करी ह। पण आ मेरी काबलीयत कोनी आ तो परमेसर की दया ह।

यहून्ना 3:34

क्युं क जिनै परमेसर भेज्यो ह, बो परमेसर का बोल बोलै ह। क्युं क परमेसर बिनै बेथां पबितर आत्माऊँ भर्यो ह।

लूका 18:11

बो फरिसी नाकैई खड़्यो होर अंय्यां खेर अरदास करबा लाग्यो, ‘परमेसर थारी जे हो, क म दुसरा की जंय्यां लोभी, दुसरा को बुरो करबाळो, कुकरमी कोनी अर नइ म इ चुंगी लेबाळा की जंय्यां हूँ।

तितूस 2:6

अंय्यांई तू जुवान छोरानै समजदारीऊँ जीबा ताँई समजा।

1 तिमूतियूस 2:15

इकै बावजुद बी लूगाया टाबर जामर बचसी, अर बानै चाए क, बे थ्यावस क सागै बिस्वास, परेम अर पबितरता म मजबूत रेह्‍वै।

1 तिमूतियूस 2:9

अर ठिक बंय्यांई म भाण-बेट्याऊँ बोलुँ हूँ क, सरम लाज अर थ्यावस क सागै सिदा-सादा पेराणऊँ खुदनै सुवांरीं, चोटी बणार सोना अर मोत्या अर मेंगा गाबाऊँ नइ,

1 तिमूतियूस 1:14

अर परबु मेर प खूब दया करी, अर सागैई बो परेम अर बिस्वास जखो मसी ईसु म ह बो मनै मिल्यो।

इफिसुस 3:4

अर आनै बाचर थे जाण ज्यास्यो क म मसी का भेदानै कठै ताँई समजूँ हूँ।

2 कुरन्थीयो 12:13

थे कूणसी बात म दुसरी बिस्वासी मंडळ्याऊँ न्यारा हो? खाली इकै क म मेरो बोज थारै उपर कोनी लाद्‍यो। मनै इ काम ताँई थे माफई करो।

1 कुरन्थीयो 3:10

परमेसर की दयाऊँ म एक चोखा चेजारा की जंय्यां निम धरी ह। अर बिपै ईमारत दुसरो बणार्यो ह। पण सगळानै ओ ध्यान राखबो चाए की बो बिपै कंय्यांको काम करर्यो ह।

रोमीयो 11:25

मेरा लाडला बिस्वास्यो! म थानै इ लुखेड़ा सचऊँ अणजाण कोनी राखबो चाऊँ, क थे खुदनै घणा चतर नइ समजबा लागो। क्युं क इजरायल का मिनखा को ढिटपुणो सदाई कोनी बण्यो रेह्सी। ओ तो जद ताँई ह जद ताँई गैर-यहूदि मिनखा मऊँ जत्ता टाळेड़ा हीं, बे सगळा परमेसर कनै नइ आज्यावै।

3 यहून्ना 1:9

इकै बारां म, म, बिस्वासी मंडळीनै बी मांड्यो हो, पण दियुतीफेस जखो नेतो बण्यो घूमै ह , बो म्हारी आवभगत कोनी करी।

कलुसीयो 2:13

मसी प बिस्वास करबाऊँ पेल्या थे थारा पाप की बजेऊँ आत्मा म मरेड़ा अर बिना सुन्नतहाळा हा। पण इब परमेसर थानै मसी क सागै जीवायो अर सगळा पापऊँ आपणानै माफ कर दिओ;

कलुसीयो 1:29

इ ताँई तो म, मेर म दम क सागै काम करबाळी बिकी सक्‍तिऊँ कड़ी मेनत करर्यो हूँ।

इफिसुस 3:2

परमेसर की दयाऊँ थारै भला ताँई जखा काम परमेसर मनै करबा ताँई दिओ ह बाकै बारां म थे पक्काई सुण्या हो।

2 कुरन्थीयो 10:13

म्हें बढचढ'र बात कोनी करां, पण बि हक ताँई जखो परमेसर म्हानै दिओ ह, गुमान करां हां इमै थे बी आगा हो।

फलिपी 2:13

क्युं क बो परमेसरई ह जखो थारै म काम करै ह, अर बोई थानै बिका मकसदनै पूरो करबा की इंछ्या अर सक्‍ति देवै ह।