दरसाव 20:12 - जीवन को च्यानणो (सेकावाटी नया नियम की पोथ्या)

¹² इकै पाछै म छोटाऊँ लेर बडा ताँई का सगळा मरेड़ा मिनखानै देख्यो। बे बि सिंघासन क सामै खड़्या हा , जणा क्युंक पोथ्या खोली गई। आकै पाछै एक ओर पोथी खोली गई, जखी जीवन की पोथी ह। अर बाका करमा गेल जखा इ पोथी म मांड्या गया हा, मरेड़ा को न्याय कर्यो गयो।

दरसाव 20:12 Referans Kwoze

2 कुरन्थीयो 5:10

क्युं क आपा इ काया म जीर जखो बी भलो-बुरो काम कर्या हां बिको फळ पाबा ताँई मसी क न्याय सिंघासन क सामै पक्कोई खड़्यो होणो पड़सी।

मत्ती 16:27

जद मिनख को बेटो ईस्बर नगरी दुता क सागै परम-पिता की मेमा म आसी जणा बो मिनखानै बाका कामा गेल फळ देसी।”

दरसाव 22:12

ईसु सगळा मिनखाऊँ बोलै ह, “सुणो, म तावळोई आऊँ हूँ। अर सागै थारा करमा गेल थारै ताँई फळ ल्याऊँ हूँ।

दरसाव 2:23

म बिका टाबरानै मार गेरस्युं। जणा सगळी बिस्वासी मंडळ्या आ जाण ज्यासी क म हिया अर बुदीनै जाणबाळो हूँ। अर म हरेकनै बाका करमा गेल बदलो देस्युँ।

दरसाव 11:18

देस-देस का मिनख झाळ्या म भर्या पड़्या हा। थे झाळ्या भर्या , पण इब थारो न्याय करबा को टेम आगो, जिऊँ मरेड़ा को न्याय कर्यो जावै। अर तेरा मिनखा को, थारी खेबाळा को अर बाको जखा थारा नाम को डर मान्या करता हा बदलो लिओ जावै। बानै फळ दिओ जावै अर जखा धरतीनै खराब कर्या हीं बाको नास कर्यो जावै।”

दरसाव 3:5

जखो जीतै ह बो बाकी जंय्यां ह जखा धोळा गाबा पेरै ह। म जीवन की पोथी मऊँ बिको नाम कोनी बुझाणू, पण बिका नामनै परम-पिता अर ईस्बर नगरी दुता क सामै परगट करस्युं क बो मेरो ह।

दरसाव 20:13

जखा मिनख समदर म मरगा हा, बानै समदर दे दिओ अर मोत अर पताळ बी मरेड़ा मिनखानै दे दिआ। अर बा हरेक को न्याय बाका करमा गेल कर्यो गयो।

दरसाव 21:27

कोई असुद चिज तो बिकै मांयनै बड़ई कोनी सकै, अर नइ बे जखा सूगला अर धोकेबाज हीं, पण बि नगरी म तो बेई बड़ सकै ह जखा को नाम उन्या की जीवन हाळी पोथी म मंडर्या ह।

भेजेड़ा चेला का काम 24:15

अर जंय्यां अ परमेसर म आस राखै ह बंय्यांई म बी राखूँ हूँ की सगळा धरमी अर अधरमी दोन्या को ओज्यु जी उठबो होसी।

दरसाव 20:11

इकै पाछै म बडोसारो धोळो सिंघासन अर बिकै उपर जखो बेठ्यो हो बिनै देख्यो। बिकै सामैऊँ आसमान अर धरती भाग छुट्या अर बाको नामो निसानई कोनी रिह्यो।

दरसाव 19:5

जणा ओज्यु सिंघासनऊँ एक हेलो आयो, “ओ मिनखो थे जखा परमेसरऊँ डरो हो, थे चाए छोटा हो चाए बडा हो बिकी जेजैकार करो।”

फलिपी 4:3

अर मेरा बिस्वासी सिरी सुजुगे, म तेरूँ बी अरदास कर आ चाऊँ हूँ क जखी लूगाया मेरै सागै चोखा समचारनै फेलाबा म क्लेमेंस अर मेरा ओर बी सिर्या क सागै मेनत करी ही बाको सागो दिआ कर क्युं क बाको नाम बी जीवन की पोथी म मंडेड़ो ह।

लूका 10:20

पण इ बात प राजी मना होवो की ओपरी बलाया थारै बळ म ह पण इ बात प राजी होवो की थारा नाम ईस्बर नगरी म मंडर्या हीं।”

दरसाव 13:8

जखा मिनखा को नाम बि उन्या की जीवन हाळी पोथी म कोनी मांडेड़ो बे सगळा मिनख इ डरावना जानबरनै धोकसी। ओ उन्यो जखो इ सरस्टि की सरूआतऊँई बलि होबा ताँई ते कर्यो गयो हो।

रोमीयो 2:6

क्युं क परमेसर हरेकनै बिका करमा गेल फळ देसी।

दरसाव 17:8

जि खुखार ज्यानबरनै तू देख्यो ह, बो पेली हो इब कोनी पण बो जिंदो होर पताळऊँ ओज्यु आसी अर बिको नास होज्यासी। अर धरती प रेह्बाळा बे मिनख जाका नाम जुगादऊँई जीवन की पोथी म कोनी मांडेड़ा बे इ खुखार ज्यानबरनै देखर ताजूब करसी, क्युं क ओ पेला जिंदो हो पण इब कोनी पण बो आबाळो ह।

1 कुरन्थीयो 4:5

जणा सई टेम आबाऊँ पेली कोईबी बात को न्याय मना करो। परबु क आबा का टेमऊँ पेली आखरी न्याय कोनी होवै। बो अँधेरा म लुखेड़ी बातानै च्यानणा म ल्यासी अर चित का बिचारानै परगट करसी बी टेमई हरेक की बडाई परमेसर कानिऊँ होसी।

मत्ती 11:22

पण न्यायहाळै दिन थारी दसा सूर अर सैदाऊँ बोळी बेत्ती बुरी होसी।

दरसाव 20:15

अर जिको बी नाम जीवन की पोथी म मांडेड़ो कोनी मिल्यो बिनै बी इ आग का कूंड म गेर दिओ गयो।