Biblia Todo Logo
Bib sou entènèt

- Piblisite -




दरसाव 5:9 - जीवन को च्यानणो (सेकावाटी नया नियम की पोथ्या)

9 बे एक नयो गीत गार्या हा, “तूई, इ कागदनै अर इपै लगाईड़ी म्होरा की चेपीनै, खोलबा जोगो ह, क्युं क तू बलि होयो, थारा लोयऊँ, सगळा कूणबा का मिनखानै, सगळी बोली बोलबाळानै, देस-देस का मिनखानै परमेसर ताँई मोल लिआ हो।

Gade chapit la Kopi




दरसाव 5:9
41 Referans Kwoze  

पण ज आपा च्यानणा म चालां जंय्यांकी बो च्यानणा म चालै ह, जणा आपा बिस्वासी होबा क नातै एक दुसराको सागो देस्यां, अर परमेसर का बेटा ईसु को लोय आपानै आपणा सगळा पापऊँ सुद कर देसी।


क्युं क इ कचोळा की अँगूरी मेरा लोय को नयो करार ह। ओ लोय बोळा मिनखानै पापऊँ माफ करबा ताँई बहायो ज्यासी।


इकै पाछै म एक ओर ईस्बर नगरी दुतनै आसमान क बिचमै उडता देख्यो। बिकन धरती प रेह्बाळा सगळा कूणबा का मिनखा, सगळा देसा, सगळी बोली बोलबाळा अर सगळा कुल का मिनखानै सुणाबा ताँई जुग-जुग ताँई को चोखो समचार हो।


क्युं क परमेसर थारी किमत चुकार थानै मोल लिआ ह। इ ताँई थे थारी कायाऊँ परमेसर की मेमा कर्या करो।


बे जोर-जोरऊँ हेलो पाड़र्या हा, “जखो उन्यो बलि चढायो गयो हो, बो मेमा, मान, धनेवाद, बळबूतो, सक्‍ति, बुदी अर धन पाबा जोगो ह।”


“ओ म्हारा परबु अर म्हारा परमेसर, थेई मेमा, ईज्जत अर ताकत जोगा हो। क्युं क थेई सगळी चिजानै रच्या हो, थारीई इंछ्याऊँ अ सगळी चिजा रची गई ह, अर जीवै ह।”


जणा इब थे बिस्वासी मंडळी का रूखाळा हो आ जिमेदारी थानै पबितर आत्मा सूपी ह। बा लल्ड्या का रेवड़ा का गुवाळ्या बणो, जिनै परमेसर आपका बेटा का लोयऊँ मोल लिओ ह।


थे मिनख का बेटा की जंय्यां बणो जखो सेवा-पाणी कराबा ताँई कोनी आयो। पण सेवा-पाणी करबा अर बोळासारा मिनखानै छुटाबा ताँई आपका पिराण देबा आयो ह।”


इकै पाछै म एक उन्यानै देख्यो जखो सिंघासन, च्यारू जीवता पराण्या अर बा बडका क बिचमै खड़्यो हो। बो अंय्यां लागर्यो हो जंय्यां क बिकी बलि चढाई गई हो। बिकै सात सींग अर सात आँख ही अ परमेसर की सात आत्मा ही जानै सगळी धरती प भेज्यो गयो हो।


बो आपणा ताँई खुदकी ज्यान दे दिनी। जिऊँ बो आपानै सगळा पापऊँ बचावै अर आपानै सुद कर खुद ताँई अंय्यां का मिनख बणावै जखा भला काम करबा ताँई उतावळा रेह्‍वै।


बि टेम का बी मिनखा म झूठा परमेसर की खेबाळा हा जंय्यां क आज थारै मांयनै झूठी सीख देबाळा हीं। बे नास करबाळा अर ओलैछानै पाखंड करसी, बे बि मालिक बेई नटसी जखो बानै मोल लिओ हो, अंय्यां बे तावळाई खुदको नास कर लेसी।


बिका बेटा की बजेऊँ आपणानै छुटकारो मिल्यो ह मतबल आपणा पाप की माफी।


ईसु मसी की खुदकी मरजीऊँ बिका लोयऊँई आपणो छुटकारो होयो ह अर पापऊँ माफी मिली ह। आ परमेसर की बोळी बडी दया ह,


बो आपणो मेळमिलाप परमेसरऊँ कराबा ताँई खुदनै एक बलिदान क रूप म दे दिओ। बो आपणा सगळा पाप धोवै ह , बो आपणाई नइ पण सगळा जगत का मिनखा का पाप धोवै ह।


परबु थारो मोल देर थानै मोल लिआ ह। इ ताँई मिनखा का गुलाम मना बणो।


जखा मिनखा को नाम बि उन्या की जीवन हाळी पोथी म कोनी मांडेड़ो बे सगळा मिनख इ डरावना जानबरनै धोकसी। ओ उन्यो जखो इ सरस्टि की सरूआतऊँई बलि होबा ताँई ते कर्यो गयो हो।


धरती का सगळा देसा का मिनखा मऊँ, सगळी बोली बोलबाळा मऊँ अर सगळा कूणबा का मिनखा मऊँ क्युंक मिनख बाकी लासनै साडे तीन दिना ताँई देखसी पण बे बाकी लासनै कबर म कोनी धरबा देसी।


अर जखा अंय्यां की बाता करीं हीं बे दिखावीं हीं क बे अंय्यां का देस की आस म ह जखो बाको खुदको ह।


ओ जणाई हो सकै ह जद थे बिस्वास म एक झघा अर अटल बण्या रह्यो अर जि चोखा समचारनै थे सुण्या हो बिऊँ मिलेड़ी बि आसनै मना तजो। ओ बोई चोखो समचार ह जिको म पोलुस गुलाम बण्यो हूँ अर इकी इ जगत का सगळा मिनखानै सीख दिनी गई ह।


भजन-किरतन अर आत्मिक गीत का सब्दाऊँ एक दुसराऊँ बतळाता रिह्यो। अर थारा सगळा हियाऊँ परबु का भजन-किरतन करता रिह्या करो।


जणा मेरूँ बोल्यो गयो, “तनै परमेसर को समचार सगळा देसानै, सगळा राजानै, सगळी बोली बोलबाळा मिनखानै सुणाणो ह।”


बिनै ओ अधिकार दिओ गयो क बो परमेसर का मिनखाऊँ लड़र जीतै। अर बिनै धरती का सगळा कूणबा प, मिनखा प, सगळी बोली बोलबाळा प, अर सगळा देसा प अधिकार दिओ गयो हो।


बे मिनख परमेसर का दास मूसा अर उन्या का गीत गावा हा, “परबु परमेसर थे सऊँ सक्‍तिसाली हो। थारा काम बडा अर ताजूबभर्या हीं। ओ जुग-जुग का राजा। थारो गेलो सचो अर धारमिक ह।


बो ईस्बर नगरी दुत मेरूँ ओज्यु बोल्यो, “तू जखी नद्‍या देखी ही जाकै किनारै बा सऊँ बडी बेस्या बेठी ही, बे नद्‍या सगळा कूणबा का मिनखानै, सगळी बोली बोलबाळानै, देस-देस का मिनखानै, सगळा देसानै दिखावै ह।


Swiv nou:

Piblisite


Piblisite