दरसाव 21:6 - जीवन को च्यानणो (सेकावाटी नया नियम की पोथ्या)

⁶ बो ओज्यु बोल्यो, “सक्यु पूरो होगो। मई अलफा हूँ अर मई ओमेगा हूँ, मई जुगाद हूँ अर मई अंत हूँ। जखो बी तिसायो ह बिनै म सितमित म जीवन का कूंडऊँ पाणी प्यास्युं।

दरसाव 21:6 Referans Kwoze

यहून्ना 4:10

ईसु जुबाब म बोल्यो, “ज तू परमेसर का बरदाननै जाणती अर आबी क, ‘जखो तेरूँ पीबा ताँई पाणी माँगर्यो ह बो कूण ह, जणा तू बिऊँ माँगती अर बो तनै जीवन देबाळो पाणी देतो।’”

दरसाव 7:17

क्युं क जखो उन्यो सिंघासन क बिचमै ह, बो बाको गुवाळ्यो होसी, अर बो बानै जीवन देबाळा पाणी का झरना कनै लेज्यासी। अर परमेसर बाकी आँख्या का सगळा आसु पुछ देसी।”

यहून्ना 4:14

पण ज मेरा दियड़ा पाणी मऊँ कोई पिसी जणा बो ओज्यु कदैई कोनी तिसायो होसी। बि पाणीऊँ जखो म बानै देस्युँ, बिऊँ बे अजर-अमर जीवन ताँई जीवन देबाळा पाणी को झरनो बणज्यासी।”

रोमीयो 8:32

जखो आपका बेटानै बी आपणा सगळा ताँई मरबानै दे दिओ। जणा पाछै बो बिकै सागै आपानै सक्यु क्युं कोनी देसी?

दरसाव 22:17

पबितर आत्मा अर बनड़ी खेवै ह, “आ!” अर जखो इनै सुणै ह बो बी बोलै ह, “आ!” अर जखो तिसायो ह बो अर जखोबी चावै बो इ जीवन का पाणी का फळनै सितमित म लेले।

दरसाव 1:8

परबु परमेसर, जखो ह, जखो हो अर जखो आबाळो ह, जखो सऊँ सक्‍तिसाली ह बो खेवै ह, “मई अलफा अर ओमेगा हूँ।”

रोमीयो 3:24

पण मसी ईसु म जखो छुटकारो ह बिकै जरिए परमेसर की दयाऊँ बे सितमित म धरमी बणाया गया हीं।

दरसाव 22:13

मई अलफा हूँ अर ओमेगा हूँ , म पेलो अर आखरी हूँ, मई जुगाद अर अंत हूँ।

दरसाव 16:17

इकै पाछै सातुओ ईस्बर नगरी दुत आपको प्यालो भाळ प उंदका दिओ, अर मनदर का सिंघासनऊँ जोरको हेलो सुणाई दिओ, “सक्यु पूरो होगो!”

दरसाव 1:17

जद म बिनै देख्यो जणा बिका पगा म मरेड़ा मिनख की जंय्यां पड़गो। अर बो आपको दाइणो हात मेर प धर मेरूँ बोल्यो, “डरै मना। म पेलो अर आखरी हूँ।

1 कुरन्थीयो 2:12

आपानै इ दुनिया की आत्मा कोनी मिली पण परमेसर की भेजेड़ी पबितर आत्मा मिली ह, जिऊँ बा बातानै अरामऊँ जाण सकां जखी परमेसर आपानै खुला हियाऊँ दि ह।

दरसाव 10:6

बो बि परमेसर की जखो ईस्बर नगरी अर धरती, समदरनै अर आकै मांयनै जखी चिजा ह बा सगळ्यानै रच्यो ह बिकी सोगन खार बोल्यो, “इब ओर मोड़ो कोनी होसी।

1 कुरन्थीयो 3:12

ज कोई बि निम प सोना, चाँदी, हिरा-मोती, लकड़ी, घास अर फुसनै काम लेर ईमारत बणावै,

दरसाव 1:11

अर बि उवाज म अंय्यां हेलो आर्यो हो क, “तू जोक्यु बि देखर्यो ह बिनै एक पोथी म मांडतो जा अर बिकै पाछै आ बातानै इफिसुस, स्मुरना, परगमुम, थुआतिरा, सरदिस, फिलीदिलफिआ अर लोदिकीया की सात्यु बिस्वासी मंडळ्यानै भेज दिजे।”

1 कुरन्थीयो 3:21

इ ताँई कोई बी मिनख काँई कर सकै ह इपै गुमान नइ करै क्युं क सक्यु थारोई ह।

1 कुरन्थीयो 3:5

जणा थेई बताओ अपुलोस कूण ह अर पोलुस कूण ह? म्हें तो परमेसर का मामुलीसा सेवक हा जाकी बजेऊँ थे बिस्वास म आया। म्हारै मऊँ हरेक जणो बो काम करै ह जखो परमेसर म्हानै करबा ताँई दिओ ह।

यहून्ना 4:11

बा लूगाई बोली, “स्याणो, पाणी भरबा ताँई थारै कनै क्युंई कोनी, अर ओ कुओ बी बोळो उन्डो ह। जणा पाछै बो जीवन देबाळो पाणी तेरै कनै कठैऊँ आयो?

दरसाव 3:14

“लोदिकीया की बिस्वासी मंडळी का मुखियानै मांड। अ बाता बिकै कानिऊँ ह जखो परमेसर का हरेक वादा की जामनी ह, जखो बिस्वास जोगो, सचो गुवा अर परमेसर की सगळी सरस्टि प राज करबाळो ह।