दरसाव 7:10 - जीवन को च्यानणो (सेकावाटी नया नियम की पोथ्या)

¹⁰ अर बे हेलो पाड़र्या हा, “छुटकारा ताँई परमेसर जखो सिंघासन प बिराजै ह, बाकी अर उन्या की, जे-जैकार हो।”

दरसाव 7:10 Referans Kwoze

दरसाव 19:1

इकै पाछै मनै ईस्बर नगरी म बोळासारा मिनखा को एकसागै हेलो सुण्यो, बे जोरऊँ बोलर्या हा, “हालेलुया! परमेसर की जे हो, जे हो! क्युं क छुटकारो, सक्‍ति अर मेमा बेई देवै ह।

दरसाव 12:10

इकै पाछै मनै ईस्बर नगरीऊँ जोरको हेलो सुण्यो, “इब म्हारा परमेसर को छुटकारो, सक्‍ति, अर बिको राज अर मसी को अधिकार परगट होयो ह। क्युं क म्हारा भाईड़ा प दोस लगाबाळो, जखो रात-दिन म्हारा परमेसर क सामै बापै दोस लगाया करतो हो, बिनै तळै फेक दिओ गयो ह।

दरसाव 22:3

बठै कोईबी सराप कोनी होसी। परमेसर अर उन्या को सिंघासन बि नगरी म होसी, अर बिका दास बिकी भगती करसी।

इफिसुस 2:8

क्युं क आ परमेसर की दयाई ह क थे बिपै बिस्वास कर्या जणा थानै बचा लिओ गयो। अर ओ थारा करमा की बजेऊँ कोनी पण परमेसर का दान की बजेऊँ होयो ह। जिऊँ इकै बारां म कोई फांप कोनी मार सकै।

यहून्ना 1:29

आगलै दिन ईसुनै आप कानि आतो देखर यहून्ना बोल्यो, “देखो, ओ परमेसर को उन्यो ह, जखो जगत का मिनखा का पाप ताँई बलिदान होसी।

दरसाव 21:5

जणा जखो सिंघासन प बेठ्यो हो बो बोल्यो, “देखो, म सक्यु नयो बणार्यो हूँ।” बो ओज्यु बोल्यो, “इनै मांडले क्युं क अ बचन बिस्वास जोगा अर सचा हीं।”

लूका 3:6

अर सगळा मिनख परमेसर का छुटकारा का कामनै देखसी।’”

दरसाव 5:7

बो सिंघासन क कनै आयो अर जखो बिपै बेठ्यो हो बिकै दाया हातऊँ बो कागद ले लिओ।

दरसाव 4:6

अर बि सिंघासन क सामै सिसा की जंय्यां दिखबाळो समदर हो। अर बि समदर क बिचमै अर सिंघासन क च्यारूमेर च्यार जीवता पराणी हा बाकै आगै-पिछै आँख्याई आँख्या ही।

यहून्ना 4:22

थे सामरी सचमई कोनी जाणो, क थे किकी भगती करो हो। पण म्हें यहूदि जाणा हा क, म्हें किकी भगती करां हां। क्युं क छुटकारो यहूदि मिनखा मऊँ आवै ह।

यहून्ना 1:36

अर बो ईसुनै बठिकी जातो देखर बोल्यो, “देखो, परमेसर को उन्यो जार्यो ह।”