रोमीयो 1:16 - जीवन को च्यानणो (सेकावाटी नया नियम की पोथ्या)

¹⁶ म मसी का चोखा समचारऊँ कोनी सरमाऊँ क्युं क जखो बी बिस्वास करै बिकै छुटकारा ताँई ओ समचार पेली यहूदि मिनखा ताँई अर पाछै यूनानी मिनखा ताँई बी परमेसर की सक्‍ति ह।

रोमीयो 1:16 Referans Kwoze

मरकुस 8:38

ईसु बाऊँ बोल्यो, “जखो बी इ कुकरमी अर सचा परमेसरनै कोनी ध्यार बाळी पिडी मऊँ, मेरूँ अर मेरा बचनाऊँ मुंडो फेरसी जणा मिनख को बेटो बी जद बो पबितर ईस्बर नगरी दुता क सागै अर आपका परम-पिता की मेमा म आसी बो बी बा मिनखाऊँ मुंडो फेर लेसी।”

2 तिमूतियूस 1:8

जणा तू आपणा परबु अर मेरी गुवाई देबा ताँई, म जखो मसी ताँई केद म हूँ नाड़ निची मना करजे। पण अंय्यां करबा की बजाय परमेसर जखी ताकत तनै दि ह बिनै मेरै सागै चोखा समचार ताँई दुख उठाबा म लगा।

1 पतरस 4:16

पण ज थे मसी होबा की बजेऊँ दुख उठाओ हो जणा थानै सरमिंदा होबा की जुर्त कोनी, पण थानै इ बजेऊँ परमेसर की मेमा करबो चाए।

2 तिमूतियूस 1:12

अर इ बजेऊँई म अ सगळा दुख उठाऊँ हूँ। पण म इ ताँई सरमिंदा कोनी, क्युं क म जाणू हूँ क, मेरो बिस्वास किमै ह, अर म इ बात ताँई पक्को हूँ क, जोक्यु बो मनै सूप्यो ह बिनै मसी क ओज्यु आबाळा दिन ताँई बचाबा को बळबूतो राखै ह।

लूका 9:26

जखो बी, मिनखा क सामै मनै अर मेरा बचनानै मानबाऊँ सरम करसी, जणा मिनख को बेटो बी बाऊँ नातो राखबो आपकी बेजती मानसी जद बो पबितर ईस्बर नगरी दुता, आपका परम-पिता अर खुदकी मेमा म आसी।

2 कुरन्थीयो 4:4

अर इ दुनिया को ईस्बर जखो सेतान ह बो बा मिनखा की मत मार राखी ह जखा बिस्वास कोनी करीं। जिऊँ बे चोखा समचार का मेमाभर्या उजाळानै कोनी देख सकीं अर मसी जखो परमेसर को रूप ह बिकी मेमा का समचारनै कोनी समजीं।

1 कुरन्थीयो 2:4

मेरो बोलबो, अर हेलो पाड़बो मिनख की बुदी गेल बडा-बडा बोलऊँ कोनी हो पण पबितर आत्मा की सक्‍ति का पुक्‍ता सबूत म हो,

1 कुरन्थीयो 2:2

क्युं क जद थारै सागै हो जणा म ध्यारली ही क म ईसु मसी अर सुळी प बिकाळी मोत क सिवाय क्युंई कोनी जाणू।

रोमीयो 10:17

सुणबाऊँ बिस्वास उपजै ह अर सुणबो खाली मसी का बचनऊँई होवै।

इबरानीआ 4:12

क्युं क परमेसर को बचन जिंदो अर काम करबाळो ह। बो दोधारी तलवारऊँ बी बेत्ती पेनो ह। परमेसर को बचन आत्मा, पिराण, जोड़ अर गुली म जार बानै न्यारो-न्यारो कर सकै ह। अर ओ हिया का बिचारानै अर मनस्यानै बिचासै ह।

1 कुरन्थीयो 15:2

ज मेरै जरिए सुणाईड़ा समचार प थे मजबूतीऊँ चालो जणा परमेसर थानै बचासी। ज थे अंय्यां कोनी करस्यो जणा मसी म थारो बिस्वास करबो बेकार ह।

