दरसाव 21:22 - जीवन को च्यानणो (सेकावाटी नया नियम की पोथ्या)

²² नगरी म मनै मनदर दिख्योई कोनी क्युं क सऊँ सक्‍तिसाली परबु परमेसर अर उन्योई बिका मनदर हा।

दरसाव 21:22 Referans Kwoze

यहून्ना 4:23

पण बो टेम आर्यो ह, आर्यो के ह आग्यो, जद भगत आत्माऊँ परम-पिता की सची भगती करसी , जखी भगती बो चावै ह।

दरसाव 1:8

परबु परमेसर, जखो ह, जखो हो अर जखो आबाळो ह, जखो सऊँ सक्‍तिसाली ह बो खेवै ह, “मई अलफा अर ओमेगा हूँ।”

दरसाव 16:7

बिकै पाछै म बेदीऊँ उवाज सुण्यो, “ओ परबु परमेसर थे सऊँ सक्‍तिसाली हो। थारो न्याय सचो अर सई ह।”

दरसाव 5:6

इकै पाछै म एक उन्यानै देख्यो जखो सिंघासन, च्यारू जीवता पराण्या अर बा बडका क बिचमै खड़्यो हो। बो अंय्यां लागर्यो हो जंय्यां क बिकी बलि चढाई गई हो। बिकै सात सींग अर सात आँख ही अ परमेसर की सात आत्मा ही जानै सगळी धरती प भेज्यो गयो हो।

यहून्ना 4:21

ईसु बिऊँ बोल्यो, “स्याणी, मेरो बिस्वास कर, बो टेम आर्यो ह जद मिनख नइ तो परम-पिता की भगती इ डूँगर प अर नइ यरूसलेम म करसी।

दरसाव 15:3

बे मिनख परमेसर का दास मूसा अर उन्या का गीत गावा हा, “परबु परमेसर थे सऊँ सक्‍तिसाली हो। थारा काम बडा अर ताजूबभर्या हीं। ओ जुग-जुग का राजा। थारो गेलो सचो अर धारमिक ह।

दरसाव 11:17

अर बोलबा लाग्या, “सऊँ सक्‍तिसाली परबु परमेसर को म्हें धनेवाद करां हां, जखो पेलाऊँ हो, अर इब बी ह। क्युं क थे थारी म्हान सक्‍तिनै लेर राज करबो चालू कर्या हो।

दरसाव 4:8

बा च्यारू जीवता पराण्या क छ: छ: पंख हा बाकै च्यारूमेर आँख्याई आँख्या ही, अठै ताँई बाकै पांखड़ा क तळै बी आँख्या ही अर बे रात-दिन एकई बात बोलता रेह्ता हा, “‘सऊँ सक्‍तिसाली परबु परमेसर पबितर, पबितर, पबितर ह,’ जखो हो, जखो ह, जखो आबाळो ह।”

कलुसीयो 1:19

क्युं क परमेसर की खुसी आ ही क बिका सगळा का सगळा गुण बिमै बास करै।

यहून्ना 10:30

म अर मेरो परम-पिता एकई हां।”

दरसाव 19:15

पाप्यानै मारबा ताँई बिकै मुंडाऊँ एक पेनी तलवार बारनै निकळरी ही। “बो लौ का लठ का जोर प बापै राज करसी।” सऊँ सक्‍तिसाली परमेसर, जखो बाका पाप की बजेऊँ बुर्यां झाळ्या भर्यो ह बि ताँई बो बानै अंय्यां पिससी जंय्यां अँगूरानै रसकूंड म पिस्योज्यावै ह।

दरसाव 16:14

अ सेतानी ओपरी बलाय ही आकै मांयनै चमत्कार करबा की सक्‍ति ही। अ सगळा जगत का राजानै भेळा करबा ताँई चाल पड़ी जिऊँ अ सऊँ सक्‍तिसाली परमेसर का न्याय का दिन लड़ाई लड़ै।

मत्ती 24:2

ईसु बानै बोल्यो, “थे इ हेलीनै खड़ी देखो हो? म थानै सची बोलुँ हूँ अठै एक भाठो बी कोनी रेह्सी। सगळा भाठा ढा दिआ जासी।”

दरसाव 7:15

जणाई, “अ परमेसर का सिंघासन क सामै खड़्या हीं, अर बिका मनदर म रात-दिन बाकी भगती करता रेह्‍वै ह, इ ताँई जखो सिंघासन प बिराजमान ह, बो बामै बास कर बानै बचासी।

दरसाव 7:17

क्युं क जखो उन्यो सिंघासन क बिचमै ह, बो बाको गुवाळ्यो होसी, अर बो बानै जीवन देबाळा पाणी का झरना कनै लेज्यासी। अर परमेसर बाकी आँख्या का सगळा आसु पुछ देसी।”

दरसाव 14:4

अ बे मिनख हा जखा कदैई लूगाई क सागै सोर खुदनै असुद कोनी कर्या। क्युं क अ मिनख हाल ताँई कुंआरा हा। अर जठैबी उन्यो जातो अ बिकै गेल होलेता। आनै परमेसर क सामै पेला फळ क रूप म चढाबा ताँई दुनिया का मिनखा मऊँ मोल लिओ गयो ह।

यहून्ना 13:32

ज परमेसर की मेमा बिकै जरिए होवै। जणा तावळोई परमेसर मिनख का बेटा की मेमा परगट करसी।