रोमीयो 10:16 - जीवन को च्यानणो (सेकावाटी नया नियम की पोथ्या)

¹⁶ पण चोखा समचारनै सगळा कोनी मान्या। यसाया बोलै ह, “ओ परबु, म्हारूँ सुणर कूण बिस्वास कर्यो?”

रोमीयो 10:16 Referans Kwoze

रोमीयो 3:3

के होयो ज बामैऊँ क्युंक बिस्वास जोगा कोनी रिह्या? जणा के परमेसर बिस्वास जोगो कोनी रेह्सी?

इबरानीआ 4:2

क्युं क आपानै बी आपणा बडका की जंय्यांई चोखो समचार सुणायो गयो ह पण बानै बि समचारऊँ क्युंई फाईदो कोनी होयो क्युं क बे बि समचारनै तो सुण्यो पण बिपै बिस्वास कोनी कर्यो।

2 थिसलूनिकी 1:8

अर जखा परमेसरनै कोनी जाणै अर आपणा परबु ईसु का चोखा समचारनै कोनी मान्या बानै सजा देसी।

गलातियो 5:7

थे तो बोळी चोखी तर्याऊँ मसी को जीवन जिर्या हो। जणा इब थार म कूणसी बात ह जखी थानै सचाई प चालबाऊँ रोकै ह?

1 पतरस 2:8

अर सास्तर म अंय्यां बी मांडेड़ो ह, “ओ बो भाठो ह जखो मिनखानै ठोकर खुवावै, आ बा ढाड ह जखी मिनखानै तळै पटकै ह।” बे ठोकर खावीं हीं, क्युं क बे परमेसर का बचन प कोनी चालीं जि बजेऊँ बे बि मोत को मुंडो देखी हीं, जखी अंय्यां का मिनखा ताँई त्यार करी गई ह।

इबरानीआ 11:8

बिस्वास करबा की बजेऊँई जद अब्राहमनै बुलायो गयो हो, जणा बो हुकम मानर बि झघा कानि चाल पड़्यो जिको बो वारिस बणबाळो हो। जदकी बो कोनी जाणतो हो क बो कठै जार्यो ह।

इबरानीआ 5:9

बो सगळी बाता म निधान होर बा सगळा मिनखा ताँई जखा बिका हुकमानै मानै ह, जुग-जुग ताँई छुटकारा को आधार बणगो।

रोमीयो 6:17

पण परमेसर को गुण-एसान क, थे पाप का दास होबा क बावजुद बी, बि सीखनै हियाऊँ मान्या जखी थानै सूपी गई ह।

रोमीयो 2:8

पण जखा खुदकी परवा करीं हीं अर सचनै कोनी मानी पण बुरो करीं हीं, बापै परमेसर की झाळ अर रीस पड़सी।

1 पतरस 3:1

जंय्यां दास आपका मालिक क बस म रेह्‍वै ह बंय्यांई ओ लूगायो, थे बी थारा मोट्यारा की मानो। जिऊँ ज कोईसी को मोट्यार परमेसर का बचन प नइ चालबाळो होवै जणा बिऊँ कोईनै क्युं बोलबा की जुर्त कोनी पण बो आपकी लूगाई का बरतावनै देखरई परमेसर का बचन प चालबा लागज्या।

1 पतरस 1:22

थे सच का गेला प चाल्या जणा थारा पाप सुद कर दिआ गया, जणा इब थानै चाए क एक दुसराऊँ भाईचारो राखो अर एक दुसराऊँ खरा हिया क सागै डूँगो परेम राखो।

गलातियो 3:1

ओ बावळो गलाति मिनखो, थानै कूण भंगरा दिओ? म थानै साप-साप बता दिओ हो, क कंय्यां ईसु मसीनै सुळी प चढायो गयो हो।

रोमीयो 16:26

जिनै जुग-जुग बण्या रेह्बाळा परमेसर का हुकमाऊँ परमेसर की खेबाळा का लेखा क जरिए सगळा गैर-यहूदि मिनखा प परगट कर बता दिओ गयो ह, जिऊँ बामै बिस्वासऊँ पैदा होबाळी कह्यो मानबा की मनस्या पैदा होवै।

रोमीयो 11:17

पण ज पाळेड़ा जेतून का दरख्त की क्युंक डाळ्यां तोड़र फेक दि जावै, अर एक जंगली जेतून की डाळीनै बिपै कलम चढा दिओ जावै, जणा थे गैर-यहूदि जखा पाळेड़ा दरख्त प कलम चढाईड़ी डाळ्यां की जंय्यां हो जेतून की जड़्या का पोसण का साती हो।

भेजेड़ा चेला का काम 28:24

जणा क्युंक तो बिकी बातानै मानली पण क्युंक बिस्वास कोनी कर्यो।

यहून्ना 10:26

थे बिस्वास कोनी करो क्युं क थे मेरी लल्ड्या कोनी हो।

मत्ती 13:14

बाकै ताँई परमेसर की खेबाळा यसाया की बाता सई साबित होई: “थे सुणस्यो अर सुणताई रेहस्यो पण थारै समज म क्युंई कोनी आसी। थे देखता रेहस्यो पण थानै क्युंई कोनी सुजसी।