दरसाव 8:3 - जीवन को च्यानणो (सेकावाटी नया नियम की पोथ्या)

³ बिकै पाछै एक ओर ईस्बर नगरी दुत सोना को धूपदान लेर आयो अर बेदी कनै खड़्यो होगो। बिनै परमेसर का मिनखा की अरदास क सागै सोना की बेदी प जखो सिंघासन क सामै ही, चढाबा ताँई बोळीसारकी धूप दि गई ही।

दरसाव 8:3 Referans Kwoze

दरसाव 5:8

अर जद बो बि कागदनै ले लिओ जणा बे च्यारू जीवता पराणी अर बे चोबिस बडका बि उन्या क धोक खाई। बा सगळा क कनै विणा ही अर बे सुगंद देबाळी चिजाऊँ भरेड़ा सोना का प्याला ले राख्या हा, अ परमेसर का मिनखा की अरदासनै दिखावै ह।

दरसाव 8:4

अर ईस्बर नगरी दुता क हाताऊँ धूप को धुँओ बा परमेसर का मिनखा की अरदास क सागै परमेसर कनै गयो।

लूका 1:10

धूप जळाबा क टेम सगळा मिनखा की टोळी भेळी होर बारनै अरदास कर'री ही।

दरसाव 9:13

इकै पाछै छठो ईस्बर नगरी दुत आपकी तूताड़ी फूंकी। जणा म परमेसर क सामै सोना की बेदी का च्यारू कूणाऊँ उवाज आती सुणी।

इबरानीआ 9:4

इ भाग म सोना की धूप जळाबाळी बेदी जिपै सुगंद देबाळी चिजा चढाई जाती ही, सोनाऊँ मंढेड़ो करार को बक्सो अर इ बक्सा क मांयनै सोनाऊँ बणेड़ो बरतन हो जिकै मांयनै मन्ना हो, हारुण की कुपळ फूटेड़ी लाठी अर करार मांडेड़ा भाठा बी हा।

इबरानीआ 7:25

अर बिकै जरिए जखो बी परमेसर क कनै जावै ह, बाको बो पूरो-पूरो छुटकारो कर सकै ह। क्युं क बो बाकै ताँई अरदास करबा ताँई सदाई जिंदो ह।

रोमीयो 8:34

कूण ह जखो आपणा प दोस लगासी? क्युं क मसी ईसु आपणा ताँई मर्यो अर आई नइ, बो मरेड़ा मऊँ ओज्यु जियो जखो इब परमेसर क दाया हात कानि बेठ्यो ह अर आपणा ताँई बिचोली करै ह।

दरसाव 7:2

अर म एक ओर ईस्बर नगरी दुतनै अगुणी दिसाऊँ उपर आतो देख्यो, बो जीवता परमेसर की म्होर ले राखी ही। बो बा च्यारू दुतानै जानै धरती अर समदर को नास करबा को हक दिओ गयो हो बाऊँ जोरऊँ बोल्यो,

दरसाव 6:9

बिकै पाछै बो उन्यो पाचवी म्होर की चेपी खोली, जणा म बेदी क तळै बा मिनखा की आत्मा देखी जानै परमेसर का चोखा समचार अर गुवाई देबा की बजेऊँ मार दिओ गयो हो।

दरसाव 10:1

इकै पाछै, म ईस्बर नगरीऊँ एक ताकतबर ईस्बर नगरी दुतनै तळै उतरता देख्यो। बिकै च्यारूमेर बादळ हा। बिकै सीर क कनै मेघ धनुस हो। बिको मुंडो सूरज की जंय्यां चमकर्यो हो अर बिका पग आग का खम्बा की जंय्यां हा।

दरसाव 8:5

ईस्बर नगरी दुत धूपदान म बेदीऊँ आग लेर धरती प फेक दि, जणा बादळा की गरजबा की उवाज बिजळी की कड़कड़ाट अर बिको पळको अर भूचाळ आयो।

दरसाव 14:18

जदई एक ओर ईस्बर नगरी दुत जिनै आग प अधिकार हो, बेदीऊँ निकळ्यो, अर जिकै कनै पेनो हसियो हो, बिनै जोरऊँ हेलो देर बोल्यो, “तेरा पेना हसियाऊँ धरती की बैलऊँ अँगूरा का गुछा काट ले क्युं क इका अँगूर पकगा हीं।”