दरसाव 3:10 - जीवन को च्यानणो (सेकावाटी नया नियम की पोथ्या)

¹⁰ क्युं क तू मेरा हुकमानै थ्यावस क सागै सक्यु सेण करतो होयो मान्यो ह। इ ताँई जद इ जगत का मिनखानै परखबा ताँई जखो कळेस आबाळो ह बि घड़ी म, म तनै बचास्युं।

दरसाव 3:10 Referans Kwoze

2 पतरस 2:9

अ बाता आ दिखावै ह क परबु, परमेसरनै मानबाळा मिनखानै दुखऊँ बचाबो अर न्यायहाळै दिन ताँई पाप्यानै दुख भोगबा की दसा म राखबो जाणै ह।

दरसाव 14:12

जखा मिनख परमेसर का हुकमानै मानै, अर ईसु प बिस्वास करै ह बानै थ्यावस अर बिस्वास राखबा की जुर्त ह।

दरसाव 2:10

जखा दुख तनै भोगणा ह बाऊँ मना डर। क्युं क सेतान थारै मऊँ कयानै बिचासबा ताँई काळ-कोठड़ी म गेरसी अर थानै बठै दस दिना ताँई सताव भोगणो पड़सी। पण तू बिस्वास जोगो रेह्जे चाए तनै मोतई क्युं नइ आज्यावै। जणा म तनै तेरी जीत क रूप म अजर-अमर जीवन को मुकट देस्युँ।

1 कुरन्थीयो 10:13

अर थे कदै बी अंय्यां कोनी बिचास्या गया। जखो मिनखा क सेह्बाऊँ बारनै हो। अर परमेसर तो बिस्वास जोगो ह बो थानै थारी सक्‍तिऊँ बेत्ती बिचासबा कोनी दे, पण जद थे बिचास्या जाओ हो जणा बो बिचासबा क सागै-सागै थानै बचाव ताँई उपाय बी बतावै ह।

1 पतरस 4:12

ओ मेरा लाडलो, थारो बिचास्यो जाबो लाय प चालबा की जंय्यां ह, पण थे इऊँ ताजूब मना करो क थारै सागै क्युं अनोरो होर्यो ह।

दरसाव 1:9

म यहून्ना थारो बिस्वासी भाई हूँ, म आपणा ईसु मसी म पिड़ा, थ्यावस अर राज म थारो साती हूँ। मनै परमेसर का बचन अर ईसु मसी की गुवाई देबा की बजेऊँ देस निकाळो देर पत्तमुस नाम का टापू प भेज दिओ गयो हो।

मत्ती 6:13

अर थे म्हानै बिचासबा मना द्‍यो पण बुराईऊँ बचाओ।

दरसाव 13:10

“जिनै केद म जाणो ह, बो केद म ज्यासी, जिनै तलवारऊँ मार्यो ज्यासी, बो तलवारऊँ मरसी।” इमई परमेसर का मिनखानै थ्यावस अर बिस्वास राखबा की जुर्त ह।

इफिसुस 6:13

इ ताँई परमेसर का सगळा हतियार बांदल्यो जिऊँ जद बुरा दिन आसी जणा दुस्मन का वारा को सामो कर सको, अर आखीर ताँई लड़्या पाछै बी मैदान म डट्या रेह सको।

दरसाव 8:13

जणा म आसमान म एक बाजनै उडता देख्यो अर बो जोरकी उवाज म बोलर्यो हो, “इबी तो तीन ईस्बर नगरी दुता को तूताड़ी फूंकबो बाकी ह इ ताँई धरती प रेह्बाळा मिनखा प हाय! हाय! हाय!”

दरसाव 6:10

बे जोर-जोरऊँ हेलो पाड़र्या हा, “ओ पबितर अर सचा परबु, थे कद न्याय करस्यो? इ धरती का मिनखा को न्याय अर जखा म्हानै मार्या हा बानै कद सजा देस्यो?”

