दरसाव 3:21 - जीवन को च्यानणो (सेकावाटी नया नियम की पोथ्या)

²¹ जखो जीतै ह, बिनै म मेरै दाया नाकै मेरा सिंघासन प बिठास्युं। जंय्यां म जित्यो अर मेरा परम-पिता क सागै बिका सिंघासन प बेठ्यो।

दरसाव 3:21 Referans Kwoze

2 तिमूतियूस 2:12

ज आपा थ्यावस क सागै दुख भोगस्यां, जणा आपा बिकै सागै राज बी करस्यां। ज आपा बिऊँ मुंडो फेरां, जणा बो बी आपणाऊँ मुंडो फेरसी।

मत्ती 19:28

ईसु बानै खयो, “म थानै सची-सची खेऊँ हूँ, नया जुग म जद मिनख को बेटो मेमाभर्या सिंघासन प बेठसी जणा थे बी जखा मेरै गेल होलिआ हो बारा सिंघासना प बेठर इजरायल का बारा गोता को न्याय करस्यो।

यहून्ना 16:33

“म अ बाता थारूँ इ ताँई बोल्यो क थानै स्यांती मिलै। जगत म तो थानै दुखई मिल्यो ह पण हिमत राखो म जगतनै जीत लिओ हूँ।”

दरसाव 2:7

जिकै कान ह बे बानै खोल ले क, पबितर आत्मा बिस्वासी मंडळ्याऊँ काँई बोलै ह। जखो बी बुराईऊँ जीतसी म बिनै जीवन का दरख्त को फळ खाबा को हक देस्युँ जखो परमेसर का बाग म ह।

मत्ती 28:18

जणा ईसु बाकन आर खेयो, “ईस्बर नगरी अर धरती को सगळो अधिकार मनै दिओ गयो ह।

लूका 22:30

क्युं क मेरा राज म थे मेरी चोकी प खाई-पी करस्यो अर राजगद्‍या प बेठर इजरायल का बारा गोता को न्याय करस्यो।”

दरसाव 20:4

जणा म क्युंक सिंघासन देख्या बापै क्युंक मिनख बेठ्या हा। बानै न्याय करबा को अधिकार दिओ गयो हो। अर म बा मिनखा की आत्मानै जाका सीर ईसु मसी की गुवाई देबा की बजेऊँ अर परमेसर को बचन सुणाबा की बजेऊँ काट्या गया ह, अर बा मिनखानै जखा बि खुखार ज्यानबर अर बिकी मूरतीनै कोनी धोक्या अर नइ बिका आंकनै आपकै माथा अर हात प लगाया हा देख्यो। बे ओज्यु जिंदा होगा अर एक हझार बरस ताँई मसी क सागै राज कर्या।

दरसाव 1:6

अर आपानै अंय्यां की परजा अर याजक बणाया जखी परमेसर अर परम-पिता की सेवा करै। बिकी मेमा सदाई होवै! अंय्यांई होवै।

दरसाव 12:11

बे उन्या का लोयऊँ अर खुदकी गुवाईऊँ, बिपै जीत हासिल करी। बे आपका पिराणानै बी प्यारा कोनी जाण्या अर मोतनै बी गळै लगा लिआ।

दरसाव 17:14

बे उन्याऊँ लड़सी पण बो उन्यो आपका टाळेड़ा, बुलाईड़ा अर आपकै गेल चालबाळा बिस्वास जोगानै सागै लेर बिनै हरा गेरसी क्युं क बो उन्यो राजाओं को बि राजा अर परबुआ को बी परबु ह।”

दरसाव 7:17

क्युं क जखो उन्यो सिंघासन क बिचमै ह, बो बाको गुवाळ्यो होसी, अर बो बानै जीवन देबाळा पाणी का झरना कनै लेज्यासी। अर परमेसर बाकी आँख्या का सगळा आसु पुछ देसी।”

दरसाव 6:2

म देख्यो क मेरै सामै एक धोळो घोड़ो ह अर बिपै जखो सुवार हो बो तिरख-बाण ले राखी ही। अर बिनै एक ताज पिरायड़ो हो अर बो जीतबाळा की जंय्यां जीतबानै बारनै चलेग्यो।

मत्ती 25:21

बिकी इ बातनै सुणर मालिक खयो, ‘स्याबास तू बिस्वास जोगो अर चोखो दास ह। तू थोड़ा म बिस्वास राख्यो इ ताँई म तनै ओर बोळी चिजा प अधिकार देस्युँ। आर मेरै सागै खुसी मना।’

दरसाव 5:10

तू बानै एक राज अर परमेसर की सेवा करबा ताँई याजक बणायो ह, अर बे धरती प राज करसी।”

दरसाव 20:6

बे मिनख भागहाळा अर पबितर ह जखा पेला मर्या पाछै ओज्यु जिंदा होबा का भागी होसी। आ मिनखा प दुसरी मोत को कोई बस कोनी। पण अ मिनख परमेसर अर मसी का याजक होसी अर बिकै सागै एक हझार बरस ताँई राज करसी।

यहून्ना 13:32

ज परमेसर की मेमा बिकै जरिए होवै। जणा तावळोई परमेसर मिनख का बेटा की मेमा परगट करसी।