दरसाव 21:8 - जीवन को च्यानणो (सेकावाटी नया नियम की पोथ्या)

⁸ पण डरपोक, परमेसर म बिस्वास नइ करबाळा, भरस्ट, हत्यारा, कुकरमी, जादू-टोणा करबाळा, मूरती धोकबाळा अर झूठा मिनखानै तिजाब हाळा नरक का भबकती आग का कूंड म गेर्यो जासी। आई दुसरी मोत ह।”

दरसाव 21:8 Referans Kwoze

दरसाव 2:11

जिकै कान ह बे बानै खोल ले क, पबितर आत्मा बिस्वासी मंडळ्याऊँ काँई बोलै ह। जखो बी जीतसी बिनै दुजी मोत कोनी भोगणी पड़सी।”

दरसाव 22:15

पण जादू-टोणा करबाळा, हत्यारा, कुकरमी, मूरती धोकबाळा अर बे हरेक जखा झूठनै चावै ह अर बिपै चालै ह बे हड़कायड़ा गंडक की जंय्यां हीं अर बे नगरी क बारनै रेह्सी।

1 यहून्ना 3:15

बे सगळा मिनख जखा खुदका बिस्वासी भाईऊँ नफरत करै ह बे हत्यारा हीं अर थे आ तो जाणोई हो क जखो मिनख हत्यारो ह बिकन अजर-अमर जीवन की आस कोनी।

दरसाव 19:20

पण बि खुखार ज्यानबरनै अर झूठा परमेसर की खेबाळानै जखो बिकै कानिऊँ सेलाणी-चमत्कार दिखाया करतो हो बानै केद कर लिओ गयो। ओ बोई झूठो खेबाळो ह जखो आपकी सेलाणीऊँ बा मिनखानै भंगरायो हो जखा बि खुखार ज्यानबर का आंक लिआ हा अर बिकी मूरतीनै धोक्या हा। अर बि खुखार ज्यानबर अर झूठा परमेसर की खेबाळानै तिजाब हाळी नरक का भबकता आग का कूंड म जिंदोई गेर दिओ गयो।

इबरानीआ 13:4

ब्या सगळा ताँई आदर की बात समजी जाणी चाए। अर ब्याईड़ा लूगाई मोट्यार एक दुसरा बेई पबितर रेह्‍वै, क्युं क परमेसर दुसरा लूगाई मोट्यार क सागै नाजायज समंद राखबाळा अर कुकरमीनै सजा देसी।

1 तिमूतियूस 4:2

अर अ सीख झूठा पाखंडी मिनखा की बजेऊँ फेलसी, जाकी अन्तर-आत्मा मरेड़ी ह।

मत्ती 8:26

जणा ईसु बाऊँ बोल्या, “हे कम बिस्वास राखबाळो! थे अंय्यां क्युं डरो हो?” बिकै पाछै बे भाळनै अर दरिआवनै दकाल्या जिऊँ सक्यु स्यांत होगो।

दरसाव 9:21

अर बे हत्या, जादू-टोणा, कुकरम अर चोरीऊँ तौबा कोनी कर्या।

यहून्ना 8:44

थारो बाप सेतान ह, अर थे बिकी इंछ्या प चालबो चाओ हो। बो तो सरूसई हत्यारो ह अर कदैई सच कानि कोनी रिह्यो क्युं क बिमै सच कोनी। बिको झूठ बोलबाळो सुभाव ह क्युं क बो झूठो अर झूठ को बाप ह,

मत्ती 10:28

“थे बा मिनखाऊँ मना डरो जखा थारी कायानै नास कर सकीं हीं पण थारी आत्मानै नास कोनी कर सकीं। पण परमेसरऊँ डरो जखो थारी आत्मा अर काया दोन्यानै नरक म गेर'र नास कर सकै ह।

1 यहून्ना 2:22

क्युं क झूठो बो ह जखो अंय्यां खेवै ह क, ईसु, मसी कोनी ह। अंय्यां खेबाळो मिनख मसी को बेरी ह। बो बेटा क सागै परम-पितानै बी नकारै ह।

1 यहून्ना 5:10

अर जखो बी मिनख परमेसर का बेटा प बिस्वास करै ह, बो परमेसर की गुवाईनै मानै ह। अर ज कोई परमेसर की खेईड़ी बाता प बिस्वास कोनी करै, बो परमेसरनै झूठो बोलै ह। क्युं क परमेसर आपका बेटा ताँई गुवाई दिनी ह।

दरसाव 2:2

म तेरा कामानै, तेरी मेनतनै अर तेरा थ्यावसनै जाणू हूँ। म ओबी जाणू हूँ क, तू बुरा मिनखानै बरदास कोनी करै अर तू बा मिनखानै जखा खुदनै भेजेड़ा चेला बोलै ह पण बे ह कोनी, तू बानै परख्यो अर बे झूठा निकळ्या।

2 थिसलूनिकी 2:9

पण बिकै नास होबाऊँ पेली बो सेलाणी-चमत्कार अर ताजूब का काम दिखासी क्युं क बिमै सेतान की सक्‍ति होसी।

इबरानीआ 12:24

अर नया करार का बिचोलिआ ईसु कनै आग्या हो अर छिड़कबाळा लोय क कनै आग्या हो जखो हाबिल का लोयऊँ बी चोखा बचन बोलै ह।

तितूस 1:16

बे खेवै ह, क म्हें परमेसरनै जाणा हां, पण बाका करम इ जोगा कोनी। बे सूगला अर बात नइ मानबाळा अर चोखा काम करबा क जोगा कोनी।

दरसाव 9:17

मनै बि दरसाव म बे घोड़ा अर बापै जखा सुवार हा बे दिखबा म आया, बाकी झिलम आग की जंय्यां लाल, तिजाब की जंय्यां पिळी अर गाडी निली ही। अर बाका घोड़ा का सीर नार की जंय्यां हा। अर बाका मुंडाऊँ आग, धुँआ अर तिजाब निकळरी ही।

दरसाव 14:10

जणा बो परमेसर का परकोप की अँगूरी जखी बाकी झाळ हाळा प्याला म घाली गई ह, बिनै पिसी अर पबितर ईस्बर नगरी दुता क सामै अर उन्या क सामै आग अर तिजाब की पिड़ा भोगसी।

दरसाव 21:27

कोई असुद चिज तो बिकै मांयनै बड़ई कोनी सकै, अर नइ बे जखा सूगला अर धोकेबाज हीं, पण बि नगरी म तो बेई बड़ सकै ह जखा को नाम उन्या की जीवन हाळी पोथी म मंडर्या ह।

मत्ती 25:25

इ ताँई म डरगो अर इ धननै लेज्यार जमीन म गाड दिओ। ओ ल्यो थारो धन।’

मरकुस 9:44

[अर बठै को किड़ो मरै कोनी अर बठै की आग बूझै कोनी।]