दरसाव 7:2 - जीवन को च्यानणो (सेकावाटी नया नियम की पोथ्या)

² अर म एक ओर ईस्बर नगरी दुतनै अगुणी दिसाऊँ उपर आतो देख्यो, बो जीवता परमेसर की म्होर ले राखी ही। बो बा च्यारू दुतानै जानै धरती अर समदर को नास करबा को हक दिओ गयो हो बाऊँ जोरऊँ बोल्यो,

दरसाव 7:2 Referans Kwoze

इफिसुस 4:30

परमेसर की पबितर आत्मा को निरादर मना करो क्युं क छुडाबाळा दिन ताँई आ पबितर आत्मा थारै ताँई बिकी जामनी ह, की बो थानै छुड़ासी।

2 कुरन्थीयो 1:22

बो आपकी छाप आपणा प लगाई ह, बो आपणा हिया म पबितर आत्मा दिनी ह। आ इ बात की जामनी ह क बो बे सगळा आसिरबाद आपानै देसी जानै देबा ताँई बो करार कर्यो ह।

दरसाव 9:4

बानै ओडायो गयो क धरती की घास अर हर्या बोजानै अर दरख्तानै नास मना करज्यो। पण बा मिनखा को नास करज्यो जाकै माथा प परमेसर की म्होर कोनी ह।

2 तिमूतियूस 2:19

पण परमेसर की पक्की निम हालै कोनी, जिपै आ छाप लागरी ह, “परबु खुदका मिनखानै जाणै ह,” अर, “जखो कोई परबु को नाम लेवै ह बिनै चाए क बो बुरा करमाऊँ बच्यो रेह्‍वै।”

इफिसुस 1:13

अर जद थे बिका सचा बचननै सुण्याक जखो थारा छुटकारा को चोखो समचार ह थे बी परमेसर का मिनख बणग्या, थे मसी प बिस्वास कर्या अर परमेसर थानै पबितर आत्मा जिकै ताँई बो करार कर्यो हो देर थार प मालकाना छाप लगादि।

दरसाव 5:2

इकै पाछै म एक सक्‍तिसाली ईस्बर नगरी दुतनै देख्यो जखो जोरऊँ हेलो पाड़र्यो हो क, “इकी चेपीनै तोड़र इ कागदनै खोलबा जोगो कूण ह?”

यहून्ना 6:27

रोट्या ताँई मेनत मना करो क्युं क बे तो बुसज्यावै, पण अजर-अमर जीवन देबाळी रोटी ताँई मेनत करो। आ बा रोटी ह जखी मिनख को बेटो थानै देसी, क्युं क परम-पिता परमेसर बिनै ओ अधिकार दिओ ह।”

दरसाव 1:3

भागहाळो ह जखो परमेसर क कानिऊँ आएड़ा इ समचारनै बाचै अर भागहाळा हीं बे जखा इ पोथी म मांडेड़ी बातानै सुणै अर मानै क्युं क बो टेम सांकड़ैई ह जद अ बाता पूरी होसी।

दरसाव 10:4

अर जद सात बर गरजन गुंजी जणा म मांडबा ताँई त्यार होयो, पण म ईस्बर नगरीऊँ हेलो सुण्यो, “जखी बाता बा गरजनऊँ गुंजी ह बानै ओला म राख बानै मना मांड।”

दरसाव 10:1

इकै पाछै, म ईस्बर नगरीऊँ एक ताकतबर ईस्बर नगरी दुतनै तळै उतरता देख्यो। बिकै च्यारूमेर बादळ हा। बिकै सीर क कनै मेघ धनुस हो। बिको मुंडो सूरज की जंय्यां चमकर्यो हो अर बिका पग आग का खम्बा की जंय्यां हा।

दरसाव 8:3

बिकै पाछै एक ओर ईस्बर नगरी दुत सोना को धूपदान लेर आयो अर बेदी कनै खड़्यो होगो। बिनै परमेसर का मिनखा की अरदास क सागै सोना की बेदी प जखो सिंघासन क सामै ही, चढाबा ताँई बोळीसारकी धूप दि गई ही।

इबरानीआ 12:22

पण थे तो सिओन डूँगर, जीवता परमेसर की नगरी, अर ईस्बर नगरी का यरूसलेम कनै आग्या हो। थे तो हझारो-हझारो ईस्बर नगरी दुता की राजी करबाळी बिस्वासी मंडळी कनै आग्या हो,

1 थिसलूनिकी 1:9

क्युं क बठै का मिनख खुदई बतावै ह क कंय्यां म्हें थारै कनै आया अर कंय्यां थे मूरत्यानै छोडर जीवता अर सचा परमेसर की सेवा करबा ताँई मुड़्या।

मत्ती 26:63

पण ईसु चुपचालोई रिह्यो। जणा ओज्यु म्हायाजक बिऊँ बोल्यो, “म थानै जीवता परमेसर की सोगन देऊँ हूँ, म्हानै बता तू परमेसर को बेटो मसी ह के?”

मत्ती 16:16

समोन पतरस बोल्यो, “थे सऊँ सक्‍तिसाली अर जीवता परमेसर का बेटा मसी हो।”

दरसाव 9:14

बा उवाज बी छठा ईस्बर नगरी दुतनै बोलरी ही जखो तूताड़ी ले राखी ही, “बा फरात म्हानदि क कनै भंदेड़ा च्यारू दुतानै छोडदे।”

दरसाव 16:12

छठो ईस्बर नगरी दुत आपको प्यालो बडोड़ी नदि फरात प उंदका दिओ, जिऊँ बिको पाणी सूकग्यो। अर बिको पाणी सूकबाऊँ अगुणी दिसा का देसा का राजा ताँई गेलो बणगो।