रोमीयो 11:22 - जीवन को च्यानणो (सेकावाटी नया नियम की पोथ्या)

²² जणा तू परमेसर की नरमाईनै देख अर बिकी कल्ड प ध्यान दे। आ कल्ड बा ताँई ह जखा पड़ग्या पण ज थे बिकी दया म बण्या रेह्‍वो जणा बिकी दया थारै ताँई ह। नहिस थानै बी का'टर फेक दिओ जासी।

रोमीयो 11:22 Referans Kwoze

इबरानीआ 3:14

क्युं क ज आपा पेलड़ा बिस्वास म आखीर ताँई मजबूत बण्या रेहस्यां जणाई आपा मसी का पाँतीवाळ बणस्यां।

इबरानीआ 3:6

पण मसी बेटो होबा क नातै परमेसर का घर को मुखियो ह, अर ज आपा हिमत अर बि आसनै जिपै आपा बिस्वास करां हां थाम्या राखां जणा आपा बिका परिवार हां।

1 कुरन्थीयो 15:2

ज मेरै जरिए सुणाईड़ा समचार प थे मजबूतीऊँ चालो जणा परमेसर थानै बचासी। ज थे अंय्यां कोनी करस्यो जणा मसी म थारो बिस्वास करबो बेकार ह।

यहून्ना 15:2

बो माली हरेक बी डाळीनै काटै ह, जखी फळ कोनी ल्यावै, अर बि डाळीनै छांगर साप करै जखी फळ ल्यावै ह, जिऊँ बा ओरबी फळै।

दरसाव 2:5

इ ताँई चेता म आ अर आ सोच क तू कठैऊँ गिर्यो, तू तौबा कर अर पेल्या की जंय्यां काम कर, अर ज तू अंय्यां कोनी करसी जणा म तेरै कनै आर तेरा दिपदानानै बि झघाऊँ हटा देस्युँ।

गलातियो 6:9

जणा आपानै चाए क जीज्यानऊँ भला काम करबा म लाग्या रेह्‍वां। जिऊँ ठिक टेम आबा प आपानै बिको फळ मिलै।

रोमीयो 2:7

बे मिनख जखा थ्यावसऊँ भला कामा म लागर मेमा, मान-समान अर अजर-अमर जीवननै टोवीं हीं बानै परमेसर अजर-अमर को जीवन देसी।

इबरानीआ 10:23

अर आपा जखी आस मुंडाऊँ बोलर मान्या हां बिपै मजबूतीऊँ डट्या रेह्‍वां, क्युं क जखो आपणाऊँ बादो कर्यो ह बो बिस्वास जोगो ह।

भेजेड़ा चेला का काम 14:22

अर चेलानै समजाता अर हिमत बंधाता हा क, “बिस्वास म बण्या रेह्ओ अर परमेसर का राज म बड़बा ताँई आपानै बोळा दुख भोगणा पड़सी।”

यहून्ना 8:31

जणा ईसु बाऊँ बोल्यो जखा बिपै बिस्वास कर्या हा, “ज थे मेरी सीख प चालो हो जणा सचमई थे मेरा चेला हो।

1 थिसलूनिकी 3:8

क्युं क ज थे परबु म मजबूत बण्या रह्यो जणा म्हारै जी म जी रेह्‍वै ह।

भेजेड़ा चेला का काम 11:23

बरनाबास बठै परमेसर की दयानै देखर राजी होयो। अर बानै उपदेस दिओ की तन मनऊँ बिस्वास जोगा अर परमेसर म बण्या रेह्ओ।

लूका 8:15

अर उपळी माटी प पड़्या बीज बे हीं जखा बचन सुणर बिनै चोखा अर खरा हियाऊँ मानै अर थ्यावस राखर समाळर राखीं हीं जद ताँई क बाका करम बि बचन गेल नइ होज्यावै।

1 थिसलूनिकी 3:5

इ ताँई जद मेरूँ ओर कोनी रिह्यो गयो जणा म थारा बिस्वास का हालचाल लेबा ताँई तिमूतियूसनै भेज्यो। परमेसर करै अंय्यां नइ होवै क बिचास्बाळो सेतान थानै बिचास्यो होवै अर म्हारी करी कराई मेनत अळी गई हो।

1 यहून्ना 2:19

मसी का बेरी आपणाऊँ निकळ्या हीं पण बे आपणा कोनी। क्युं क ज बे आपणा होता जणा आपणो संगरो कोनी छोडता, पण बे अंय्यां कर दिखा दिओ क बे आपणा मऊँ कोनी।

रोमीयो 11:21

ज परमेसर असल डाळ्यांनैई कोनी छोडी जणा थानै बी कोनी छोडै।