रोमीयो 11:25 - जीवन को च्यानणो (सेकावाटी नया नियम की पोथ्या)

²⁵ मेरा लाडला बिस्वास्यो! म थानै इ लुखेड़ा सचऊँ अणजाण कोनी राखबो चाऊँ, क थे खुदनै घणा चतर नइ समजबा लागो। क्युं क इजरायल का मिनखा को ढिटपुणो सदाई कोनी बण्यो रेह्सी। ओ तो जद ताँई ह जद ताँई गैर-यहूदि मिनखा मऊँ जत्ता टाळेड़ा हीं, बे सगळा परमेसर कनै नइ आज्यावै।

रोमीयो 11:25 Referans Kwoze

लूका 21:24

मिनख तलवाराऊँ काट्या जासी अर बाकी सगळा दुसरा देसा का केदि होसी। अर जद ताँई परमेसरनै नइ ध्यारबाळा मिनखा को टेम पूरो कोनी होसी बे यरूसलेमनै पगा तळै मसळींगा।

रोमीयो 16:25

बिकी बडाई होवै जखो थानै, ईसु मसी का संदेस, जि चोखा समचार को म हेलो पाड़ूँ हूँ अर परमेसर का परगट होयड़ा बि भेदभर्या सच गेल जखो जुगादऊँ लुखेड़ो हो, मजबूत बणाबा की सक्‍ति राखै ह।

रोमीयो 12:16

आपसर्या म एक चित रेह्ओ घमंड मना करो पण दीन हीन की सोबत करो। अर खुदनै अंय्यां मना जाणो क खाली मई बुदीमान हूँ।

दरसाव 10:7

पण जद सातुओ ईस्बर नगरी दुत को तूताड़ी फूंकबा को टेम आसी बि दिन परमेसर का बे भेद पूरा होसी जिनै बे आपका दासा अर परमेसर की खेबाळानै बताया हा।”

दरसाव 7:9

इकै पाछै म देख्यो क मेरै सामै मिनखा की बोळी बडी भीड़ ही जिनै कोईबी कोनी गिण सकतो हो, बि भीड़ म सगळा कूणबा का मिनख, देस, बोली, अर हर दिसावर का मिनख हा , जखा बि सिंघासन अर उन्या क सामै खड़्या हा। बे धोळा गाबा पेरमाल्या हा अर हाता म खजूर की डाळ्यां ले राख्या हा।

इफिसुस 3:9

अर परमेसर का इ भेदनै सगळानै खोलर बताऊँ क ओ भेद कंय्यांसिक काम करै ह जखो आपा सगळानै बणाबाळा परमेसर क मांयनै जुगादऊँई लुखेड़ो हो।

दरसाव 11:15

सातुओ ईस्बर नगरी दुत जद तूताड़ी फूंकी जणा ईस्बर नगरीऊँ जोरको हेलो आयो, “इब इ धरती प परबु अर बिका मसी को राज ह, अर बो जुग-जुग ताँई राज करसी।”

2 पतरस 3:8

पण मेरा लाडलो, थे इ बातनै मना भूलज्यो, क परबु की नजर्या म एक दिन झार बरस जंय्यां अर झार बरस एक दिन की जंय्यां ह।

1 कुरन्थीयो 10:1

मेरा लाडला बिस्वास्यो, म ओ चाऊँ हूँ क थे ओ जाणल्यो की आपणा बडका जखा मूसा की मान्या करता हा बे परबु का बादळ की छाया म लाल समदर क पार राजी-खुसी गया हा।

रोमीयो 1:13

मेरा लाडला बिस्वासी भाईड़ो, म चाऊँ हूँ थे इनै जाणो क म बोळी बार थारै कनै आबा की सोची क थारै म बाकी का दुसरा गैर-यहूदि मिनखा की जंय्यां फळ पा सकूँ पण हर बर क्युंना क्युं अंय्यां होयो क म कोनी आ सक्यो।

1 कुरन्थीयो 12:1

मेरा लाडला बिस्वास्यो, म ओ कोनी चाऊँ क थे आत्मिक बरदाना क बारां म नइ जाणो।

मत्ती 13:11

ईसु बाऊँ बोल्यो, “थानै तो ईस्बर नगरी राज का भेद को ज्ञान दिओ गयो ह पण बानै कोनी दिओ गयो।

यहून्ना 10:16

मेरी ओर बी लल्ड्या हीं, जखी इ रेवड़ की कोनी। मनै बानै बी ल्याणो जरूरी ह, बे मेरी सुणसी अर जणा बाको एक रेवड़ अर एकई गुवाळ्यो होसी।

रोमीयो 9:18

खेबा को मतबल ओ ह क परमेसर जिपै दया दिखाबो चावै बिपै दया दिखावै ह अर जिको मन काठो करबो चावै बिका मननै काठो कर देवै ह।

रोमीयो 11:12

अंय्यां ज बाकै गळती करबा को मतबल जगत भर्योपूरो होवै अर बाकी नाकामीऊँ गैर-यहूदि मिनख भर्यापूरा होवै, इ ताँई ज बे सगळा एक सागै जुड़ज्यावै, जणा कत्ती भरपूरी होसी।

रोमीयो 11:24

जद तनै जलमजात जंगली जेतून का दरख्तऊँ एक डाळी की जंय्यां का'टर बिधी क खिलाप एक चोखा जेतून का दरख्तऊँ जोड़ दिओ गयो, जणा अ जखी बि दरख्त की खुदकी डाळ्यां हीं खुदका दरख्त म पाछी क्युं कोनी जोड़ी जासी।

1 कुरन्थीयो 2:7

पण आपा परमेसर का बि भेदभर्या सच अर लुखेड़ा ज्ञान को हेलो पाड़ां हां, जिनै परमेसर आपणी मेमा करबा ताँई जुगादऊँई ते कर राख्यो ह।

1 कुरन्थीयो 4:1

म्हारै बारां म मिनखानै अंय्यां सोचबो चाए क म्हें मसी का दास हां, अर परमेसर का भेदा का भंडारी हां।

इफिसुस 1:9

परमेसर बोई कर्यो जखो बिको मकसद हो, अर बो बि भेदनै आपानै बतायो जिनै मसीऊँ पूरो करबा ताँई बो पेल्याऊँई ध्यार राख्यो हो।

इफिसुस 4:18

बाकी मती मरेड़ी ह। बे आपकी अज्ञानता अर हिया की कलडाई की बजेऊँ परमेसर का जीवनऊँ न्यारा ह।

दरसाव 1:20

बा सात तारा, जिनै तू मेरै दाया हात म देख्यो हो अर बा सात सोना का दिपदाना को भेद ओ ह क बे सात तारा बिस्वासी मंडळ्या का सात ईस्बर नगरी दुतानै दिखावै अर बे सात दिपदान सात बिस्वासी मंडळ्यानै दिखावै ह।