दरसाव 6:10 - जीवन को च्यानणो (सेकावाटी नया नियम की पोथ्या)

¹⁰ बे जोर-जोरऊँ हेलो पाड़र्या हा, “ओ पबितर अर सचा परबु, थे कद न्याय करस्यो? इ धरती का मिनखा को न्याय अर जखा म्हानै मार्या हा बानै कद सजा देस्यो?”

दरसाव 6:10 Referans Kwoze

दरसाव 19:2

बाको न्याय सदाई सचो ह, क्युं क बे बि बेस्या को न्याय कर्या हीं, जखी धरती का मिनखानै कुकरम करवाती, अर बानै बिगाड़ती ही, अर बो बिऊँ आपका दासा का लोय को बदलो लिओ ह।”

दरसाव 11:18

देस-देस का मिनख झाळ्या म भर्या पड़्या हा। थे झाळ्या भर्या , पण इब थारो न्याय करबा को टेम आगो, जिऊँ मरेड़ा को न्याय कर्यो जावै। अर तेरा मिनखा को, थारी खेबाळा को अर बाको जखा थारा नाम को डर मान्या करता हा बदलो लिओ जावै। बानै फळ दिओ जावै अर जखा धरतीनै खराब कर्या हीं बाको नास कर्यो जावै।”

रोमीयो 12:19

मेरा लाडलो, खुद बदलो मना ल्यो पण इनै परमेसर की झाळपै छोड द्‍यो क्युं क पबितर सास्तर म मंडेड़ो ह, “परबु बोल्यो बदलो लेबा को काम मेरो ह, मई बदलो चुकास्युं।

दरसाव 3:7

“फिलीदिलफिआ की बिस्वासी मंडळी का मुखियानै मांड। अ बाता बिकै कानिऊँ ह जखो पबितर अर सचो ह अर जिकै कनै दाऊद राजा की नगरी की ताळी ह। अर बो जि दरूजानै खोलै ह बिनै कोईबी कोनी जुड़ सकै अर जिनै बो जुड़ै ह बिनै कोईबी खोल कोनी सकै।

लूका 21:22

क्युं क बा ताँई बे दिन सजा भोगबा का होसी, जिऊँ पबितर सास्तर म मंडेड़ा सगळा आंक पूरा कर्या जासी।

दरसाव 18:20

हे ईस्बर नगरी, हे परमेसर का मिनखो, भेजेड़ा चेला अर परमेसर की खेबाळो राजी होओ, क्युं क परमेसर बिको न्याय कर थारो बदलो लिओ ह।”

दरसाव 18:24

परमेसर की खेबाळा को, अर बिका मिनखा को अर बा सगळा मिनखा को जानै इ धरती प बलि चढायो गयो हो, बाको लोय इ नगरी क माथै ह।”

दरसाव 3:10

क्युं क तू मेरा हुकमानै थ्यावस क सागै सक्यु सेण करतो होयो मान्यो ह। इ ताँई जद इ जगत का मिनखानै परखबा ताँई जखो कळेस आबाळो ह बि घड़ी म, म तनै बचास्युं।

इबरानीआ 12:24

अर नया करार का बिचोलिआ ईसु कनै आग्या हो अर छिड़कबाळा लोय क कनै आग्या हो जखो हाबिल का लोयऊँ बी चोखा बचन बोलै ह।

लूका 2:29

“परबु थे थारा कह्यानै पूरो कर्या हो इब थारो दास सुक-स्यांतीऊँ मर सकै ह।

2 पतरस 2:1

बि टेम का बी मिनखा म झूठा परमेसर की खेबाळा हा जंय्यां क आज थारै मांयनै झूठी सीख देबाळा हीं। बे नास करबाळा अर ओलैछानै पाखंड करसी, बे बि मालिक बेई नटसी जखो बानै मोल लिओ हो, अंय्यां बे तावळाई खुदको नास कर लेसी।