दरसाव 22:19 - जीवन को च्यानणो (सेकावाटी नया नियम की पोथ्या)

¹⁹ अर ज कोई परमेसर की खेबाळा की इ पोथी की बाता मऊँ क्युं घटासी जणा परमेसर इ पोथी म मांडेड़ा जीवन का दरखत अर पबितर नगरी मऊँ बिको फळ खोस लेसी।

दरसाव 22:19 Referans Kwoze

लूका 11:52

सास्तरानै सीखाबाळो हाय ह थार प! थे थारा हात म ज्ञान हाळा घर का ताळा की ताळी तो लेली। पण खुदबी कोनी बड़्या अर नइ दुसरानै बड़बा दिआ।”

दरसाव 22:2

नगरी क गळ्या क बिच मऊँ भेरी ही। इकै दोनू किनारा प जीवन देबाळो दरखत लागर्यो हो। बापै हर म्हेना बारा भात का फळ लागता हा। अर दरखत का पत्ताऊँ सगळा देसा का मिनख निरोगा होता हा।

दरसाव 21:2

म पबितर नगरी नया यरूसलेमनै ईस्बर नगरीऊँ परमेसर क कनैऊँ तळै उतरता देख्यो। बि नगरीनै बंय्यां सजायो गयो हो जंय्यां मानो कोई बनड़ीनै बिका बनड़ा ताँई सजायो जावै ह।

दरसाव 1:3

भागहाळो ह जखो परमेसर क कानिऊँ आएड़ा इ समचारनै बाचै अर भागहाळा हीं बे जखा इ पोथी म मांडेड़ी बातानै सुणै अर मानै क्युं क बो टेम सांकड़ैई ह जद अ बाता पूरी होसी।

दरसाव 22:12

ईसु सगळा मिनखाऊँ बोलै ह, “सुणो, म तावळोई आऊँ हूँ। अर सागै थारा करमा गेल थारै ताँई फळ ल्याऊँ हूँ।

दरसाव 3:12

जखो जीतै ह बिनै म मेरा परमेसर को पबितर तम्मू को खम्बो बणास्युं। अर बिकै पाछै बे कदैई बारनै कोनी जासी। म बिकै उपर मेरा परमेसर को नाम, नई नगरी यरूसलेम जखी परमेसर की ईस्बर नगरीऊँ उतरबाळी ह बिको नाम अर मेरो नयो नाम मांडस्युं।

दरसाव 14:13

जणा ईस्बर नगरीऊँ म ओ हेलो सुण्यो, “इनै मांडले: जखा इबऊँ परबु म मरी हीं बे भागहाळा हीं।” पबितर आत्मा खेवै ह, “हाँ क्युं क बे आपका कामाऊँ अराम पासी, अर बाका काम बाकै सागै ह।”

दरसाव 13:8

जखा मिनखा को नाम बि उन्या की जीवन हाळी पोथी म कोनी मांडेड़ो बे सगळा मिनख इ डरावना जानबरनै धोकसी। ओ उन्यो जखो इ सरस्टि की सरूआतऊँई बलि होबा ताँई ते कर्यो गयो हो।

दरसाव 3:21

जखो जीतै ह, बिनै म मेरै दाया नाकै मेरा सिंघासन प बिठास्युं। जंय्यां म जित्यो अर मेरा परम-पिता क सागै बिका सिंघासन प बेठ्यो।

दरसाव 2:26

जखो जीतै ह अर आखीर ताँई मेरी इंछ्या प चालै ह म बिनै देस-देस का मिनखा प अधिकार देस्युँ।

दरसाव 2:11

जिकै कान ह बे बानै खोल ले क, पबितर आत्मा बिस्वासी मंडळ्याऊँ काँई बोलै ह। जखो बी जीतसी बिनै दुजी मोत कोनी भोगणी पड़सी।”

दरसाव 2:7

जिकै कान ह बे बानै खोल ले क, पबितर आत्मा बिस्वासी मंडळ्याऊँ काँई बोलै ह। जखो बी बुराईऊँ जीतसी म बिनै जीवन का दरख्त को फळ खाबा को हक देस्युँ जखो परमेसर का बाग म ह।

दरसाव 11:2

पण मनदर क बाड़ क बारै की झघानै मना नापजे, क्युं क ओ परमेसरनै नइ ध्यारबाळा मिनखानै ताँई ह। बे बयाळिस म्हेना ताँई पबितर नगरीनै पगाऊँ चिथसी।

दरसाव 21:5

जणा जखो सिंघासन प बेठ्यो हो बो बोल्यो, “देखो, म सक्यु नयो बणार्यो हूँ।” बो ओज्यु बोल्यो, “इनै मांडले क्युं क अ बचन बिस्वास जोगा अर सचा हीं।”

दरसाव 22:7

ईसु कह्यो, “सुणो! म तावळोई आऊँ हूँ। भागहाळा ह बे जखा इ पोथी म मांडेड़ा बचनानै जखा आबाळा टेम म पूरा होबाळा हीं बानै मानी हीं।”