दरसाव 3:4 - जीवन को च्यानणो (सेकावाटी नया नियम की पोथ्या)

⁴ क्युंबी हो सरदिस, तेरै मांयनै क्युंक मिनख ह जखा खुदका गाबानै मेला कोनी होबा दिआ। बे धोळा गाबा पेर'र मेरै सागै-सागै डोला-फिरी करसी क्युं क बे इ जोगा हीं।

दरसाव 3:4 Referans Kwoze

दरसाव 7:9

इकै पाछै म देख्यो क मेरै सामै मिनखा की बोळी बडी भीड़ ही जिनै कोईबी कोनी गिण सकतो हो, बि भीड़ म सगळा कूणबा का मिनख, देस, बोली, अर हर दिसावर का मिनख हा , जखा बि सिंघासन अर उन्या क सामै खड़्या हा। बे धोळा गाबा पेरमाल्या हा अर हाता म खजूर की डाळ्यां ले राख्या हा।

दरसाव 3:5

जखो जीतै ह बो बाकी जंय्यां ह जखा धोळा गाबा पेरै ह। म जीवन की पोथी मऊँ बिको नाम कोनी बुझाणू, पण बिका नामनै परम-पिता अर ईस्बर नगरी दुता क सामै परगट करस्युं क बो मेरो ह।

दरसाव 6:11

बा सगळानै धोळा चोळा पिराया गया हा अर ओडायो गयो हो क, “क्युंक घड़ी ओर उडिको जद ताँई क थारा साती-संगी अर थारा भाईड़ा की गिणती पूरी नइ होज्यावै जानै बंय्यांई मार्यो जासी जंय्यां थानै मार्यो गयो हो।”

दरसाव 19:14

धोळा घोड़ा प सवार होर परमेसर की सेना बिकै गेल-गेल होरी ह, बे बडिया, साप अर धोळा गाबा पेरमाल्या हा।

दरसाव 4:4

बि सिंघासन क च्यारूमेर चोबिस सिंघासन ओर हा, बाकै उपर चोबिस बडका बेठ्या हा। बे धोळा गाबा पेर राख्या हा अर बाका माथा प सोना का ताज हा।

दरसाव 3:18

इ ताँई म तनै सला देऊँ हूँ क, तू मेरूँ आगऊँ तपाईड़ो सोनो मोल लेले जिऊँ तू पिसाळो होज्यावै। अर पेरबा ताँई मेरूँ धोळा गाबा बी मोल लेले, जिऊँ तेरो सरमिंदगी भर्यो नंगोपुणो ढक ज्यावै। अर तेरी आँख्या म घालबा ताँई सूरमो लेले जिऊँ तनै सुजबा लागज्या।

दरसाव 19:8

बडिया, उजळो अर साप मलमल, बिनै पेरबानै दिओ गयो ह।” ओ मलमल परमेसर का मिनखा का धरम का कामानै दिखावै।

यहूदा 1:23

थे आगै बढर बा मिनखानै बचाल्यो जखा बचबो चावीं हीं। बानै बंय्यां बचाल्यो जंय्यां थे कोईनै लायऊँ बचाया हो। बापै परबु को डर मानर दया करो। पण बाका बा गाबाऊँ जापै बाकी बुरा करमा की गंदगी लागरी ह नफरत करो, मतबल बाका पाप भर्या करमाऊँ नफरत करो।

लूका 21:36

इ ताँई सदाई चेता म रेह्ओ अर सदाई अरदास करता रेह्ओ जिऊँ थे सगळी होबाळी बाताऊँ बच सको अर मिनख का बेटा क सामै खड़्या हो सको।”

मरकुस 16:5

बे बेगीसी कबर क मांयनै जार देखी क एक मोट्यार धोळा गाबा पेर्या दाया नाकै बेठ्यो हो अर बे बिनै देखर उकचुक होगी।

लूका 20:35

पण बे मिनख जखा मरेड़ा मऊँ ओज्यु जी उठबा क जोगा हीं आबाळा जुग म बाकी ब्या सादि कोनी होसी।

मत्ती 10:11

थे जद बी कोई नगरी नहिस गाँव म जाओ जणा पेल्या बेरो करज्यो क बठै गत को मिनख कूण ह। अर जद ताँई थे बठैऊँ नइ जाओ बाकै सागैई रेहज्यो।

दरसाव 11:13

बि टेम क एक जोरको भूचाळ आसी अर नगरी को दसवो भाग नास होज्यासी। अर बी भूचाळऊँ सात हझार मिनख मरज्यासी, अर बाकी मिनख डरज्यासी अर ईस्बर नगरी का परमेसर की मेमा करसी।

2 थिसलूनिकी 1:5

अ सगळी बाता परमेसर क सचा न्याय को साप सबूत ह। अ बाता थानै परमेसर का राज का जोगा बणावै, जि परमेसर का राज ताँई थे दुख बी भोगर्या हो।

भेजेड़ा चेला का काम 1:15

जणा पाछै बा दिना म पतरस बा बिस्वासी भाई-भाणा म खड़्यो होर बोल्यो जखा गिणत-माणत का एक सो बिस हा,

दरसाव 1:11

अर बि उवाज म अंय्यां हेलो आर्यो हो क, “तू जोक्यु बि देखर्यो ह बिनै एक पोथी म मांडतो जा अर बिकै पाछै आ बातानै इफिसुस, स्मुरना, परगमुम, थुआतिरा, सरदिस, फिलीदिलफिआ अर लोदिकीया की सात्यु बिस्वासी मंडळ्यानै भेज दिजे।”

दरसाव 14:4

अ बे मिनख हा जखा कदैई लूगाई क सागै सोर खुदनै असुद कोनी कर्या। क्युं क अ मिनख हाल ताँई कुंआरा हा। अर जठैबी उन्यो जातो अ बिकै गेल होलेता। आनै परमेसर क सामै पेला फळ क रूप म चढाबा ताँई दुनिया का मिनखा मऊँ मोल लिओ गयो ह।