दरसाव 3:1 - जीवन को च्यानणो (सेकावाटी नया नियम की पोथ्या)

¹ “सरदिस की बिस्वासी मंडळी का मुखियानै मांड। अ बाता बिकै कानिऊँ ह जिकै कनै परमेसर की सात आत्मा अर सात तारा हीं। म थारा करमानै जाणू हूँ। थे जिंदा तो बाजो हो पण हो मरेड़ा।

दरसाव 3:1 Referans Kwoze

1 तिमूतियूस 5:6

पण जखी खालीहोइड़ी लूगाई मोज-मस्ति म पड़गी बा जीता-जी मरगी।

याकूब 2:26

अर जंय्यां काया आत्मा क बिना मरेड़ी ह बंय्यांई बिस्वास करम बिना मरेड़ो ह।

दरसाव 1:4

म यहून्ना, एसिया परदेस की सात्यु बिस्वासी मंडळ्यानै मांडू हूँ , परमेसर जखो ह, हो अर आबाळो ह बिकै कानिऊँ, अर सात्यु आत्मा जखी बिकै सिंघासन क सामै ह बाकै कानिऊँ, अर बिस्वास जोगो गुवा, अर मरेड़ा मऊँ जीबाळो पेलो अर इ धरती का राजा प राज करबाळा ईसु मसी कानिऊँ थार प दया अर सुक-स्यांती होती रेह्‍वै। बो आपणाऊँ परेम करै ह अर आपका लोयऊँ आपानै आपणा पापऊँ सुद करबा ताँई मर्यो ,

कलुसीयो 2:13

मसी प बिस्वास करबाऊँ पेल्या थे थारा पाप की बजेऊँ आत्मा म मरेड़ा अर बिना सुन्नतहाळा हा। पण इब परमेसर थानै मसी क सागै जीवायो अर सगळा पापऊँ आपणानै माफ कर दिओ;

यहूदा 1:12

बिस्वासी मंडळी म जद कदै दावत होवै जणा बि टेम अ मिनख थारै सागै रेह्‍वै, जणा अ गेला का बा खाडा की जंय्यां हीं जखा पत्ताऊँ ढकेड़ा होवै। बिस्वासी मंडळी म रोटी खाती टेम अ आपका बेसरमी भर्या कामा प नइ तो सरमिंदा होवीं अर नइ आनै डर लागै। अ बा गुवाळ्या की जंय्यां हीं जानै लल्ड्याऊँ क्युंई मतबल कोनी, पण बे खुदको पेट भरबो सूल जाणी हीं। जंय्यां रेगीस्तान म बिना पाणी का बादळ भाळऊँ उनै का उनै होता रेह्‍वै ह पण छांटई कोनी गेरै, बंय्यांई अ मिनख बात तो बोळी लामी-लामी करीं हीं पण देबानै आकै कनै क्युंई कोनी। अ बि दरखत की जंय्यां हीं जखो आपकी रुत म बी कोनी फळै अर जिनै उपाड़ दिओ गयो ह। आऊँ क्युंई भलो कोनी होवै।

दरसाव 2:19

म तेरै करमानै, बिस्वासनै, परेमनै, तेरी सेवानै अर तेरा थ्यावसनै जाणू हूँ। अर म आ बी जाणू हूँ क तू इब आ बातानै ओर बी बेत्ती करै ह।

लूका 15:24

क्युं क मेरो छोरो जखो म्हारै कानि को मर्या समान हो, बो पाछो जीयायो ओ गुमगो हो, जखो इब लाध्यो ह।’ अर बे सगळा मिलर खुसी मनाबा लाग्या।

दरसाव 1:16

अर बो आपका दाया हात म सात तारा ले राख्या हा। बिका मुंडाऊँ दोधारी तलवार बारनै निकळरी ही। अर बिकी सकल दोपारी का भळकता सूरज की जंय्यां ही।

इफिसुस 2:5

अर परमेसर का हुकमानै नइ मानबा की बजेऊँ आपा तो आत्मा म मरेड़ा हा। पण मसी क जीबा की बजेऊँ बो आपानै पाप भर्या जीवनऊँ बचार आत्मा म जीवायो। आ परमेसर की दयाई ह जिकी बजेऊँ आपा बचगा।

लूका 15:32

पण इब आपानै राजी होणो अर खुसी मनाबो चाए। क्युं क ओ तेरो भाईड़ो जखो आपणै कानि को मर्यो समान हो पाछो जीयायो ओ गुमगो हो इब लाध्यायो।’”

इफिसुस 2:1

पाप अर परमेसर का हुकमानै नइ मानबा की बजेऊँ थे आत्मिक रूपऊँ मरेड़ा हा।

दरसाव 2:13

म जाणू हूँ क, तू बठै रेह्‍वै ह जठै सेतान को सिंघासन ह। इकै वावजुद बी तू मेरै नाम प सचो बिस्वास करै ह। तेरी नगरी म सेतान को सिंघासन ह जठै मेरा बिस्वास जोगा दास अन्तिपासनै मार्यो गयो जणाबी तू मेर प बिस्वास करबो कोनी छोड्यो।

