दरसाव 9:17 - जीवन को च्यानणो (सेकावाटी नया नियम की पोथ्या)

¹⁷ मनै बि दरसाव म बे घोड़ा अर बापै जखा सुवार हा बे दिखबा म आया, बाकी झिलम आग की जंय्यां लाल, तिजाब की जंय्यां पिळी अर गाडी निली ही। अर बाका घोड़ा का सीर नार की जंय्यां हा। अर बाका मुंडाऊँ आग, धुँआ अर तिजाब निकळरी ही।

दरसाव 9:17 Referans Kwoze

दरसाव 9:18

बाकै मुंडाऊँ जखी आग, धुँआ अर तिजाब निकळरी ही बिऊँ हुकम नइ मानबाळा एक तिहाई मिनख मार्या गया।

दरसाव 21:8

पण डरपोक, परमेसर म बिस्वास नइ करबाळा, भरस्ट, हत्यारा, कुकरमी, जादू-टोणा करबाळा, मूरती धोकबाळा अर झूठा मिनखानै तिजाब हाळा नरक का भबकती आग का कूंड म गेर्यो जासी। आई दुसरी मोत ह।”

दरसाव 14:10

जणा बो परमेसर का परकोप की अँगूरी जखी बाकी झाळ हाळा प्याला म घाली गई ह, बिनै पिसी अर पबितर ईस्बर नगरी दुता क सामै अर उन्या क सामै आग अर तिजाब की पिड़ा भोगसी।

दरसाव 19:20

पण बि खुखार ज्यानबरनै अर झूठा परमेसर की खेबाळानै जखो बिकै कानिऊँ सेलाणी-चमत्कार दिखाया करतो हो बानै केद कर लिओ गयो। ओ बोई झूठो खेबाळो ह जखो आपकी सेलाणीऊँ बा मिनखानै भंगरायो हो जखा बि खुखार ज्यानबर का आंक लिआ हा अर बिकी मूरतीनै धोक्या हा। अर बि खुखार ज्यानबर अर झूठा परमेसर की खेबाळानै तिजाब हाळी नरक का भबकता आग का कूंड म जिंदोई गेर दिओ गयो।

दरसाव 20:10

अर बि सेताननै जखो बानै भंगरातो हो बि तिजाब हाळा नरक का भबकता आग का कूंड म जिकै मांयनै बि खुखार ज्यानबर अर झूठा परमेसर की खेबाळानै गेर्यो गयो हो बिकै मांयनै गेर दिओ ज्यासी। अर बानै सदा-सदाई दिन-रात बिकै मांयनै तड़पायो जासी।

दरसाव 11:5

ज कोई बाको नास करबो चावै जणा बाका मुंडाऊँ आग निकळसी अर बानै बाळ गेरसी। इ ताँई ज कोई बाको बुरो करबा की सोचसी बानै पक्काई मोत भोगणी पड़सी।

दरसाव 9:9

बे झिलम पेर राखी ही जखी लौ की झिलम सी लागरी ही, अर बाका पांखड़ाऊँ आबाळी उवाज अंय्यां लागरी जंय्यां लड़ाई म भागबाळा घोड़ा अर रथाऊँ आवै।

दरसाव 21:20

पाचवो गोमेदऊँ, छठो माणकऊँ, सातुओ पीत मणिऊँ, आठूओ पेरोजऊँ, नोवो पुखराजऊँ, दसवो लहसनियाऊँ, ग्यारवो धूमरकांतऊँ अर बारवो चंदरकांत मणिऊँ बणेड़ो हो।