दरसाव 6:8 - जीवन को च्यानणो (सेकावाटी नया नियम की पोथ्या)

⁸ अर म एक हळका पिळा रंग को घोड़ो देख्यो। बिका सुवार को नाम मोत हो। बिकै गेल-गेल पताळ हो। धरती को एक चोथाई भाग बाकै बस म दिओ गयो हो क बे तलवारऊँ, काळऊँ, मरीऊँ अर धरती का जंगली जानबराऊँ मिनखानै मरवावै।

दरसाव 6:8 Referans Kwoze

दरसाव 1:18

म बोई हूँ जिकनै जीवन ह। म पेली मरगो हो पण इब सदा-सदा ताँई जिंदो हूँ, मोत अर पताळ की ताळ्या मेरै कनै ह।

दरसाव 9:18

बाकै मुंडाऊँ जखी आग, धुँआ अर तिजाब निकळरी ही बिऊँ हुकम नइ मानबाळा एक तिहाई मिनख मार्या गया।

दरसाव 9:15

जणा बे च्यारू दुत छोड दिआ गया, जानै परमेसर बि घड़ी, बि दिन, बि म्हेना अर बि बरस ताँई त्यार करमाल्या जिऊँ बे आपका सिपायानै ताकत देवै अर बे हुकम नइ मानबाळा एक तिहाई मिनखानै मार गेरै।

1 कुरन्थीयो 15:55

“हे मोत तेरी जीत कठै ह? अर तेरो डंक कठै ह?”

मत्ती 11:23

अर कफरनूम म रेह्बाळो थे के राजी होवो हो, की ईस्बर नगरी जास्यो? पण थानै तो सिदो नरक म पटक्यो जासी। क्युं क थारै मांयनै जखा चमत्कार कर्या गया हा बे सदोम नगरी म कर्या जाता जणा बा नगरी आज ताँई भसी रेह्ती।

दरसाव 12:4

बो आपकी पूंछऊँ सपाटो मार'र आसमानऊँ एक तिहाई तारानै धरती प फेक दिओ। अर बो बी लूगाई क सामै जखी टाबर जलम्बाळी ह खड़्यो होगो जिऊँ जद बा टाबर जलमै जणा बो बि टाबरनै निगळज्या।

मत्ती 24:7

मिनख-मिनख प अर राज-राज प चढाई करसी। अर हर कठैई भूचाळ आसी अर काळ पड़सी।