दरसाव 17:8

जि खुखार ज्यानबरनै तू देख्यो ह, बो पेली हो इब कोनी पण बो जिंदो होर पताळऊँ ओज्यु आसी अर बिको नास होज्यासी। अर धरती प रेह्बाळा बे मिनख जाका नाम जुगादऊँई जीवन की पोथी म कोनी मांडेड़ा बे इ खुखार ज्यानबरनै देखर ताजूब करसी, क्युं क ओ पेला जिंदो हो पण इब कोनी पण बो आबाळो ह।

दरसाव 13:14

पेलड़ा डरावना जानबर का अधिकारऊँ बो चमत्कार दिखातो हो। अंय्यां कर बो धरती का परमेसर प बिस्वास नइ करबाळा मिनखानै भंगरा दिओ जिऊँ बानै ओ बिस्वास होज्यावै क बानै पेलड़ा डरावना जानबरनै धोकणो चाए। बो मिनखानै पेलड़ा डरावना जानबर की मूरती बणाबा ताँई बोल्यो जिकै तलवारऊँ घाव होयो अर बो हाल जीवै हो। जिऊँ बिनै मान मिलै।

दरसाव 13:8

जखा मिनखा को नाम बि उन्या की जीवन हाळी पोथी म कोनी मांडेड़ो बे सगळा मिनख इ डरावना जानबरनै धोकसी। ओ उन्यो जखो इ सरस्टि की सरूआतऊँई बलि होबा ताँई ते कर्यो गयो हो।

मत्ती 26:41

थे जागता रेह्ओ अर अरदास करो जिऊँ थे बिचास्या नइ जाओ। आत्मा तो चावै ह पण आ काया माड़ी ह।”

मत्ती 24:14

परमेसर का राज का चोखा समचार को हेलो पूरा जगत म पाड़्यो ज्यासी। जिऊँ जगत का सगळा मिनख परमेसर को बचन सुणै। जणा पाछै जार इ धरती को अंत होसी।

रोमीयो 1:8

सऊँ पेली म थारै सगळा ताँई ईसु मसी म परमेसर को धनेवाद देऊँ हूँ, क्युं क सगळी दुनिया म थारा बिस्वास क बारां म बतायो जार्यो ह।

दरसाव 11:10

जद धरती का परमेसर को कह्यो नइ मानबाळा मिनख बाकी मोत प राजी होर त्युंहार मनासी। बे एक दुसरानै भेंट भेजसी, क्युं क बे दोनू परमेसर की खेबाळा धरती का परमेसर का कह्या नइ मानबाळा मिनखानै सताया अर बापै विपदा ल्याया हा।

मरकुस 14:9

म थानै सची खेऊँ हूँ सगळा जगत म जठै बी चोखो समचार परचार कर्यो ज्यासी, बठै इ लूगाईनै अर इका कामनै याद कर्यो ज्यासी।”

लूका 2:1

बा दिना राजा अगस्तुस ओ आदेस बटवायो क सगळा रोमी राज का मिनखा को नाम दरज कर्यो जावै।

याकूब 3:12

मेरा लाडला बिस्वास्यो, अंजीर का दरख्त क जेतून अर अँगूर की बेल क अंजीर लाग सकै ह के? कदैई कोनी लागै अर नइ खारो पाणी निकळबाळा कूंडऊँ मिठो पाणी निकळ सकै ह।

यहून्ना 17:6

इ जगत का मिनखा मऊँ जखा मिनख थे मनै दिआ, बानै म थारा नाम की सक्‍ति को ज्ञान करवायो। बे सगळा थाराई मिनख हा। थे बानै मनै दिआ अर बे तेरा खयानै मान्या।

2 तिमूतियूस 2:12

ज आपा थ्यावस क सागै दुख भोगस्यां, जणा आपा बिकै सागै राज बी करस्यां। ज आपा बिऊँ मुंडो फेरां, जणा बो बी आपणाऊँ मुंडो फेरसी।

दरसाव 3:8

म तेरा करमानै जाणू हूँ। म तेरै सामै एक दरूजो खोल्यो हूँ जिनै कोईबी कोनी जुड़ सकै। म जाणू हूँ क तेरै कनै थोड़ीई ताकत ह पण तू मेरा हुकमानै मान्यो ह, अर मेरो नाम लेबो कोनी छोड्यो।

दरसाव 14:6

इकै पाछै म एक ओर ईस्बर नगरी दुतनै आसमान क बिचमै उडता देख्यो। बिकन धरती प रेह्बाळा सगळा कूणबा का मिनखा, सगळा देसा, सगळी बोली बोलबाळा अर सगळा कुल का मिनखानै सुणाबा ताँई जुग-जुग ताँई को चोखो समचार हो।

दरसाव 16:14

अ सेतानी ओपरी बलाय ही आकै मांयनै चमत्कार करबा की सक्‍ति ही। अ सगळा जगत का राजानै भेळा करबा ताँई चाल पड़ी जिऊँ अ सऊँ सक्‍तिसाली परमेसर का न्याय का दिन लड़ाई लड़ै।

दरसाव 17:2

बिकै सागै धरती का राजा कुकरम कर्या, अर धरती प रेह्बाळा बिकी कुकरम की अँगूरीऊँ मतवाळा होगा हा।”