दरसाव 20:15 - जीवन को च्यानणो (सेकावाटी नया नियम की पोथ्या)

¹⁵ अर जिको बी नाम जीवन की पोथी म मांडेड़ो कोनी मिल्यो बिनै बी इ आग का कूंड म गेर दिओ गयो।

दरसाव 20:15 Referans Kwoze

यहून्ना 3:36

जखो मिनख परमेसर का बेटा प बिस्वास करै, बिनै अजर-अमर जीवन मिलसी। पण जखो बिकी कोनी मानै, बि ताँई जीवन कोनी अर बो परमेसर की झाळ भोगसी।”

भेजेड़ा चेला का काम 4:12

“ईसु क सिवाय आपानै पापऊँ कोईबी कोनी बचा सकै। अर इ धरती प अंय्यां को दुसरो नाम आथई कोनी जखो मिनखानै बचा सकै। क्युं क परमेसर मिनखानै बचाबा ताँई ईसुनैई भेज्यो ह, अर बोई आपानै बचा सकै ह।”

यहून्ना 14:6

ईसु बिऊँ बोल्यो, “सच, जीवन अर गेलो मई हूँ। मेरै बिना कोई परम-पिता कनै कोनी जा सकै।”

मत्ती 13:50

अर पाप्यानै आग का कूंड म गेर दिओ ज्यासी जठै रोबो अर दांत पिसबो होसी।”

मत्ती 25:41

बाकै पाछै बो राजा आपकै बाया हात खड़्या मिनखाऊँ खेसी, ‘हाय ह थार प। थे मेरै कनैऊँ चल्या जाओ। अर जखी कदैई नइ बुत्तबाळी आग सेतान अर बिका दुता ताँई बाळ राखी ह बिमै पड़ मरो।

दरसाव 20:12

इकै पाछै म छोटाऊँ लेर बडा ताँई का सगळा मरेड़ा मिनखानै देख्यो। बे बि सिंघासन क सामै खड़्या हा , जणा क्युंक पोथ्या खोली गई। आकै पाछै एक ओर पोथी खोली गई, जखी जीवन की पोथी ह। अर बाका करमा गेल जखा इ पोथी म मांड्या गया हा, मरेड़ा को न्याय कर्यो गयो।

दरसाव 19:20

पण बि खुखार ज्यानबरनै अर झूठा परमेसर की खेबाळानै जखो बिकै कानिऊँ सेलाणी-चमत्कार दिखाया करतो हो बानै केद कर लिओ गयो। ओ बोई झूठो खेबाळो ह जखो आपकी सेलाणीऊँ बा मिनखानै भंगरायो हो जखा बि खुखार ज्यानबर का आंक लिआ हा अर बिकी मूरतीनै धोक्या हा। अर बि खुखार ज्यानबर अर झूठा परमेसर की खेबाळानै तिजाब हाळी नरक का भबकता आग का कूंड म जिंदोई गेर दिओ गयो।

इबरानीआ 12:25

ध्यान राखो, बि बोलबाळानै मना नकारो। ज बे बिनै नकारर कोनी बच पाया, जानै बो धरती पई चेतावनी दि ही, जणा ज आपा बिऊँ मुंडो फेरां, जखो ईस्बर नगरीऊँ चेतावनी देर्यो ह जणा बिऊँ कदैई कोनी बचस्यां।

इबरानीआ 2:3

जणा पाछै आपा इ बडा छुटकारा की अनदेखी कर कंय्यां बच सकां हां? इ छुटकारा को पेलो हेलो परबु कानिऊँ पाड़्यो गयो हो अर जखा बी इ हेलानै सुण्या हा बे आपणा ताँई इनै पुक्‍तो कर्या।

मरकुस 16:16

अर जखो बी थारी बाता प बिस्वास करसी अर बतिस्मो लेसी बिको छुटकारो होसी अर जखो बिस्वास कोनी करसी बो पापी रेह्सी अर सजा भोगसी।

मत्ती 13:42

बानै भेळा कर आग का कूंड म गेर दिओ ज्यासी जठै रोबो अर दांत पिसबो होसी।

लूका 10:20

पण इ बात प राजी मना होवो की ओपरी बलाया थारै बळ म ह पण इ बात प राजी होवो की थारा नाम ईस्बर नगरी म मंडर्या हीं।”

दरसाव 3:5

जखो जीतै ह बो बाकी जंय्यां ह जखा धोळा गाबा पेरै ह। म जीवन की पोथी मऊँ बिको नाम कोनी बुझाणू, पण बिका नामनै परम-पिता अर ईस्बर नगरी दुता क सामै परगट करस्युं क बो मेरो ह।

दरसाव 20:10

अर बि सेताननै जखो बानै भंगरातो हो बि तिजाब हाळा नरक का भबकता आग का कूंड म जिकै मांयनै बि खुखार ज्यानबर अर झूठा परमेसर की खेबाळानै गेर्यो गयो हो बिकै मांयनै गेर दिओ ज्यासी। अर बानै सदा-सदाई दिन-रात बिकै मांयनै तड़पायो जासी।

दरसाव 20:14

इकै पाछै मोतनै अर पताळनै आग का कूंड म गेर दिओ गयो। ओ आग को कूंडई दुसरी मोत ह।