दरसाव 21:21 - जीवन को च्यानणो (सेकावाटी नया नियम की पोथ्या)

²¹ बारा बारना बारा मोत्याऊँ बणेड़ा हा, एक-एक बारनो एक-एक मोतीऊँ बणेड़ो हो। नगरी की गळ्या आरपार दिखबाळा सिसा की जंय्यां का खरा सोनाऊँ बणेड़ी ही।

दरसाव 21:21 Referans Kwoze

दरसाव 21:18

बि नगरी की दिवारनै हिरा मोत्याऊँ अर सिसा की जंय्यां चमकबाळा खरा सोनाऊँ बणायो गयो हो।

दरसाव 17:4

बा लूगाई लाल रंग का बैंगणी गाबा पेरमाली ही। बा हिरा मोत्याऊँ, सोना, चाँद्‍याऊँ खुदको सिंगार करमाली ही। बिकै हात म सोना को प्यालो हो बो प्यालो सूगली बाताऊँ अर कुकरम की चिजाऊँ भरेड़ो हो।

दरसाव 22:2

नगरी क गळ्या क बिच मऊँ भेरी ही। इकै दोनू किनारा प जीवन देबाळो दरखत लागर्यो हो। बापै हर म्हेना बारा भात का फळ लागता हा। अर दरखत का पत्ताऊँ सगळा देसा का मिनख निरोगा होता हा।

दरसाव 18:16

बार घालसी, “ ‘हाय इ सऊँ बडी नगरी प, जखी पेल्या मलमल, बैंगणी, अर सिलक का गाबा पेर्या करती अर सोना, हिरा अर मोत्याऊँ सज्या करती ही।

दरसाव 4:6

अर बि सिंघासन क सामै सिसा की जंय्यां दिखबाळो समदर हो। अर बि समदर क बिचमै अर सिंघासन क च्यारूमेर च्यार जीवता पराणी हा बाकै आगै-पिछै आँख्याई आँख्या ही।

दरसाव 21:15

जखो ईस्बर नगरी दुत मेरूँ बतळार्यो हो बिकन नगरीनै, बिका बारनानै, अर दिवारनै नापबा ताँई सोना की डंडी ही।