रोमीयो 1:9 - जीवन को च्यानणो (सेकावाटी नया नियम की पोथ्या)

⁹ परमेसर जिकी सेवा म मेरी आत्माऊँ बिका बेटा का चोखा समचार को परचार कर करूं हूँ, बो मेरो गुवा ह क म सदाई थानै मेरी अरदास म याद करूं हूँ।

रोमीयो 1:9 Referans Kwoze

इफिसुस 6:18

हरेक मोका प अर सगळी बाता म पबितर आत्माऊँ अरदास करता रह्यो अर बंय्यांई सगळा परमेसर का मिनखा ताँई जी ज्यानऊँ अरदास करबा ताँई जागता रेह्ओ।

2 तिमूतियूस 1:3

तिमूतियूस म रात-दिन मेरी अरदास म तनै याद करूं हूँ, अर तेरै ताँई परमेसरनै धनेवाद देऊँ हूँ। जिकी सेवा म मेरा बडका की जंय्यां पबितर अन्तर-आत्माऊँ करूं हूँ।

रोमीयो 9:1

म मसी म सच बोलर्यो हूँ। म झूठ कोनी बोलुँ अर मेरी अन्तर-आत्मा पबितर आत्मा म मेरी गुवाई देवै ह,

1 थिसलूनिकी 5:17

अरदास करबा म लाग्या रेह्ओ।

2 कुरन्थीयो 1:23

परमेसर मेरो गुवा ह क म ओज्यु कुरन्थी नगरी म इ ताँई कोनी आयो क्युं क म थानै दिन घालबो कोनी चातो हो।

1 थिसलूनिकी 3:10

म्हें रात-दिन परमेसरऊँ जीज्यानऊँ अरदास करर्या हां क थानै देखां अर थारा बिस्वास की कमी पूरी करां।

1 थिसलूनिकी 1:2

म्हें म्हारी अरदास म थानै सदाई याद करां हां, अर थारै ताँई परमेसर को धनेवाद देवां हां।

फलिपी 3:3

क्युं क सची सुन्नतहाळा तो आपाई हां बे कोनी, क्युं क आपा परमेसरनै बिकी आत्माऊँ ध्यारां हां अर आपा इ जगत की बाता प नइ पण मसी ईसु प गुमान करां हां।

फलिपी 1:4

अर जद बी म था सगळा ताँई परमेसरऊँ अरदास करूं जणा म राजी हियाऊँ थारै ताँई अरदास करूं हूँ,

भेजेड़ा चेला का काम 27:23

क्युं क बिती रात बि परमेसर को ईस्बर नगरी दुत जि परमेसर को म हूँ अर जिकी म भगती करूं हूँ मेर कनै आयो अर बोल्यो,

भेजेड़ा चेला का काम 19:21

आ बाता क पाछै पोलुस पबितर आत्माऊँ मकीदुनिया अर अखायाऊँ होर यरूसलेम जाबा की सोची अर बोल्यो क, “बठै जाबा क पाछै मनै रोम बी जाणो ह।”

1 तिमूतियूस 2:7

अर इ गुवाईनै गैर-यहूदि मिनखानै सुणाबा ताँई म एक सचा बिस्वास की सीख देबाळो अर ईसु को भेजेड़ो चेलो बणायो गयो हूँ। जिऊँ म बिस्वास का समचार अर सच को हेलो पाड़ सकूँ। म झूठो कोनी हूँ म सच बोलर्यो हूँ।

फलिपी 2:22

जंय्यां बेटो बाप क सागै मिलर मेनत करै ह बंय्यांई तिमूतियूस मेरै सागै मिलर चोखा समचारनै फेलाबा ताँई मेनत करी ह अर बिकी काबलीयतनै थे खुदई चोखी तर्या जाणो हो।

गलातियो 1:20

म परमेसरनै मेरै सामै जा'णर थारूँ खेऊँ हूँ! क जखी बाता म थानै मांडर्यो हूँ बे झूठी कोनी।

2 कुरन्थीयो 11:31

परमेसर जखो आपणा परबु ईसु को परम-पिता ह, जिकी सदाई जे होती रेह्‍वै ह, बो जाणै ह क म झूठ कोनी बोलुँ।

भेजेड़ा चेला का काम 24:14

पण म अ बातानै झूठी कोनी बताऊँ क जिनै बे कुपंथ बोलीं हीं, म बि गेलाई मेरा बाप-दादा का परमेसर की भगती करूं हूँ। अर म बा सगळी बाता प बिस्वास करूं हूँ, जखी बाता मूसा का नेम-कायदा अर परमेसर की खेबाळा की पोथ्या म मंडरी ह।

भेजेड़ा चेला का काम 12:5

अर जद पतरस कोठड़ी म बंद हो बि टेम सगळी बिस्वासी मंडळी बि ताँई पूरा मनऊँ परमेसरऊँ अरदास करबा लागरी ही।

भेजेड़ा चेला का काम 3:26

अर परमेसर आपका दास ईसुनै टाळर बिनै सऊँ पेली थारै कनै भेज्यो। जिऊँ बो थानै थारा कुगेलाऊँ न्यारो कर आसिरबाद दे सकै।”

लूका 18:1

जणा ईसु चेलानै आ बताबा ताँई की बे रोजकी अरदास करता रेह्‍वै। अर हिमत नइ छोडीं एक मिसाल दिनी:

मरकुस 1:1

परमेसर का बेटा ईसु मसी को चोखो समचार अंय्यां चालू होयो।

फिलेमोन 1:4

फिलेमोन, म जद बी अरदास करूं हूँ, जणा म मेरी अरदास म तनै याद राखूँ हूँ, अर तेरै ताँई सदाई परमेसर को धनेवाद देऊँ हूँ।

फलिपी 1:3

जद बी म थानै याद करूं जणा थारै ताँई परमेसर पिता को धनेवाद करूं हूँ;