दरसाव 22:5 - जीवन को च्यानणो (सेकावाटी नया नियम की पोथ्या)

⁵ बठै कदैई रात कोनी होसी। अर नइ बठै सूरज अर दिआ का च्यानणा की जुर्त होसी। क्युं क परबु परमेसर आपको च्यानणो बापै राखसी। अर बे बठै सदाई राज करसी।

दरसाव 22:5 Referans Kwoze

दरसाव 20:4

जणा म क्युंक सिंघासन देख्या बापै क्युंक मिनख बेठ्या हा। बानै न्याय करबा को अधिकार दिओ गयो हो। अर म बा मिनखा की आत्मानै जाका सीर ईसु मसी की गुवाई देबा की बजेऊँ अर परमेसर को बचन सुणाबा की बजेऊँ काट्या गया ह, अर बा मिनखानै जखा बि खुखार ज्यानबर अर बिकी मूरतीनै कोनी धोक्या अर नइ बिका आंकनै आपकै माथा अर हात प लगाया हा देख्यो। बे ओज्यु जिंदा होगा अर एक हझार बरस ताँई मसी क सागै राज कर्या।

रोमीयो 5:17

ज बि एक मिनख आदम का पाप की बजेऊँ मोत को राज आयो। जणा परमेसर की दया अर बरदाननै मुकळाईऊँ लेबाळा बि एक मिनख ईसु मसी क जरिए जीवन प ओर बी बेसी राज करसी।

दरसाव 11:15

सातुओ ईस्बर नगरी दुत जद तूताड़ी फूंकी जणा ईस्बर नगरीऊँ जोरको हेलो आयो, “इब इ धरती प परबु अर बिका मसी को राज ह, अर बो जुग-जुग ताँई राज करसी।”

दरसाव 3:21

जखो जीतै ह, बिनै म मेरै दाया नाकै मेरा सिंघासन प बिठास्युं। जंय्यां म जित्यो अर मेरा परम-पिता क सागै बिका सिंघासन प बेठ्यो।

2 तिमूतियूस 2:12

ज आपा थ्यावस क सागै दुख भोगस्यां, जणा आपा बिकै सागै राज बी करस्यां। ज आपा बिऊँ मुंडो फेरां, जणा बो बी आपणाऊँ मुंडो फेरसी।

मत्ती 25:34

जणा बो राजा आपकै दाया कानि खड़्या मिनखाऊँ बोलसी, ‘मेरा परम-पिताऊँ आसिरबाद लियड़ा मिनखो थे आओ अर बा आसिरबादानै लेल्यो जखा इ सरस्टि की सरूआतऊँ थारै ताँई ह।

दरसाव 18:23

तेरै मांयनै दिआ को च्यानणो ओज्यु कदैई कोनी जगमगासी, अर नइ ओज्यु तेरै मांयनै, बिंद बिनणी को हेलो सुणबा म आसी। क्युं क तेरा लेणदेण करबाळा व्यापारी धरती का मुखिया हा। अर तेरा जादू टोणाऊँ, सगळा देसा का मिनखानै भटकायो गयो हो।

मत्ती 25:46

जणा बे मिनख कदैई नइ खतम होबाळी सजा पासी अर धरमी मिनख अजर-अमर जीवन पासी।”

मत्ती 19:28

ईसु बानै खयो, “म थानै सची-सची खेऊँ हूँ, नया जुग म जद मिनख को बेटो मेमाभर्या सिंघासन प बेठसी जणा थे बी जखा मेरै गेल होलिआ हो बारा सिंघासना प बेठर इजरायल का बारा गोता को न्याय करस्यो।

दरसाव 20:6

बे मिनख भागहाळा अर पबितर ह जखा पेला मर्या पाछै ओज्यु जिंदा होबा का भागी होसी। आ मिनखा प दुसरी मोत को कोई बस कोनी। पण अ मिनख परमेसर अर मसी का याजक होसी अर बिकै सागै एक हझार बरस ताँई राज करसी।

दरसाव 21:11

बा परमेसर की मेमाऊँ भरेड़ी ही, बा अंय्यां चमकरी ही जंय्यां की बा सिसा का गेणा पेरमाली हो।