रोमीयो 11:11 - जीवन को च्यानणो (सेकावाटी नया नियम की पोथ्या)

¹¹ जणा म बुजूँ हूँ, के बे इ ताँई ठोकर खाया क बे नास होज्यावीं? नइ, पण बाकै गळती करबाऊँ गैर-यहूदि मिनखानै छुटकारो मिल्यो। जिऊँ यहूदि मिनखा क मना म होड पैदा होवै।

रोमीयो 11:11 Referans Kwoze

रोमीयो 11:31

बंय्यांई बे इब कह्या म कोनी चालै जिऊँ जखी दया थार प होई ह बा इब बापै होवै।

रोमीयो 11:12

अंय्यां ज बाकै गळती करबा को मतबल जगत भर्योपूरो होवै अर बाकी नाकामीऊँ गैर-यहूदि मिनख भर्यापूरा होवै, इ ताँई ज बे सगळा एक सागै जुड़ज्यावै, जणा कत्ती भरपूरी होसी।

रोमीयो 10:19

पण म बुजूँ हूँ, के इजरायली कोनी जाणता हा? सऊँ पेली मूसा बोल्यो हो: “म थारै मना म बा मिनखा क जरिए बळत लगास्युं। म बिस्वास नइ करबाळा कूणबा क जरिए थानै झाळ दिवास्युं।”

रोमीयो 11:14

बंय्यांई म चाऊँ हूँ क कंय्यां बी कर म मेरा मिनखा म होड पैदा कर सकूँ अर बामैऊँ क्युंकनै बचा सकूँ।

भेजेड़ा चेला का काम 18:6

पण जद बे मिनख पोलुस को बिरोद अर बिकी बुराई करबा लागगा जणा बो आपको पल्लो झाड़ लिओ अर बोल्यो, “थारी करनी थेई पाओ! इमै मेरी कोई जुबाबदारी कोनी अर इबऊँ म गैर-यहूदि मिनखा क कनै जास्युं।”

रोमीयो 11:1

जणा म बुजूँ हूँ, “के परमेसर आपका मिनखानै तज दिओ?” नइ, अंय्यां कोनी। क्युं क म बी अब्राहम का बंस अर बिन्यामीन का गोत को इजरायली हूँ।

भेजेड़ा चेला का काम 13:42

अर जद बे आपको उपदेस देर बठैऊँ जार्या हा जणा बानै सुणबाळा मिनख बाऊँ बोल्या, “आगला अरामहाळा दिन म्हानै अ बाता ओज्यु सुणाज्यो।”

लूका 20:16

बो आर बा ठेकेदारानै मार अँगूरा को बाग दुसरानै समाळबा ताँई दे देसी।” आ बात सुण बे बोल्या, “अंय्यां कदैई नइ हो।”