दरसाव 22:7 - जीवन को च्यानणो (सेकावाटी नया नियम की पोथ्या)

⁷ ईसु कह्यो, “सुणो! म तावळोई आऊँ हूँ। भागहाळा ह बे जखा इ पोथी म मांडेड़ा बचनानै जखा आबाळा टेम म पूरा होबाळा हीं बानै मानी हीं।”

दरसाव 22:7 Referans Kwoze

दरसाव 3:11

म तावळोई आबाळो हूँ। इ ताँई जोक्यु बी तेरै कनै ह बिनै थाम्यो राख जिऊँ कोई तेरो अजर-अमर जीवन को मुकट कोनी खोस सकै।

दरसाव 1:3

भागहाळो ह जखो परमेसर क कानिऊँ आएड़ा इ समचारनै बाचै अर भागहाळा हीं बे जखा इ पोथी म मांडेड़ी बातानै सुणै अर मानै क्युं क बो टेम सांकड़ैई ह जद अ बाता पूरी होसी।

दरसाव 22:20

ईसु जखो आ बाता को गुवा ह बो खेवै ह, “हाँ, म तावळोई आऊँ हूँ।” अंय्यांई होवै। ओ परबु ईसु, आ।

दरसाव 22:12

ईसु सगळा मिनखाऊँ बोलै ह, “सुणो, म तावळोई आऊँ हूँ। अर सागै थारा करमा गेल थारै ताँई फळ ल्याऊँ हूँ।

दरसाव 16:15

“चेता म रेह्‍वो, क्युं क म चोर की जंय्यां चाणचुक आऊँ हूँ! भागहाळा हीं बे जखा जागता रेह्‍वै ह, अर आपका गाबानै समाळै ह, जिऊँ बे सरमा नइ मरै।”

दरसाव 1:11

अर बि उवाज म अंय्यां हेलो आर्यो हो क, “तू जोक्यु बि देखर्यो ह बिनै एक पोथी म मांडतो जा अर बिकै पाछै आ बातानै इफिसुस, स्मुरना, परगमुम, थुआतिरा, सरदिस, फिलीदिलफिआ अर लोदिकीया की सात्यु बिस्वासी मंडळ्यानै भेज दिजे।”

दरसाव 2:16

इ ताँई तौबा करो, नहिस म आर बाकै सागै मुंडा की तलवारऊँ लड़स्युं।

दरसाव 3:3

इ ताँई, जि सीखनै थे सुण्या हा बानै याद करो अर तौबा करो अर बि सीख क गेल चालो। अर ज तू अंय्यां कोनी करसी जणा म चोर की जंय्यां चाणचुक तेरै कनै आज्यास्युं अर तनै बेरो कोनी पड़बा देस्युँ।

दरसाव 22:18

इ पोथी की होबाळी बातानै सुणबाळा हरेक मिनखनै म, यहून्ना चेताऊँ हूँ, ज कोई आ बाता म ओर जोड़ै जणा इ पोथी म जखी बिपदा क बारां म बतायो गयो ह बानै परमेसर बिपै ल्यासी।

दरसाव 22:19

अर ज कोई परमेसर की खेबाळा की इ पोथी की बाता मऊँ क्युं घटासी जणा परमेसर इ पोथी म मांडेड़ा जीवन का दरखत अर पबितर नगरी मऊँ बिको फळ खोस लेसी।

दरसाव 22:21

परबु ईसु की दया परमेसर का मिनखा प होती रेह्‍वै। अंय्यांई होवै।