रोमीयो 10:6 - जीवन को च्यानणो (सेकावाटी नया नियम की पोथ्या)

⁶ पण बिस्वासऊँ आबाळी धारमिक्‍ता क बाबत सास्तर बोलै ह, “तू खुदऊँ आ मना बुज क, ईस्बर नगरीऊँ मसीनै धरती प ल्याबा कूण जासी?”

रोमीयो 10:6 Referans Kwoze

यहून्ना 6:58

जखी रोटी ईस्बर नगरीऊँ उतरी ह, बा आई ह। आ बि मन्ना की जंय्यां कोनी, जिनै थारा बडका खाया अर मरगा, पण जखो बी आ रोटी खासी बो सदाई जिंदो रेह्सी।”

फलिपी 3:9

अर म सगळो को सगळो बिको होज्याऊँ। म खुदकी धारमिक्‍ता की बजेऊँ धरमी कोनी हूँ जखी नेम-कायदा म मंडेड़ा धरम का काम करबाऊँ आवै ह, पण बि धारमिक्‍ता की बजेऊँ धरमी हूँ जखी मसी म बिस्वास की बजेऊँ परमेसर कानिऊँ आवै ह अर ओ बिस्वास करबाऊँई होवै ह।

रोमीयो 4:13

अब्राहम अर बिकी ओलादानै ओ करार क बे जगत का वारिस होसी, नेम-कायदाऊँ कोनी मिल्या पण बि धारमिक्‍ताऊँ मिल्या जखी बिस्वास की बजेऊँ आई ही।

रोमीयो 3:22

सगळा बिस्वास्या ताँई ईसु मसी प बिस्वास करबा क जरिए बिना कोई भेद कर्या परमेसर कानिऊँ मिलबाळी धारमिक्‍ता परगट करी गई ह।

इबरानीआ 11:7

बिस्वास करबा की बजेऊँई नूह बा बातानै जखी बि टेम का कोनी दिखरी ही। बानै परमेसर का डर क सागै चितावनी मानर आपका परवारनै बचाबा ताँई झाज बणायो हो, अंय्यां कर बो जगतनै दोसी गिण्यो अर बि धारमिक्‍ता को पाँतीवाळ होयो जखी बिस्वास करबाऊँ आवै ह।

इबरानीआ 1:3

परमेसर को बेटो परमेसर की मेमा को उजाळो अर बिमै बिकोसोई सुभाव ह। बोई आपका बचना की सक्‍तिऊँ सरस्टि की सगळी चिजानै थाम राखी ह। बो मिनखा का पापनै धोर ईस्बर नगरी म सऊँ सक्‍तिसाली परमेसर क दायणै हात जार बेठगो।

रोमीयो 3:25

ईसु की मोत प बिस्वास करबाळा मिनखा का छुटकारा ताँई परमेसर ईसुनै एक कुरबानी जंय्यां भेज्यो। आ बात परमेसर की धारमिक्‍तानै दिखावै ह, क्युंक परमेसर मिनखा का पेलड़ा पापनै ईस्बरीय सेनसिलताऊँ अनदेख्यो कर्यो।

यहून्ना 6:38

क्युं क म मेरी इंछ्या नइ पण मनै भेजबाळा की इंछ्यानै पूरी करबा ताँई ईस्बर नगरीऊँ धरती प उतर्यो हूँ।

यहून्ना 6:33

जखी रोटी परमेसर देवै ह, बा ईस्बर नगरीऊँ उतरी ह, अर बा जगत का मिनखानै जीवन देवै ह।”