दरसाव 20:2 - जीवन को च्यानणो (सेकावाटी नया नियम की पोथ्या)

² बो बि अजगरनै जखो पुराणो साँप, दुस्ट अर सेतान खुवावै ह बिनै पकड़र एक हझार बरस ताँई साँकळऊँ बांद दिओ।

दरसाव 20:2 Referans Kwoze

2 पतरस 2:4

क्युं क परमेसर बा दुतानै जखा पाप कर्या हा बानैई कोनी बकस्यो। अर बानै पताळ क मांयनै अँधेरा कूंड म गेर दिओ, जिऊँ क बे न्यायहाळै दिन ताँई बिकै मांयनै केद रेह्‍वै।

दरसाव 12:9

अर बि बडासारा अजगरनै धरती प फेक दिओ गयो, ओ बोई पुराणो बडो नाग ह जिनै दानव, सेतान बोल्यो गयो ह। ओ सगळा जगत का मिनखानै भंगरावै ह। बो आपका दुता क सागै धरती प फेक दिओ गयो।

यहूदा 1:6

म थानै बा दुता क बारां म बी याद दिलाबो चाऊँ हूँ, जखा आपका अधिकार का पदनै समाळर कोनी राख्या पण बि झघानै छोडर भाग्या जिनै परमेसर बानै रेह्बानै दिओ हो। जणा परमेसर बानै सदा ताँई की आग की भटी म न्यायहाळै दिन ताँई बंद कर दिओ, जिऊँ न्याय क दिन बानै सजा दे।

यहून्ना 12:31

ओ जगत का मिनखा ताँई न्याय को टेम ह, अर इब जगत का राजा सेतान को तक्‍तो पलट्यो जासी।

1 पतरस 5:8

थे चेता म रह्यो अर जागता रह्यो; क्युं क थारो बेरी सेतान धाड़बाळा सेर की जंय्यां इ खोज म रेह्‍वै ह क किनै पाड़ खाऊँ।

इबरानीआ 2:14

क्युं क बा ओलाद मास अर लोय की ही इ ताँई ईसु बी मास अर लोय को बण्यो। जिऊँ बो आपकी मोतऊँ सेताननै नास करै, सेतान जिकनै मारबा की सक्‍ति ही

रोमीयो 16:20

स्यांती देबाळो परमेसर तावळोई सेताननै थारा पगा तळै चिथवा देसी। आपणा परबु ईसु मसी की दया थार प बणी रेह्‍वै।

यहून्ना 16:11

अर बो न्याय क बारां म बतासी क परमेसर इ दुनिया का राजा सेतान को न्याय पेलाऊँ कर दिओ ह।

दरसाव 13:2

म जखा खुखार ज्यानबरनै देख्यो हो बो दिखबा म तो चीता की जंय्यां को हो पण बिका पग रीछ की जंय्यां का अर मुंडो नार की जंय्यां को हो। बो अजगर बिनै आपको सिंघासन आपको सगळो अधिकार, अर सक्‍ति सूप दिनी।

दरसाव 12:17

जणा बो अजगर बि लूगाई प झाळ्या भर्यो, अर बो बि लूगाई का वंसजा प जखा परमेसर का हुकमानै मान्या करता हा अर ईसु मसी की गुवाई देता हा बाऊँ लड़बा ताँई निकळ्यो।

दरसाव 12:15

जणा बो बडोसारो नाग बि लूगाई क गेल आपका मुंडाऊँ नदि की जंय्यां पाणी गेल कर्यो जिऊँ बो पाणी बिनै भुवा लेज्यावै।

दरसाव 12:13

जद बो अजगर देख्यो क, “मनै धरती प फेक दिओ गयो ह,” जणा बो बि लूगाई कानि लपक्यो जखी छोरो जलमी ही।

मरकुस 5:7

अर बार घालतो बोल्यो, “ओ ईसु परमपिता परमेसर का बेटा थारो म्हारो काँई लेणदेण? ज मनै दिन घाल्या तो, थानै परमेसर की सोगन लागै।”

मत्ती 8:29

बे जोरऊँ बोल्या, “हे परमेसर का बेटा, थारो म्हारो काँई लेणदेण? के थे थारा टेमऊँ पेल्याई म्हानै नास करबा आया हो?”

दरसाव 13:4

मिनख बि अजगरनै धोकबा लाग्या क्युं क बो आपको सगळो अधिकार बि खुखार ज्यानबरनै दे दिओ हो। अर बे बि डरावना जानबरनै बी धोकर खेबा लाग्या, “इ जानबर जत्तो सक्‍तिसाली कोई कोनी। अर इऊँ लड़बा की हिमत कोईकी इ कोनी।”

दरसाव 9:11

पताळ को दुत बापै राजा हो, बिको नाम इबरानी भासा म अबदोन अर यूनानी भासा म अपोल्यन ह। आ दोनू नामा को मतबल नास करबो ह।

मत्ती 19:29

अर जखो बी मेरै ताँई आपका घरबार, सागे भाई-भाणा, माँ-बापानै, टाबरानै अर जमीन-जायजादनै तज्यो ह बिनै सो गुणा मिलसी। अर बो अजर-अमर जीवन जिसी।

मरकुस 4:15

जखा बीज गेला क मांयनै पड़्या अ बे लोग ह जखा बचन सुणै ह पण सेतान आर बि बचननै चुरा लेज्यावै ह।

दरसाव 12:3

ईस्बर नगरीऊँ एक ओर सेलाणी परगट होई, मेरै सामै एक लाल रंग को बडोसारो अजगर खड़्यो हो बिकै सात सीर अर दस सींग हा अर बिकै सात सीरां प सात ताज हा।

दरसाव 12:4

बो आपकी पूंछऊँ सपाटो मार'र आसमानऊँ एक तिहाई तारानै धरती प फेक दिओ। अर बो बी लूगाई क सामै जखी टाबर जलम्बाळी ह खड़्यो होगो जिऊँ जद बा टाबर जलमै जणा बो बि टाबरनै निगळज्या।

दरसाव 20:7

पण जद एक हझार बरस पूरा होज्यासी जणा सेताननै केद मऊँ छोड्यो ज्यासी।

दरसाव 20:10

अर बि सेताननै जखो बानै भंगरातो हो बि तिजाब हाळा नरक का भबकता आग का कूंड म जिकै मांयनै बि खुखार ज्यानबर अर झूठा परमेसर की खेबाळानै गेर्यो गयो हो बिकै मांयनै गेर दिओ ज्यासी। अर बानै सदा-सदाई दिन-रात बिकै मांयनै तड़पायो जासी।