रोमीयो 12:12 - जीवन को च्यानणो (सेकावाटी नया नियम की पोथ्या)

¹² आस म राजी रेह्ओ, पिड़ा म थ्यावस राखो, लगातार अरदास करता रेह्ओ।

रोमीयो 12:12 Referans Kwoze

रोमीयो 15:13

थारै बिस्वास गेल थानै आस देबाळो परमेसर थानै सुक-स्यांती अर खुसीऊँ भर देवै। जिऊँ पबितर आत्मा की सक्‍तिऊँ थारी आस बढती जावै।

इबरानीआ 10:36

अर थानै चाए क थे मजबूत होवो जिऊँ क जद थे परमेसर की इंछ्यानै पूरी करो जणा जिको बादो बो कर्यो ह बो थे पा सको।

1 पतरस 4:13

पण राजी होवो क थानै मसी की जंय्यां दुख भोगबा को मोको मिल्यो। आ बात थानै बि बडी खुसी ताँई त्यार करसी जखी मसी जि दिन आपकी मेमा क सागै आसी जणा होसी।

याकूब 5:7

ओ मेरा लाडला बिस्वास्यो, परबु क ओज्यु आबा की घड़ीनै थ्यावसऊँ उडिको जंय्यां एक किसान जमीन की फसलनै जखी बि ताँई बोळो माईनो राखै ह, जोपबाळा दिनऊँ लेर जद ताँई बा पकर त्यार नइ होज्यावै बि दिन ताँई सरू का अर आखीर का मीनै थ्यावसऊँ लगातार उडिकतो रेह्‍वै।

इबरानीआ 6:15

जणा अब्राहम थ्यावस क सागै इ करारनै उडिक्यो अर परमेसर को करेड़ो करार पूरो होयो।

इबरानीआ 6:12

क्युं क म्हें आ कोनी चावां क थे आळसी बणो, पण म्हें आ चावां हां क थे बा मिनखा किसी चाल चालो जखा बिस्वास अर थ्यावसऊँ बा बाता का वारिस हीं जाको करार परमेसर कर्यो हो।

फलिपी 4:4

परबु को संगरो राख'र सदाई राजी-खुसीऊँ रेह्ओ, म ओज्यु थानै खेऊँ हूँ, राजी-खुसीऊँ रेह्ओ।

इबरानीआ 12:1

इ ताँई आपणै च्यारूमेर गुवाया की भीड़ ह जणा आओ रोड़ो गेरबाळी हरेक चिजानै, उळजाबाळा पापनै दूर करर बा दोड़ जिमै आपानै दोड़णो ह थ्यावस क सागै दोड़ां।

कलुसीयो 4:2

ध्यानऊँ अरदास करबा म लाग्या रह्यो अर परमेसरनै धनेवाद देता रेह्ओ।

2 थिसलूनिकी 3:5

परबु थारा हियानै परमेसर का परेमनै समजबा की अर मसी की जंय्यां बरदास करबा की सक्‍ति देवै।

1 थिसलूनिकी 5:8

पण आपा जखा दिन का च्यानणा म चालां हां बानै चाए क बे खुदनै बस म राख'र बिस्वास अर प्यार-परेम की झिलम पेरीं अर छुटकारो पाबा की आसनै टोपला की जंय्यां पेरीं।

भेजेड़ा चेला का काम 1:14

अर आकै सागै क्युंक लूगाया बी ही, अ सगळा एक चित होर अरदास करबा म लाग्या रेह्ता हा। बामै ईसु की माँ मरीयम अर बिको भाई बी हो।

1 तिमूतियूस 6:11

पण तू, जखो परमेसरनै मानबाळो ह, आ सगळी बाताऊँ दूर रेह्जे, पण धारमिक्‍ता, भगती, बिस्वास, परेम, थ्यावस अर दिनता म बण्यो रेह।

इबरानीआ 10:32

थे बा पेलड़ा दिनानै याद करो, जद थे मसी क बारां म जाण्या हा जणा बोळा सताव अर दुख की घड़ी म बी मजबूत रिह्या हा।

कलुसीयो 4:12

थारै मालोई एक ओर ह जिको नाम इफरास ह अर मसी ईसु को दास ह बिकी बी थानै “जे मसी की” पुगै। ओ सदाई थारै ताँई जी ज्यानऊँ अरदास करै ह जिऊँ थे परमेसर की सगळी इंछ्या म समजदारी अर पूरा भरोसा क सागै खड़्या रेह सको।

कलुसीयो 1:11

बो थानै आपकी मेमाभरी सक्‍तिऊँ मजबूत बणावै ह जिऊँ थे थ्यावस राख'र सक्यु सेह सको। अर राजी-खुसीऊँ

इबरानीआ 5:7

ईसु जद काया म इ धरती प हो बा दिना म बो जोर-जोरऊँ अर रो-रोर बिऊँ अरज अर अरदास करतो रिह्यो जखो बिनै मोतऊँ बचा सको हो। अर बिकी भगती की बजेऊँई बिकी सुणी गई।

दरसाव 13:10

“जिनै केद म जाणो ह, बो केद म ज्यासी, जिनै तलवारऊँ मार्यो ज्यासी, बो तलवारऊँ मरसी।” इमई परमेसर का मिनखानै थ्यावस अर बिस्वास राखबा की जुर्त ह।

2 पतरस 1:6

अर समजऊँ खुद प काबू राखबानै अर खुद प काबू राखबाऊँ थ्यावसनै अर थ्यावसऊँ परमेसर की भगतीनै,

