रोमीयो 1:14 - जीवन को च्यानणो (सेकावाटी नया नियम की पोथ्या)

¹⁴ के यूनानी, के कुजात, के मूरख, के बुदीमान म तो आ सगळानै चोखो समचार सुणाबा ताँई जिमेदार हूँ।

रोमीयो 1:14 Referans Kwoze

कलुसीयो 3:11

अर इब कोई यूनानी अर यहूदि, सुन्नत हाळो अर बिना सुन्नत हाळो, बिना लोतर का, कुजात, गुलाम अर अजाद म कोई अंतर कोनी ह पण मसी सक्यु अर सगळा म ह।

भेजेड़ा चेला का काम 9:15

पण परबु बिनै बोल्यो, “तू तो जा! क्युं क म इनै गैर-यहूदि, राजा-म्हराजा अर इजरायली मिनखा म मेरो नाम फेलाबा ताँई मेरो दास कर टाळ्यो हूँ।

भेजेड़ा चेला का काम 22:21

जणा बो मेरूँ बोल्यो, ‘जणा जा म तनै दूर-दूर ताँई गैर-यहूदि मिनखा क कनै भेजस्युं।’”

रोमीयो 12:16

आपसर्या म एक चित रेह्ओ घमंड मना करो पण दीन हीन की सोबत करो। अर खुदनै अंय्यां मना जाणो क खाली मई बुदीमान हूँ।

2 कुरन्थीयो 11:19

थे स्याणा हो इ ताँई राजी-राजी बावळा की बाता सेल्यो।

रोमीयो 16:19

हुकमानै मानबा की थारी चरचा, च्यारूमेर होरी ह। इ ताँई म थारूँ खुस हूँ पण म चाऊँ हूँ क थे भलाई ताँई स्याणा बणो अर बुराई ताँई अणभोळ।

रोमीयो 13:8

आपसी प्यार-परेम क अलावा कोईको करजो खुद प मना राख। क्युं क एक दुसराऊँ परेम करबाळो नेम-कायदानै पूरो करै ह।

रोमीयो 8:12

जणा पाछै मेरा लाडला बिस्वास्यो, आपणा प इ काया को कोई एसान कोनी जिऊँ आपा इकै गेलई जीवां।

रोमीयो 1:22

बे बोलीं हीं क बे स्याणा हीं, पण बे तो मूरख हीं।

तितूस 3:3

क्युं क मसीनै मानबाऊँ पेली आपा बी बेबुदी का, खयो नइ मानबाळा, भटकेड़ा अर हरतर्या की मो-माया का गुलाम हा। आपणो जीवन बुराई अर बळोकड़ा पुणाऊँ भरेड़ो हो। अर आपा एक दुसराऊँ नफरत करता हा।

2 तिमूतियूस 2:10

जणाई म टाळेड़ा मिनखा ताँई सक्यु भोगज्याऊँ हूँ जिऊँ बे बि जीवननै जखो मसी ईसु म ह, अर बिकै सागै जुग-जुग की मेमानै लीं।

2 कुरन्थीयो 10:12

क्युं क म्हें बा मिनखा की जंय्यां कोनी जखा खुदकी बडाई खुदई करीं हीं। बे खुदकी एक दुसराऊँ बराबरी करीं हीं अर अंय्यां कर बे खुदई बावळा खुवावीं हीं।

1 कुरन्थीयो 14:16

क्युं क ज तू आत्माऊँ धनेवाद देवै जणा बठै खड़्या अबिस्वासी मिनख कंय्यां खेसी क अंय्यांई होवै, क्युं क बे कोनी जाणी की तू काँई खेर्यो ह?

1 कुरन्थीयो 14:11

पण ज म कोई बोली को मतबल कोनी जाणू जणा म बि बोली बोलबाळा ताँई परदेसी हूँ अर बे मेरै ताँई परदेसी ह।

1 कुरन्थीयो 3:18

थे खुदनै धोको मना द्‍यो। अर ज कोई मिनख ओ सोचतो हो की बो इ दुनियादारी म ज्ञानी ह जणा इऊँ चोखो ओ ह क बो बेबुदी को बण्यो रेह्‍वै जिऊँ बो ज्ञानी बण सकै।

1 कुरन्थीयो 2:13

जणा म्हें मिनखा की बुदीऊँ सीखाया गेल कोनी बोलां पण पबितर आत्मा क सीखाया गेल बोलां हां। जंय्यां की म्हें आत्मिक सचनै जाकै कनै पबितर आत्मा ह बानै बतावां हां।

रोमीयो 11:25

मेरा लाडला बिस्वास्यो! म थानै इ लुखेड़ा सचऊँ अणजाण कोनी राखबो चाऊँ, क थे खुदनै घणा चतर नइ समजबा लागो। क्युं क इजरायल का मिनखा को ढिटपुणो सदाई कोनी बण्यो रेह्सी। ओ तो जद ताँई ह जद ताँई गैर-यहूदि मिनखा मऊँ जत्ता टाळेड़ा हीं, बे सगळा परमेसर कनै नइ आज्यावै।

भेजेड़ा चेला का काम 28:4

अर जद बठै का रेह्बाळा बिका हात प बि साँपनै लटक्या देख्या जणा आपसरी म बतळाबा लाग्या, “पक्कोई ओ हत्यारो ह जणाई तो ओ समदरऊँ तो बच निकळ्यो पण न्याय इनै जीबा कोनी देर्यो।”

भेजेड़ा चेला का काम 28:2

बठै का रेह्बाळा म्हारै सागै चोखो बरताव कर्या, क्युं क मी बरस्बा की बजेऊँ ठंड ही, जणा बे म्हारै ताँई बास्ते बाळी अर म्हारी आवभगत करी।

लूका 10:21

बि घड़ी ईसु पबितर आत्माऊँ भर'र राजी होर बोल्यो, “ओ परम-पिता ईस्बर नगरी अर धरती का मालिक म तेरो गुणगान करूं की तू आ बातानै ज्ञानीद्यान्याऊँ लखोर राखी अर गुठा छाप प आका भेदानै खोल्या। क्युं क ओ थारी नजर्या म चोखो हो।

मत्ती 11:25

बठैई ईसु बोल्यो “ओ परम-पिता ईस्बर नगरी अर धरती का मालिक म तेरो गुणगान करूं की तू आ बातानै ज्ञान्याऊँ अर स्याणाऊँ लखोर राखी अर गुठा छाप प आका भेदानै खोल्या।