रोमीयो 1:23 - जीवन को च्यानणो (सेकावाटी नया नियम की पोथ्या)

²³ अर बे नइ मिटबाळा परमेसर की मेमानै नास होबाळा मिनख, पंछ्या, जानबर अर पेटपल्याणा चालबाळा जिनावरा की मूरत्या म बदल दिआ।

रोमीयो 1:23 Referans Kwoze

भेजेड़ा चेला का काम 17:29

अर आपा परमेसर का टाबर हां, जणा आपानै ओ समजबो चाए क परमेसर आपणै हातऊँ घड़ेड़ी सोना-चाँदी अर भाठा की चिजा जंय्यां को कंय्यां हो सकै ह?

रोमीयो 1:25

बे परमेसर का सचनै झूठ म बदल्या, अर जगतनै रचबाळा की झघा बिकी रचेड़ी चिजानै ध्यारीं अर बाकी सेवा करीं हीं, जगतनै रचबाळा की जे सदाई होवै। अंय्यांई होवै।

1 पतरस 4:3

थे बिस्वास म आबाऊँ पेली परमेसरनै नइ ध्यारबाळा मिनखा की जंय्यां खूब जीवन जीआ हो। थे कुकरमी हा, अर थे थारी बुरी इंछ्या गेल चालता हा। थे दारू म धुत्त, मेफलबाज्या अर उदफेली म लाग्या रेह्ता हा। अठै ताँई क थे सूगली मूरतानै पूजता हा।

1 कुरन्थीयो 12:2

क्युं क थे खुदई जाणो हो क जद थे परमेसरनै नइ ध्यारबाळा हा जणा बिना जीव की मूरत्यानै धोक्या करता हा अर बाकीई लीक पिट्या करता हा।

दरसाव 9:20

जखा मिनख आग, धुँआ अर तिजाब हाळी म्हामारीऊँ बचगा हा बे तौबा कोनी कर्या हा, बे ओपरी बलायानै सोना, चाँदी, पितळ, भाठा अर काठ की मूरत्या क जखी नइ तो बोल सकै ह नइ देख सकै ह, नइ चाल सकै अर नइ सुण सकै बानै धोकबो कोनी छोड्या।

भेजेड़ा चेला का काम 10:12

बिपै धरती का च्यार टांगा हाळा अर रिंगबाळा ज्यानबर अर आसमान का पंछी हा।