दरसाव 1:20

बा सात तारा, जिनै तू मेरै दाया हात म देख्यो हो अर बा सात सोना का दिपदाना को भेद ओ ह क बे सात तारा बिस्वासी मंडळ्या का सात ईस्बर नगरी दुतानै दिखावै अर बे सात दिपदान सात बिस्वासी मंडळ्यानै दिखावै ह।

दरसाव 4:5

अर बि सिंघासन पऊँ बिजळी का पळका, बिकी कड़कड़ाट अर बादळा की गरजबा की उवाज आरी ही। अर सिंघासन क सामै सात मसाल चसरी ही जामै लपटा उठरी ही। अ मसाल परमेसर की सात आत्मा ह।

दरसाव 1:11

अर बि उवाज म अंय्यां हेलो आर्यो हो क, “तू जोक्यु बि देखर्यो ह बिनै एक पोथी म मांडतो जा अर बिकै पाछै आ बातानै इफिसुस, स्मुरना, परगमुम, थुआतिरा, सरदिस, फिलीदिलफिआ अर लोदिकीया की सात्यु बिस्वासी मंडळ्यानै भेज दिजे।”

यहून्ना 1:33

म तो बिनै कोनी पिछाण्तो हो। पण परमेसर जखो मनै पाणी को बतिस्मो देबा भेज्यो, बोई मेरूँ बोल्यो, ‘जिपै तू पबितर आत्मानै उतरता अर रूकता देखै, जणा जाण जाजै क पबितर आत्मा को बतिस्मो देबाळो ओई ह।’

यहून्ना 1:16

बिकी दया की भरपुरीऊँ आपानै एक क पाछै एक आसिरबाद मिल्यो ह।

दरसाव 5:6

इकै पाछै म एक उन्यानै देख्यो जखो सिंघासन, च्यारू जीवता पराण्या अर बा बडका क बिचमै खड़्यो हो। बो अंय्यां लागर्यो हो जंय्यां क बिकी बलि चढाई गई हो। बिकै सात सींग अर सात आँख ही अ परमेसर की सात आत्मा ही जानै सगळी धरती प भेज्यो गयो हो।

1 पतरस 1:11

परमेसर की खेबाळा म बाई पबितर आत्मा ही, जखी मसी म ह। आ आत्मा बानै बताई क मसीनै दुख भोगणो पड़सी अर इकै पाछै बिकी मेमा होसी। परमेसर की खेबाळा ओबी जाणबो चाता हा क ओ कद अर कंय्यां होसी।

भेजेड़ा चेला का काम 2:33

परमेसर ईसुनै उठार आपकै दाया हात बिठायो जखी आदर की सऊँ उची झघा ह। अर परम-पिता का करार गेल बिनै पबितर आत्मा मिली अर बि आत्मानै बो आपणै उपर पूर दिओ। जिनै थे इब देखर्या अर सुणर्या हो।

यहून्ना 20:22

आ खेर बे बापै फूंक मारी अर बाऊँ बोल्यो, “पबितर आत्मानै ल्यो।

यहून्ना 3:34

क्युं क जिनै परमेसर भेज्यो ह, बो परमेसर का बोल बोलै ह। क्युं क परमेसर बिनै बेथां पबितर आत्माऊँ भर्यो ह।

दरसाव 2:9

म थारा दुख अर गरीबी क बारां म जाणू हूँ, इकै वावजुद बी थे भर्यापूरा हो। अर जखा खुदनै यहूदि खेवै ह पण बे ह कोनी, म बा मिनखा की बुरी बातानै बी जाणू हूँ जखी थारै बेई बे करै ह, बे सेतान की बिस्वासी मंडळी ह।

दरसाव 2:2

म तेरा कामानै, तेरी मेनतनै अर तेरा थ्यावसनै जाणू हूँ। म ओबी जाणू हूँ क, तू बुरा मिनखानै बरदास कोनी करै अर तू बा मिनखानै जखा खुदनै भेजेड़ा चेला बोलै ह पण बे ह कोनी, तू बानै परख्यो अर बे झूठा निकळ्या।

दरसाव 3:2

इ ताँई चेता म आ, अर इऊँ पेली क जोक्यु नास होबाळो अर बचेड़ो ह बिनै पूरी तर्या मजबूत कर। क्युं क म मेरा परमेसर की नजर्या म तेरा कोईबी कामानै पूरो होता कोनी देख्यो।

दरसाव 3:8

म तेरा करमानै जाणू हूँ। म तेरै सामै एक दरूजो खोल्यो हूँ जिनै कोईबी कोनी जुड़ सकै। म जाणू हूँ क तेरै कनै थोड़ीई ताकत ह पण तू मेरा हुकमानै मान्यो ह, अर मेरो नाम लेबो कोनी छोड्यो।

दरसाव 3:15

म तेरा कामानै जाणू हूँ, अर ओ बी जाणू हूँ क तू नइ तो सीळो अर नइ गरम। म चाऊँ हूँ क, तू आमैऊँ एक तो होतो।