इबरानीआ 3:6

पण मसी बेटो होबा क नातै परमेसर का घर को मुखियो ह, अर ज आपा हिमत अर बि आसनै जिपै आपा बिस्वास करां हां थाम्या राखां जणा आपा बिका परिवार हां।

2 थिसलूनिकी 1:4

इ ताँई जद कदै म्हें परमेसर की दुसरी बिस्वासी मंडळ्या म जावां हां जणा बाकै सामै थारै बई गुमान करबो कोनी भूलां। क्युं क थे जत्ता बी दुख अर सताव भोगो हो बा सगळा म बानै थारी सेह्बा की सक्‍ति अर बिस्वास क बारां म बेरो चालै ह।

1 कुरन्थीयो 13:13

पण इब बिस्वास, आस, अर परेम अ तीन्युई टळै कोनी पण आ सगळा म बडो परेम ह।

रोमीयो 15:4

हरेक बात जखी पबितर सास्तर म मांडी गई ह, बा आपानै सीख देबा ताँई हीं, जिऊँ जखी थ्यावस अर हिमत सास्तराऊँ मिलै ह, बिऊँ आपानै आस मिलै।

लूका 21:19

थे पक्का रेहज्यो जिऊँ थे खुदनै बचास्यो।

लूका 8:15

अर उपळी माटी प पड़्या बीज बे हीं जखा बचन सुणर बिनै चोखा अर खरा हियाऊँ मानै अर थ्यावस राखर समाळर राखीं हीं जद ताँई क बाका करम बि बचन गेल नइ होज्यावै।

1 पतरस 4:7

बा घड़ी सांकड़ैई ह जद सक्यु नास होज्यासी। इ ताँई स्याणा बणो अर खुदनै बस म राखो जिऊँ थानै अरदास करबा म मदद मिलै।

तितूस 2:13

अर आपा जखी भागहाळी आस राखां हां बिकै पूरो होबानै उडिकां हां, जद आपणो म्हान परमेसर अर छुटकारो देबाळो ईसु मसी मेमा म परगट होसी।

कलुसीयो 1:27

परमेसर आपका टाळेड़ा मिनखा प बि भेदभर्या सतनै परगट कर्यो जिकी बो मनस्या बणा राखी ही ओ सत बोळो मेमाभर्यो ह, अर ओ सगळा ताँई ह। ओ भेद भर्यो सत ओ ह क, मसी गैर-यहूदि मिनखा म बी रेह्‍वै ह जखो मेमा की आस ह।

रोमीयो 8:25

पण ज आपा बि बात की आस करां जखी हाल ताँई पूरी कोनी होई जणा आपा बिनै थ्यावस राखर उडिकां हां।

तितूस 3:7

दयाऊँई आपा परमेसर क सामै सई हां अर अजर-अमर जीवन का वारिस होवां जिकी आपा आस राखां हां।

2 तिमूतियूस 3:10

पण तू मेरी सीख, भेवार, अर जिंदगी ताँई मेरा मकसदनै मानै ह, तू मेरा बिस्वास, मेरा थ्यावस, मेरा प्यार-परेम, मेरी सेह्बा की सक्‍ति,

1 थिसलूनिकी 1:3

परम-पिता परमेसर क सामै म्हें जद बी जावां जणा थारा बिस्वास का कामानै, थारा परेम भर्या कामानै अर परबु ईसु मसी क ओज्यु आबा की आस म, थे सक्यु सेह्ता होया बी बिस्वास म पक्का हो, आ बातानै सदाई याद करां हां।

फलिपी 3:1

आखीर म, मेरा लाडला बिस्वास्यो, परबु म राजी होता रह्यो। थानै अ बाता ओज्यु मांडबा म मनै तो कोई आट कोनी, अर ज म अंय्यां मांडूँ बी हूँ जणा आऊँ थारो बचावई होसी।

2 कुरन्थीयो 12:8

म तीन बर परमेसरऊँ अरदास कर बोल्यो क, इ पिड़ानै मेरूँ दूर कर दे,

रोमीयो 2:7

बे मिनख जखा थ्यावसऊँ भला कामा म लागर मेमा, मान-समान अर अजर-अमर जीवननै टोवीं हीं बानै परमेसर अजर-अमर को जीवन देसी।

भेजेड़ा चेला का काम 12:5

अर जद पतरस कोठड़ी म बंद हो बि टेम सगळी बिस्वासी मंडळी बि ताँई पूरा मनऊँ परमेसरऊँ अरदास करबा लागरी ही।

भेजेड़ा चेला का काम 6:4

अर म्हें म्हारो सगळो टेम अरदास करबा अर बचन को परचार करबा अर सीखाबा म लगास्यां।”

भेजेड़ा चेला का काम 2:42

अर बे भेजेड़ा चेलाऊँ उपदेस सुणबा, संगती करबा, एक सागै परबुनै याद करबा ताँई रोटी तोड़बा अर अरदास करबा म रमग्या।

लूका 10:20

पण इ बात प राजी मना होवो की ओपरी बलाया थारै बळ म ह पण इ बात प राजी होवो की थारा नाम ईस्बर नगरी म मंडर्या हीं।”

मत्ती 5:12

जणा थे राजी होज्यो क्युं क ईस्बर नगरी म थानै इको फळ मिलसी। क्युं क बे तो परमेसर की खेबाळानै बी जखा थारूँ पेली हा बानै बी अंय्यांई सताया हा।