गलातियो 1:7

पण मसी का चोखा समचारनै छोडर दुसरो समचार तो आथई कोनी, पण क्युंक मिनख थानै भंगरार्या हीं अर मसी का चोखा समचार म हेर-फेर करबो चावीं हीं।

रोमीयो 2:9

बुराई का गेला प चालबाळा दुख संकट भोगसी, आ बात पेली यहूदि मिनखा प अर सागै की सागै यूनानी मिनखा प बी लागू होवै ह।

भेजेड़ा चेला का काम 3:26

अर परमेसर आपका दास ईसुनै टाळर बिनै सऊँ पेली थारै कनै भेज्यो। जिऊँ बो थानै थारा कुगेलाऊँ न्यारो कर आसिरबाद दे सकै।”

1 थिसलूनिकी 2:13

म्हें इ ताँई बी थारै ताँई परमेसर को धनेवाद करता कोनी रूकां, क जद म्हें थानै परमेसर को चोखो समचार सुणायो हो जणा थे इनै मिनखा कानि को कोनी जाण्या पण परमेसर को जा'णर इनै मान्या अर सच बी ओई ह, इ बजेऊँ परमेसर थारै म जखा बिस्वास करो हो काम करै ह।

1 तिमूतियूस 1:11

आ खरी सीख धने परम-परधान परमेसर की लिला का बि चोखा समचार क गेल ह जखो मनै दिओ गयो ह।

2 कुरन्थीयो 9:13

थारी इ सेवा की बजेऊँ बे परमेसरनै मेमा देसी। क्युं क बा ताँई अर सगळा बिस्वासी ताँई थारो खुला हियाऊँ दान करबो ओ साबित करै ह क थे मसी का चोखा समचार प चालबाळा हो।

2 कुरन्थीयो 2:12

जद म मसी का चोखा समचार को परचार करबा तरोआस गयो हो जणा मेरै ताँई परबु गेलो खोल दिओ।

1 कुरन्थीयो 9:18

जणा मनै क्याको फळ मिलसी? इ बात को क, चोखा समचार सुणाबा को काम सितमित करूं। बिना मेरा हक को दावो कर्या चोखा समचारनै सुणाबा को काम एक सोभाग ह।

1 कुरन्थीयो 9:12

जद दुसरा मिनखनै आ चिजा म पाँती लेबा की अजादि ह जणा के म्हानै बाऊँ बेत्ती कोनी ह? पण म्हें थार प हक कोनी जताया, जदकी म्हें सक्यु भोग्या जिऊँ मसी का चोखा समचारनै कोई अड़चल नइ आवै।

रोमीयो 15:29

अर म जाणू हूँ क जद म थारै कनै आस्युं जणा मेरै सागै मसी का खूब आसिरबाद बी ल्यास्युं।

रोमीयो 15:19

अचरज, सक्‍तिसाली सेलाणी अर परमेसर की पबितर आत्मा की सक्‍तिऊँ मेरै जरिए पूरी कर्यो। जिऊँ म यरूसलेमऊँ लेर इलेरीकुम क च्यारूमेर मसी का चोखा समचार को हेलो पाड़बा को काम पूरो कर्यो।

2 तिमूतियूस 1:16

परबु उनेसिफुरूस क कूणबा प दया करै, क्युं क बो बोळीबर मनै सारो दिओ ह अर मेरै केद होबा की बजेऊँ बी सरमिंदा कोनी होयो।

रोमीयो 4:11

इकै पाछै धारमिक्‍ता की छाप क रूप म एक सेलाण की जंय्यां बो सुन्नत करवाई। ओ बिस्वास बो जद दरसायो हो जि टेम का बिकी सुन्नत कोनी होई ही। जणा बो बा सगळा को बाप ह जखा बिना सुन्नतहाळा हीं पण बिस्वास करीं हीं। जिऊँ गैर-यहूदि बी धरमी गिण्या जावै।

यहून्ना 7:35

जणा यहूदि अधिकारी आपसरी म बोलबा लाग्या, “ओ कठै जाबा की करै ह जिऊँ आपा इनै ढुंढ कोनी सकां? के ओ यूनानी नगर्या म जासी जठै आपणा मिनख रेह्‍वै ह, अर यूनानीयानै सीखासी?