दरसाव 6:12 - जीवन को च्यानणो (सेकावाटी नया नियम की पोथ्या)

¹² बिकै पाछै बो उन्यो छठी म्होर की चेपी खोली, जणा बठै एक जोरको भूचाळ आयो , जिऊँ सूरज तूवा की जंय्यां काळो अर चाँद लोय की जंय्यां लाल होगो।

दरसाव 6:12 Referans Kwoze

मत्ती 24:29

“बा दिना म, बि कळेस क पाछै सूरज उजाळानै खो देसी अर चाँद बी कोनी चमकसी। अर अकास मऊँ तारा बी तळै पड़ मरसी। अर अकास की सक्‍तिया हलाई जासी जिऊँ बे आपकी झघा छोड देसी।

दरसाव 16:18

जणा बिजळी कड़कर चमकबा लागी, बादळ गरजबा लाग्या अर जोरको भूचाळ आयो। अंय्यां को भूचाळ इऊँ पेल्या धरती प कदैई कोनी आयो। ओ भूचाळ बोळो भेंकर हो।

दरसाव 11:13

बि टेम क एक जोरको भूचाळ आसी अर नगरी को दसवो भाग नास होज्यासी। अर बी भूचाळऊँ सात हझार मिनख मरज्यासी, अर बाकी मिनख डरज्यासी अर ईस्बर नगरी का परमेसर की मेमा करसी।

दरसाव 8:5

ईस्बर नगरी दुत धूपदान म बेदीऊँ आग लेर धरती प फेक दि, जणा बादळा की गरजबा की उवाज बिजळी की कड़कड़ाट अर बिको पळको अर भूचाळ आयो।

मत्ती 24:7

मिनख-मिनख प अर राज-राज प चढाई करसी। अर हर कठैई भूचाळ आसी अर काळ पड़सी।

मरकुस 15:33

दोपारा बारा बजताई सगळा देस क मांयनै अँधेरो छायो अर करीब तीन बजै ताँई अँधकार छायो रिह्यो।

मत्ती 28:2

अर चाणचुकई एक जोरको भूचाळ आयो अर बि टेमई ईस्बर नगरी दुत धरती प आयो बो कबर प जार बिका मुंडापै लागेड़ा भाठानै हटार बिपै बेठगो।

मत्ती 27:54

रोमी सेना को सुबेदार अर ईसु क पेरो देबाळा मिनख भूचाळ अर जखो बठै घट्यो हो बिनै देखर डरग्या। अर खया, “ओ सचमई परमेसर को बेटो हो।”

मत्ती 27:45

दोपारा बारा बजेऊँ लेर तीन बजै ताँई सगळा देस म अँधेरो छायो रिह्यो।

मत्ती 11:21

“खुराजीन अर बेतसदा म रेह्बाळा मिनखा प हाय ह अत्ता-अत्ता ताजूब का काम आ नगर्या म कर्या गया, ज अ काम सूर अर सैदा नगर्या म कर्या जाता जणा बठै का मिनख बोरी का गाबा पेर'र खुद प राख बुरकार, कदकाई दिखा देता क बे पापऊँ तौबा कर लिआ हीं।

दरसाव 8:12

जद चोथो ईस्बर नगरी दुत जंय्यांई तूताड़ी फूंकी जणा एक तिहाई सूरज, चाँद अर तारा प विपदा आई। अर बाको एक तिहाई भाग काळो होगो जिकी बजेऊँ एक तिहाई दिन अर रात म अँधेरो छागो।

दरसाव 16:8

चोथो ईस्बर नगरी दुत आपको प्यालो सूरज प उंदका दिओ, अर मिनखानै गरमीऊँ बाळबा ताँई सूरजनै सक्‍ति दे दि।