रोमीयो 10:19 - जीवन को च्यानणो (सेकावाटी नया नियम की पोथ्या)

¹⁹ पण म बुजूँ हूँ, के इजरायली कोनी जाणता हा? सऊँ पेली मूसा बोल्यो हो: “म थारै मना म बा मिनखा क जरिए बळत लगास्युं। म बिस्वास नइ करबाळा कूणबा क जरिए थानै झाळ दिवास्युं।”

रोमीयो 10:19 Referans Kwoze

रोमीयो 11:11

जणा म बुजूँ हूँ, के बे इ ताँई ठोकर खाया क बे नास होज्यावीं? नइ, पण बाकै गळती करबाऊँ गैर-यहूदि मिनखानै छुटकारो मिल्यो। जिऊँ यहूदि मिनखा क मना म होड पैदा होवै।

रोमीयो 11:14

बंय्यांई म चाऊँ हूँ क कंय्यां बी कर म मेरा मिनखा म होड पैदा कर सकूँ अर बामैऊँ क्युंकनै बचा सकूँ।

तितूस 3:3

क्युं क मसीनै मानबाऊँ पेली आपा बी बेबुदी का, खयो नइ मानबाळा, भटकेड़ा अर हरतर्या की मो-माया का गुलाम हा। आपणो जीवन बुराई अर बळोकड़ा पुणाऊँ भरेड़ो हो। अर आपा एक दुसराऊँ नफरत करता हा।

1 पतरस 2:10

“एक टेम बो बी हो जद थे क्युंई कोनी हा। पण इब थे परमेसर का मिनख हो। अर एक बो टेम बी हो जद कोई थार प दया कोनी करतो हो। पण इब परमेसर थार प दया दिखाई ह।”

1 कुरन्थीयो 1:12

थारै म आ राड़ ह क थारै मऊँ क्युंक बोलै ह, “म्हें तो पोलुस का चेला हां” क्युंक बोलै ह, “म्हें अपुलोस का” क्युंक बोलै ह, “म्हें केफा का” अर क्युंक खुदनै, “मसी का चेला” बतावीं हीं।

1 कुरन्थीयो 15:50

मेरा लाडला बिस्वास्यो, म थानै बताऊँ हूँ क आपणी आ काया जखी मास अर लोयऊँ बणेड़ी ह परमेसर का राज म कोनी जा सकै। अर ना नसबर काया अमर होसी।

1 कुरन्थीयो 12:2

क्युं क थे खुदई जाणो हो क जद थे परमेसरनै नइ ध्यारबाळा हा जणा बिना जीव की मूरत्यानै धोक्या करता हा अर बाकीई लीक पिट्या करता हा।

1 कुरन्थीयो 11:22

खाबा-पीबा ताँई के थारै घर कोनी? नहिस थे परमेसर की बिस्वासी मंडळीनै बेकारई जाणो हो, अर जिकै कनै क्युंई कोनी बानै छोटो जाणो हो? म थारूँ काँई खेऊँ? के म थारी बडाई करूं? पण थे जाणो हो की आ कोनी होवै।

1 कुरन्थीयो 10:19

अर मेरो इ बातनै खेबा को काँई मतबल ह की मूरती प चढाईड़ो क्युं ह अर मूरती क्युं ह?

1 कुरन्थीयो 7:29

ओ मेरा लाडला बिस्वास्यो, म तो आई खेऊँ हूँ, क टेम बोळो कम ह। इ ताँई इबऊँ जिकै लूगाई ह बो अंय्यां रेह्‍वै जंय्यां बिकै लूगाई आथई कोनी।

रोमीयो 10:18

पण म बुजूँ हूँ, के बे हेलो कोनी सुण्या? हाँ, पक्काई सुण्या। सास्तर बोलै ह: “बाकी उवाज सगळी धरती प फेलगी, अर बाका बचन धरती का इ कूणाऊँ बि कूणा ताँई पुग्या।”

रोमीयो 3:26

बो अंय्यां इ टेम म आपका न्यायनै परगट करबा ताँई कर्यो, जिऊँ बो खुद धरमी अर ईसु म बिस्वास करबाळानै बी धरमी बताबाळो होवै।