रोमीयो 1:30 - जीवन को च्यानणो (सेकावाटी नया नियम की पोथ्या)

³⁰ बे आपका मुंडाऊँ एक दुसरा की बुराई करबाळा, परमेसरऊँ नफरत करबाळा, उपरादी, गुमानऊँ भरेड़ा अर फांप मारबाळा हीं। बे बुराई करबा की नई-नई तरकीब घड़ी हीं। बे आपका माँ-बापा का कह्या म कोनी चालीं।

रोमीयो 1:30 Referans Kwoze

2 तिमूतियूस 3:2

क्युं क मिनख मतलबी, लालची, फाँप मारबाळो, मरोड़ म बाँका अर बुराई करबाळा, खुदका माँ-बाप को खयो नइ मानबाळा, दया नइ करबाळा, अधरमी होसी।

यहूदा 1:16

क्युं क अ मिनख बड़बड़ाबाळा, दुसरा मिनखा म दोस ढुंढबाळा, आपकी इंछ्यानै पूरी करबा बेई जिबाळा, बडा-बडा बोल बोलबाळा अर आपका फायदा ताँई दुसरा की चमचागरी करबाळा हीं।

2 पतरस 2:18

क्युं क अ मिनख बा मिनखानै जखा पेल्या भटकेड़ा हा पण इबारई सई गेला प आया हीं, बाऊँ गुमान हाळी बाता कर बाकी बुरी इंछ्यानै जगावीं हीं। अर बानै गेलो भटकावै ह।

याकूब 4:16

पण थे तो थारा झूठा पाखंडाऊँ खुद प गुमान करो हो। अंय्यां को गुमान करबो बुरो ह।

याकूब 3:5

अंय्यांई आपणी काया म जीब छोटोसो अंग ह, पण बडी-बडी बाता की फांप मारै ह। ध्यान राखो एक छोटोसो पतंगो जंगल का जंगलनैई बाळ गेरै ह।

तितूस 3:3

क्युं क मसीनै मानबाऊँ पेली आपा बी बेबुदी का, खयो नइ मानबाळा, भटकेड़ा अर हरतर्या की मो-माया का गुलाम हा। आपणो जीवन बुराई अर बळोकड़ा पुणाऊँ भरेड़ो हो। अर आपा एक दुसराऊँ नफरत करता हा।

2 थिसलूनिकी 2:4

ओ मिनख परमेसर, झूठा देवता अर जानै मिनख धोकीं हीं बा सकै बिरोद म होज्यासी अर बो खुदनै आ सगळाऊँ बडो बतासी। बो परमेसर का मनदर म जार बेठ ज्यासी अर खुदनै परमेसर बतासी।

2 कुरन्थीयो 10:15

अर म्हें दुसरा का करेड़ा काम की सबासी कोनी लेवां। पण म्हानै आस ह क थारो बिस्वास बढसी जिऊँ थारै मांयनै म्हारो काम बी बढसी।

रोमीयो 3:27

जणा पाछै गुमान काँई बात को? बि ताँई तो झघाई कोनी। कूणसा नेम-कायदा की बजेऊँ? करमाऊँ? नइ, आऊँ नइ पण बिस्वासऊँ।

रोमीयो 2:23

तू खुद नेम-कायदा प गुमान करै, जणा नेम-कायदा का नियमानै तोड़र परमेसर को अपमान क्याले करै ह?

रोमीयो 2:17

तू खुदनै यहूदि मानै ह अर नेम-कायदा प तनै बिस्वास ह अर परमेसर प तनै गुमान ह,

भेजेड़ा चेला का काम 5:36

थानै याद होवै तो क्युंक बरसा पेली थियूदास आ खेतो होयो चमक्यो क म बी क्युं हूँ अर करीब च्यार सो मिनख बिकै गेल होलिआ, पण बो मार्यो गयो अर जत्ता बिनै मानता हा बे सगळा खिंडगा अर बिको आनदोलन मिटगो।

लूका 21:16

थारा खुदका माँ-बाप, सगा-सम्बंदि, भाई-भाण अर भाईलाई थानै पकड़ासी अर थारै मऊँ क्युंकनै तो मरवा गेरसी।

मत्ती 16:21

बि टेमई ईसु चेलानै बताबा लाग्यो क, “मनै यरूसलेम जाणो पड़सी अर बठै परधान याजक, यहूदि नेता अर सास्तरानै सीखाबाळा मनै बोळो दुख देसी, अर मार गेरसी पण म तीसरा दिन ओज्यु जिंदो हो जास्युं।”

मत्ती 15:4

क्युं क परमेसर बोल्यो ह, ‘थे थारा माँ-बापा को मान करज्यो। अर ज कोई मिनख आपका माँ-बापा को मान कोनी करै बिनै मार देणो चाए।’

यहून्ना 7:7

जगत थारूँ नफरत कोनी करै, पण मेरूँ करै ह, क्युं क म खेऊँ हूँ क, ‘तेरा करम बुरा हीं।’

2 कुरन्थीयो 12:20

म डरूँ हूँ क, जद म थारै कनै आऊँ, जणा कदै अंय्यां नइ होवै क, जंय्यां म थानै देखबो चाऊँ हूँ, बिऊँ न्याराई दिखो। अर जंय्यांको थे मनै नइ देखबो चाओ हो, बिऊँ न्यारोई देखो। अर मनै ओ बी डर ह क, कदै थारै मांयनै आपसरी म राड़, एक दुसराऊँ बळबो, झाळ काडबो, मतलबीपुणो, बदनामी अर बेजती करबो, काना-फूसी अर हेकड़ोपूणो अर काम बिगाड़बो नइ देखूँ।